完整藏文原文 · 德格版页 当前仅加载第 65 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པ་ཡོངས་སུ་སྤོང་ངོ་། །ཡང་དག་པའི་ཏིང་ངེ་འཛིན་དང་། ཡང་དག་པའི་ཤེས་རབ་ཡོངས་སུ་སྤོང་ངོ་། །སེམས་ཅན་འདི་དག་ཤིན་ཏུ་ཐོབ་པར་དཀའ་བའི་མིའི་ལུས་ཐོབ་མོད་ཀྱི། གླེན་པ་མི་ཤེས་པ་དང་། ང་རྒྱལ་གྱི་དབང་གིས་ཇི་ལྟར་གོང་
D239.065.0198a01.01དུ་བཤད་པའི་སྡིག་ལྕི་བ་རྣམས་ཀུན་བགྱིད་དེ། བཅོམ་ལྡན་འདས་ཀྱི་དམ་པའི་ཆོས་ལ་འཕྱ་ཞིང་སྐུར་པ་དང་། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་བའི་ཉེ་གནས་ལ་འཚེ་བ་དང་། གནོད་པ་བགྱིད་དོ། །བདག་ཅག་དེང་བཅོམ་ལྡན་འདས་ཀྱི་སྤྱན་སྔར་
D239.065.0198a02.01སེམས་རྩེ་གཅིག་པས་ཡང་དག་པའི་ཡི་དམ་བཅའོ། །བདག་ཅག་དེང་སླན་ཆད་འཁོར་བར་འཁོར་བ་འདི་ཕན་ཆད་ནས་ནམ་རྣམ་པར་གྲོལ་བ་མ་ཐོབ་ཀྱི་བར་དུ་དེ་ལྟ་བུའི་སྡིག་པའི་གྲོགས་པོ་དང་མི་མཇལ་བ་དང་། དེ་ལྟ་བུའི་སྡིག་པའི་ལས་མི་བགྱིད་པ་དང་།
D239.065.0198a03.01སངས་རྒྱས་ཀྱི་དམ་པའི་ཆོས་ལ་མི་སྐུར་བ་དང་། རབ་ཏུ་བྱུང་བའི་གང་ཟག་ལ་གནོད་པ་མི་བགྱིད་པ་དང་། སེམས་ཅན་གྱི་ཆོས་ཀྱི་མིག་མི་འབྱིན་པ་དང་། དཀོན་མཆོག་གསུམ་གྱི་གདུང་རྒྱུན་མི་འཆད་པར་དམ་བཅས་པ་དང་། བཅོམ་ལྡན་འདས་བདག་ཅག་ལ་ཐུགས་
D239.065.0198a04.01བརྩེ་བའི་སླད་དུ་དམ་བཅས་པ་དེ་དག་རྗེས་སུ་གཟུང་དུ་གསོལ། དེའི་ཚེ་འཁོར་གྱི་དཀྱིལ་འཁོར་དེའི་ནང་ན་སེམས་ཅན་བློ་དང་ལྡན་པ་ཚད་མེད་པ་བྱེ་བ་ཁྲག་ཁྲིག་བརྒྱ་སྟོང་སྙེད་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ཐལ་མོ་སྦྱར་བ་བཏུད་དེ་བཅོམ་
D239.065.0198a05.01ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་དེང་བཅོམ་ལྡན་འདས་ཀྱི་སྤྱན་སྔར་བསམ་པ་ངེས་པར་དམ་བཅའ་བར་འཚལ་ཏེ། འཁོར་བར་འཁོར་བ་འདི་ཕན་ཆད་ནས་ནམ་ཆོས་ཀྱི་བཟོད་པ་མ་ཐོབ་ཀྱི་བར་དུ་རྒྱལ་པོར་མ་གྱུར་ཅིག །བློན་པོར་མ་གྱུར་ཅིག །
D239.065.0198a06.01ཡུལ་གྱི་སྟོན་པར་མ་གྱུར་ཅིག །གྲོང་རྡལ་དང་། གྲོང་ཁྱེར་དང་། གྲོང་འདབ་ཀྱི་བདག་པོར་མ་གྱུར་ཅིག །དམག་ལ་དབང་བའི་བདག་པོར་མ་གྱུར་ཅིག །ཚོང་དཔོན་དུ་མ་གྱུར་ཅིག །མཆོད་པ་དང་། གཙུག་ལག་ཁང་ལ་དབང་བའི་བདག་པོར་མ་གྱུར་ཅིག །ཚོང་དཔོན་དང་། ཁྱིམ་བདག་དང་།
D239.065.0198a07.01