完整藏文原文 · 德格版页 当前仅加载第 65 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཀའ་སྩལ་པ། ཉན་ཐོས་དང་ནི་རང་རྒྱལ་བ། །སེམས་ཅན་དམིགས་པའི་བྱམས་སྒོམ་པ། །སེམས་ལ་བཅུ་གསུམ་སྐྱོན་འཆང་ཞིང་། །བདག་ལ་ཕན་པའི་དོན་ཕྱིར་རྩོལ། །བྱང་ཆུབ་སེམས་དཔའ་གྲགས་ཆེན་ནི། །སེམས་ཅན་ཐམས་ཅད་ཀུན་གྱི་ཕྱིར། །ཐུན་མོང་མ་
D239.065.0234a01.01ཡིན་བྱམས་ཆེན་བསྒོམས། །བཅུ་གསུམ་སེམས་ཀྱི་སྐྱོན་རྣམས་སྤངས། །དྲི་མ་བཅུ་གསུམ་རབ་སྤངས་ནས། །བྱང་ཆུབ་ཆེན་པོར་གཞོལ་བར་བྱེད། །ཆོས་ལ་དམིགས་པའི་བྱམས་བསྒོམས་ན། །བསོད་ནམས་ཞིང་གྲུབ་རིང་བ་མིན། །བཅུ་གསུམ་སྟོབས་ལ་བདེར་གནས་ན། །སེམས་
D239.065.0234a02.01ཅན་ཀུན་ལས་ཤིན་ཏུ་འཕགས། །ཇི་ལྟར་སེང་གེའི་རྒྱལ་པོ་དེ། །{རི་དགས་,རི་དྭགས་}ཀུན་ལས་འཕགས་པ་བཞིན། །བཅུ་གསུམ་དགྲ་རྣམས་ཤིན་ཏུ་བཏུལ། །རྟག་དང་ཆད་པའི་མཐར་འཛིན་སྤངས། །སེམས་ལ་ཅིས་ཀྱང་མི་གོས་ན། །མྱུར་དུ་བྱང་ཆུབ་ཆེན་པོ་འཐོབ། །རིགས་ཀྱི་བུ་
D239.065.0234a03.01གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོའི་གོ་ཆ་ཆེན་པོའི་འཁོར་ལོ་ཡོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་ནས་འདོད་པ་རྣམ་པ་ལྔ་ཡོངས་སུ་བསལ་ཏེ། ཉན་ཐོས་དང་། རང་སངས་རྒྱས་
D239.065.0234a04.01ཐམས་ཅད་ལས་ཤིན་ཏུ་འདས་པས་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་ཞིང་། ཉན་ཐོས་དང་། རང་སངས་རྒྱས་ཐམས་ཅད་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱ་བར་འགྱུར་རོ། །དེ་ཇི་ལྟར་ཞེ་ན།
D239.065.0234a05.01ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ནི་བདག་ལ་ཕན་པ་དང་བདེ་བའི་དོན་གྱི་ཕྱིར་སྙིང་རྗེ་ལ་སྤྱོད་ཀྱི། སེམས་ཅན་ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར་སྙིང་རྗེ་ཆེན་པོ་སྐྱེད་པ་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་བདག་འབའ་ཞིག་
D239.065.0234a06.01ལ་ཕན་པ་དང་བདེ་བའི་དོན་གྱི་ཕྱིར་སྙིང་རྗེ་ཆེན་པོ་སྐྱེད་པ་མ་ཡིན་གྱི། སེམས་ཅན་ཐམས་ཅད་ལ་ཕན་པ་དང་བདེ་བའི་དོན་གྱི་ཕྱིར་སྙིང་རྗེ་ཆེན་པོ་སྐྱེད་དོ། །དེ་བས་ན་བྱང་ཆུབ་སེམས་དཔའ་སྙིང་རྗེ་ཆེན་པོའི་གོ་ཆ་ཆེན་པོའི་འཁོར་ལོ་དང་ལྡན་པས་ཉན་ཐོས་དང་། རང་སངས་རྒྱས་
D239.065.0234a07.01