完整藏文原文 · 德格版页 当前仅加载第 65 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ན་མ་འཚོའི་བར་དུ་མ་བྱིན་པར་ལེན་པ་ཡོངས་སུ་སྤངས་ན་དེ་ཉིད་སེམས་ཅན་ཐམས་ཅད་ལ་མི་འཇིགས་པའི་སྦྱིན་པ་ཡིན་ཏེ། ཡོངས་སུ་གདུང་བ་མེད་པ་དང་། འཚེ་བ་མེད་པ་དང་། བདག་
D239.065.0206b01.01ཉིད་ཚུལ་བཞིན་དུ་རྙེད་པའི་ནོར་གྱིས་ཆོག་ཤེས་པར་གནས་ཀྱིས། ཆོས་མ་ཡིན་པའི་ནོར་དང་ཁེ་ལ་རེ་བ་མེད་པ་དེའི་དབང་གིས་དགེ་བའི་རྩ་བ་ཐམས་ཅད་ཀྱང་ཡོངས་སུ་རྫོགས་པར་འགྱུར་རོ། །ཐོག་མ་མེད་པའི་མཐའ་ནས་རྒྱུད་ལྔར་འཁོར་ཞིང་འཁོར་བའི་རྒྱ་མཚོར་
D239.065.0206b02.01བྱིང་བར་འགྱུར་བ་ཡང་མ་བྱིན་པར་ལེན་པའི་དབང་གིས་ལུས་དང་། ངག་དང་། ཡིད་མི་དགེ་བའི་ལམ་རྣམས་བདག་ཀྱང་བྱེད་ལ། གཞན་ཡང་བྱེད་དུ་འཛུད་ཅིང་མཐོང་བ་དང་ཐོས་པའི་རྗེས་སུ་ཡི་རང་བ་ལས་བྱུང་བའི་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་
D239.065.0206b03.01དང་། ཆོས་ཀྱི་སྒྲིབ་པ་དང་། རིན་པོ་ཆེ་དང་ནོར་ལ་སྒྲིབ་པས་བསྒྲིབས་པར་གྱུར་ཏོ། །འདི་ལྟར་མ་བྱིན་པར་ལེན་པ་ཡོངས་སུ་སྤངས་པའི་འཁོར་ལོས་ལྷག་མ་མ་ལུས་པར་ཡོངས་སུ་བཅོམ་པས་རྣམ་པར་སྨིན་པའི་འབྲས་བུ་མི་མྱོང་སྟེ། ལུས་འདི་ཉིད་ལ་ཡང་ལྷ་དང་མི་
D239.065.0206b04.01ལ་སོགས་པ་ཀུན་དགའ་ཞིང་ཡིད་དུ་འོང་བས་དོགས་པ་མི་སྐྱེ་བ་དང་། ལུས་དང་སེམས་རབ་ཏུ་བདེ་བ་དང་། ནོར་རིན་པོ་ཆེ་ཐམས་ཅད་དང་ལྡན་པར་འགྱུར་རོ། །ནམ་འཆི་འཕོ་བའི་དུས་བྱེད་པ་ན་ཡང་ལུས་དང་སེམས་སྡུག་བསྔལ་གྱིས་མི་གདུང་ཞིང་ཡིད་དུ་འོང་བའི་བུ་དང་། ཆུང་
D239.065.0206b05.01མ་དང་། འཁོར་ཐམས་ཅད་ཀྱིས་ཡོངས་སུ་བསྐོར་བས་འཆི་འཕོ་བའི་དུས་བྱེད་ཀྱི་ཤིན་ཏུ་འཇིགས་པ་གཤིན་རྗེའི་ཕོ་ཉ་མཐོང་བར་མི་འགྱུར་རོ། །གཞན་ཡང་ཡིད་དུ་འོང་བའི་དགེ་བའི་བཤེས་གཉེན་གྱི་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ་བསོད་ནམས་ཀྱི་ཞིང་ཡང་
D239.065.0206b06.01དག་པ་དང་ཕྲད་དེ། ལུས་དང་སེམས་རབ་ཏུ་དགའ་བ་དང་དེ་ལ་བཀུར་སྟི་དང་བཅས་པས་དང་བ་སྐྱེ་བར་འགྱུར་རོ། །ཚེ་འཕོས་ནས་ཀྱང་ཕྱིར་མིའི་ནང་དུ་སྐྱེ་སྟེ། དབང་པོ་ཡོངས་སུ་རྫོགས་ཤིང་ཡན་ལག་དང་ལྡན་པ་དང་། གང་ནས་གང་དུ་སྐྱེས་པར་ལོངས་སྤྱོད་ཆེན་པོ་དང་ལྡན་ཞིང་
D239.065.0206b07.01