完整藏文原文 · 德格版页 当前仅加载第 65 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་ཡང་འཁོར་ལོ་རྣམ་པ་བཅུ་དང་ལྡན་ན་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་དང་། ཆོས་ཀྱི་སྒྲིབ་པ་ཐམས་ཅད་ཡོངས་སུ་བཅོམ་སྟེ། རྣམ་པར་སྨིན་པ་མི་ལེན་པར་བྱེད་དོ། །རིགས་ཀྱི་བུ་འདི་ལྟ་སྟེ། འཁོར་ལོ་རྣོན་པོ་ནི་ཐང་ཅིག་འཕངས་
D239.065.0203b01.01པས་ཕས་རྒོལ་བའི་དགྲའི་མགོ་དང་། ཡན་ལག་བཅད་དེ། དེ་སྤྱོད་པའི་མཐུ་མེད་པར་བྱེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་བཅུ་པོ་འདི་དང་ལྡན་ན་རྒྱུད་ལྔར་འཁོར་བའི་སྡུག་བསྔལ་ཆེན་པོ་ཐམས་ཅད་འཇོམས་པ་དང་། ཉོན་མོངས་
D239.065.0203b02.01པ་དང་སྡིག་པའི་ལས་ཐམས་ཅད་ཡོངས་སུ་གཅད་དེ། རྣམ་པར་སྨིན་པ་ལེན་པར་མི་བྱེད་དོ། །རིགས་ཀྱི་བུ་འདི་ལྟ་སྟེ། མེའི་བསྐལ་པ་བྱུང་བའི་ཚེ་ཉི་མ་ལྔ་ཅིག་ཅར་ཤར་ནས་གླིང་བཞིའི་ཀླུང་དང་། མཚོ་དང་། ཆུ་བོ་དང་། ཆུའི་ཁམས་སུ་གཏོགས་པ་གཤེར་བ་ཐམས་ཅད་གང་
D239.065.0203b03.01ཡང་མི་སྐེམས་པ་མེད་དོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་བཅུ་པོ་འདི་དང་ལྡན་ན་རྒྱུ་བ་བཞི་དང་། ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་དང་། ཆོས་ཀྱི་སྒྲིབ་པ་དང་། སྡུག་བསྔལ་གྱི་རྩ་བར་སྨིན་པ་ཐམས་ཅད་ཡོངས་
D239.065.0203b04.01སུ་སྐེམས་པར་བྱེད་དོ། །རིགས་ཀྱི་བུ་འདི་ལྟ་སྟེ། རླུང་གི་བསྐལ་པ་བྱུང་བའི་ཚེ་ཕྱོགས་བཞི་ནས་རླུང་ཆེན་པོ་དུས་གཅིག་ཏུ་ལངས་པས་འཇིག་རྟེན་གྱི་ཁམས་ཐམས་ཅད་ནི་རི་བོ་ཆེ་ཆུང་དང་། ས་ཆེན་པོ་རྣམས་ཐམས་ཅད་འཇིག་ཅིང་འཐོར་བར་འགྱུར་རོ། །དེ་བཞིན་དུ་བྱང་ཆུབ་
D239.065.0203b05.01སེམས་དཔའ་སེམས་དཔའ་ཆེན་པོ་ཡང་འཁོར་ལོ་རྣམ་པ་འདི་བཅུ་དང་ལྡན་ན་འཇིག་རྟེན་གྱི་ཕྱིན་ཅི་ལོག་བཞི་དང་། ང་རྒྱལ་གྱི་རི་བོ་ཐམས་ཅད་མི་ཤིགས་པ་གང་ཡང་མེད་པ་དང་། སེམས་ཅན་ཐམས་ཅད་ཀྱི་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་དང་། ཆོས་
D239.065.0203b06.01ཀྱི་སྒྲིབ་པ་དང་། སྡུག་བསྔལ་གྱི་རྣམ་པར་སྨིན་པའི་རྩ་བ་ཐམས་ཅད་ཀྱང་འཇིག་ཅིང་འཐོར་བར་འགྱུར་རོ། །རིགས་ཀྱི་བུ་འདི་ལྟ་སྟེ། སེང་གེའི་རྒྱལ་པོ་རལ་པ་ཅན་གྱི་སྐད་ཐང་ཅིག་ཕྱུང་བས་གཅན་གཟན་ཐམས་ཅད་འཕུར་བ་དང་། འགྲོ་བ་ཐམས་ཅད་སྐྲག་ཅིང་འགུལ་
D239.065.0203b07.01