完整藏文原文 · 德格版页 当前仅加载第 65 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བར་འགྱུར། །རྣམ་པ་སྣ་ཚོགས་ཀུན་གྱི་ལུས་སྟོན་ཅིང་། །སྐྱེ་བོ་མང་པོ་དག་ལ་ཆོས་ཀྱང་སྟོན། །སྦྱིན་པའི་ཡོན་ཏན་ཐམས་ཅད་རྫོགས་པས་ནི། །སེམས་ཅན་ཀུན་ལ་སྙིང་བརྩེ་བདེ་བར་གྱུར། །གལ་ཏེ་བསྐལ་པ་མང་པོ་བརྒྱ་ཡི་བར། །དེ་ཡི་ཡོན་ཏན་
D239.065.0118a01.01བསྔགས་ཤིང་རབ་བསྟོད་དེ། །མཐར་ཕྱིན་རྫོགས་པར་འགྱུར་བ་ཤིན་ཏུ་དཀའ། །དེ་བས་ཀུན་གྱིས་བསྟི་སྟང་བཅས་པས་མཆོད། །འདུས་པ་ཆེན་པོ་ལས་བྱང་ཆུབ་སེམས་དཔའ་སའི་སྙིང་པོའི་འཁོར་ལོ་བཅུ་པ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ།། །།
D239.065.0118a02.01བམ་པོ་གཉིས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་སྟན་ལས་ལངས་ཏེ་བླ་གོས་ཕྱོགས་གཅིག་ཏུ་བྱས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ། པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་བ་བཏུད་དེ་བཅོམ་ལྡན་འདས་
D239.065.0118a03.01ལ་འདི་སྐད་ཅེས་གསོལ་ཏོ། །ཡོན་ཏན་ཚད་མེད་རྒྱ་མཚོ་ཅན། །བཅོམ་ལྡན་འདས་ལ་ཞུ་གསོལ་བ། །ཐེ་ཙོམ་ནེམ་ནུར་ཅི་མཆིས་པ། །བདག་ལ་རྒྱས་པར་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་ཡང་དག་པ་ཁྱོད་ནི་ཆོས་ཐམས་ཅད་ཡེ་ཤེས་
D239.065.0118a04.01ཀྱིས་མཐོང་བ་ལ་ཐོགས་པ་མེད་དོ། །འོན་ཀྱང་སེམས་ཅན་ལ་ཕན་པ་དང་བདེ་བར་འདོད་པའི་ཕྱིར་ཁྱོད་དེ་བཞིན་གཤེགས་པ་ལ་ཅི་དང་ཅི་འདོད་པ་དྲིས་ཤིག་དང་། བཅོམ་ལྡན་འདས་ཀྱིས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་ནས་བྱང་ཆུབ་སེམས་
D239.065.0118a05.01དཔའ་སེམས་དཔའ་ཆེན་པོ་སའི་སྙིང་པོས་ཚིགས་སུ་བཅད་དེ་གསོལ་པ། བདག་སྔོན་བསྐལ་པ་བཅུ་གསུམ་དུ། །སྤྱོད་པ་དཀའ་བ་ཤིན་དུ་སྤྱད། །སོ་སོའི་སྐྱེ་བོ་ཀུན་དོན་དུ། །འཇིགས་པ་གསུམ་དང་རྙོག་ལྔ་བསལ། །སངས་རྒྱས་བྱེ་བ་ཁྲག་ཁྲིག་ལ། །ཚད་མ་མཆིས་པའི་
D239.065.0118a06.01མཆོད་བགྱིས་པས། །བསམ་པ་དག་པའི་འཁོར་འདི་དང་། །ཚོགས་ཆེན་འདུས་པའང་སྔོན་མཐོང་ངོ་། །བློ་ཅན་བརྩོན་འགྲུས་རྩོལ་བ་དག །ཐམས་ཅད་འདུས་ཤིང་ཚོགས་འདིར་ལྷགས། །ཤིན་ཏུ་སྐྱོན་མེད་འཁོར་འདི་དག །མཐོང་བར་གྱུར་པ་ངོ་མཚར་རྨད། །ཅི་སླད་སངས་
D239.065.0118a07.01