完整藏文原文 · 德格版页 当前仅加载第 65 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
ན་སྤོས་ཉིད་ཚིག་སྟེ་མེད་པར་སོང་ཡང་དྲི་བསུང་གིས་གཞན་ལ་བྲོ་བར་བྱེད་དོ། །དེ་བཞིན་དུ་ཚུལ་ཁྲིམས་ཉམས་པའི་དགེ་སློང་དེ་ཡང་ཚུལ་ཁྲིམས་ཉམས་པས་བསོད་ནམས་ཀྱི་ཞིང་གཤིན་པ་མ་ཡིན་ཏེ། ཉིན་མཚན་དུ་དད་པས་བྱིན་པས་བསྲེགས་ཏེ་ཚེ་འཕོས་
D239.065.0141a01.01ནས་ངན་སོང་གསུམ་དུ་ལྷུང་མོད་ཀྱི་སེམས་ཅན་ཚད་མེད་དཔག་ཏུ་མེད་པའི་ཕན་པ་དང་བདེ་བའི་དོན་དུ་འགྱུར་ཏེ། མཐོ་རིས་ཀྱི་ལྷར་སྐྱེ་བ་དང་མྱ་ངན་ལས་འདའ་བའི་བསུང་ཚོར་བར་བྱེད་དོ། །དེ་བས་ན་ཚངས་པ་ཆེན་པོ་དེ་ལྟར་ཚུལ་ཁྲིམས་ཉམས་ཤིང་སྡིག་པ་སྤྱོད་པའི་དགེ་སློང་ལ་
D239.065.0141a02.01ཁྱིམ་པ་ཐམས་ཅད་ཀྱིས་བསྟི་སྟང་དང་བཅས་པས་མཆོད་པ་དང་། རིམ་གྲོ་བྱའི་རབ་ཏུ་བྱུང་བ་དེ་ལ་ལྕག་དང་དབྱུག་པས་གཞུ་ཞིང་འཚོག་པ་དང་། བཙོན་རར་གཞུག་པ་དང་། གཤེ་ཞིང་སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་དབྲལ་དུ་ངས་མ་
D239.065.0141a03.01གནང་ངོ་། །དེ་དག་ཡོངས་སུ་དག་པའི་དགེ་འདུན་གྱི་ནང་དུ་གསོ་སྦྱིན་བྱ་བ་དང་། ཚུལ་དུ་འཇུག་པ་དང་། ཚུལ་ནས་བྱུང་བའི་ཚེ་བསྐྲད་པ་དང་། ཕྱོགས་བཞིའི་དགེ་འདུན་གྱི་རྙེད་པ་དང་། ལོངས་སྤྱོད་དང་། བཟའ་བ་དང་། བཏུང་བ་དང་། འཚོ་བའི་ཡོ་བྱད་ལ་སོགས་པ་ཐམས་ཅད་
D239.065.0141a04.01ལ་སྤྱོད་དུ་མི་དབང་སྟེ་དགེ་སྦྱོང་གིས་འདུལ་བའི་ལས་བྱེད་པ་ཐམས་ཅད་ཀྱི་ནང་དུ་འོང་དུ་མི་གནང་བར་ཟད་ཀྱི་དེ་ལ་གཞུ་བ་དང་། འཚོག་པ་དང་། འཆིང་བ་དང་། སྲོག་གི་དབང་པོ་ལ་སོགས་པ་དང་དབྲལ་བར་ངས་མ་གནང་ངོ་། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་
D239.065.0141a05.01བཀའ་སྩལ་པ། ཙམ་པ་ཀ་ཡི་མེ་ཏོག་རྙིས་གྱུར་ཀྱང་། །མེ་ཏོག་རྣམ་པ་གཞན་པས་ཤིན་ཏུ་ལྷག །དགེ་སློང་ཚུལ་ཁྲིམས་ཉམས་ཤིང་སྡིག་སྤྱོད་ཀྱང་། །མུ་སྟེགས་ཅན་དག་ཐམས་ཅད་ཀུན་པས་མཆོག །གཞན་ཡང་ཚངས་པ་ཆེན་པོ་མཚམས་མེད་པའི་ཁ་ན་མ་ཐོ་བ་ཆེན་པོའི་
D239.065.0141a06.01ལས་རྣམ་པ་ལྔ་ཡོད་དོ། །ལྔ་གང་ཞེ་ན། ཆེད་དུ་བསམས་ཏེ་ཕ་བསད་པ་དང་། ཆེད་དུ་བསམས་ཏེ་མ་བསད་པ་དང་། ཆེད་དུ་བསམས་ཏེ་དགྲ་བཅོམ་པ་བསད་པ་དང་། ལོག་པར་ལྟ་བས་ཉན་ཐོས་ཀྱི་དགེ་འདུན་གྱི་དབྱེན་བྱས་པ་དང་། ངན་སེམས་ཀྱིས་སངས་རྒྱས་ཀྱི་སྐུ་ལ་ཁྲག་
D239.065.0141a07.01