完整藏文原文 · 德格版页 当前仅加载第 65 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དང་ལྡན་ལ་གཞན་ཡང་ཉེ་བར་ལེན་པའི་ཕུང་པོ་ལྔ་ལ་ཡང་དང་ཡང་དུ་མི་རྟག་པར་རྗེས་སུ་རྟོག་པ་ལ་གནས་པ་དང་། སྐྱེ་ཞིང་འགོག་པ་ལ་ཡང་དང་ཡང་དུ་རྗེས་སུ་རྟོག་པ་ལ་གནས་པ་དང་། རྟེན་ཅིང་འབྲེལ་ཏེ་འབྱུང་བའི་ཆོས་རྣམས་ནི་འགོག་པའི་ཆོས་ཅན་དུ་ཤིན་ཏུ་རྟོག་པ་སྟེ།
D239.065.0190b01.01མཚན་ཉིད་འདི་དག་དང་ལྡན་ན་རང་སངས་རྒྱས་ཀྱི་ཐེག་པ་ཞེས་བྱ་སྟེ། སེམས་ཅན་དེ་ཐེག་པ་ཆེན་པོའི་ཆོས་ཀྱི་སྣོད་ནི་མ་ཡིན་ནོ། །དེ་ནས་བཅོམ་ལྡན་འདས་ཀྱིས་དོན་དེ་དག་བཟླས་པའི་ཕྱིར་ཚིགས་སུ་བཅད་དེ་གསུངས་པ། གལ་ཏེ་དགེ་བའི་རྒྱལ་རིགས་རྒྱལ་པོ་དང་། །རྗེའུ་རིགས་
D239.065.0190b02.01དམངས་རིགས་ཤིན་ཏུ་དགེ་བའི་བར། །དད་ལ་སོགས་པའི་འཁོར་ལོ་བཅུ་བསྒོམས་ན། །ཉན་ཐོས་ཐེག་པའི་སྣོད་དུ་དེ་འགྱུར་རོ། །རང་རྒྱལ་ཐེག་པའི་སྒོ་གསུམ་རྣམ་པར་དག །ཁྲེལ་དང་འཛེམ་པར་ལྡན་ཞིང་ཕུང་པོས་འཇིགས། །ཉེས་པའི་སྐྱོན་ཤེས་པས་མཐའི་གནས་ལ་
D239.065.0190b03.01དགའ། །དྲན་པས་དབང་པོ་སྲུང་ཞིང་སེམས་ཀྱང་ཞི། །རྟེན་ཅིང་འབྲེལ་བ་རྟོགས་པས་བསམ་གཏན་སྒོམ། །ཕུང་པོ་ཁམས་དང་སྐྱེ་མཆེད་རྟོགས་ལ་མཁས། །གནས་དང་སྤྱོད་ལམ་འཁོར་ལོ་འདི་བཅུས་ན། །ཐེག་པ་མཆོག་གི་སྣོད་འགྱུར་སྲིད་མཚོ་རྒལ། །ཐེག་པ་གསུམ་
D239.065.0190b04.01མིན་གཉིས་ཀྱི་འཁོར་ལོ་ཡིས། །བདག་ཉིད་ཉོན་མོངས་རྣམ་པར་གྲོལ་རྩོལ་ཞིང་། །བག་ཆགས་མི་གཏོང་སེམས་ཅན་མི་སྒྲོལ་བའི། །གང་ཟག་དེ་ནི་ཐེག་ཆེན་སྣོད་མ་ཡིན། །བྱིས་པ་དབང་པོ་ཞན་པའི་ལེ་ལོ་ཅན། །ཐེག་པ་གཉིས་ལ་ནན་ཏན་མི་བྱེད་པ། །ཐེག་པ་ཆེན་པོའི་འཁོར་ལོ་
D239.065.0190b05.01ལྡན་མི་འགྱུར། །དེ་ནི་རྒྱ་ཆེན་ཐེག་ཆེན་སྣོད་མ་ཡིན། །བྱིས་པ་གཅིག་པུ་རྣམ་པར་གྲོལ་ཚོལ་བ། །བློ་དང་སྤྱོད་པར་ཞན་ཅིང་བྱམས་སེམས་མེད། །ཆད་པར་ལྟ་ལ་ཆགས་པ་ངན་སོང་གཞོལ། །ཡང་དག་ཆོས་སྤོང་ཆོས་མ་ཡིན་པ་སྟོན། །ཐེག་པ་གཉིས་ལ་སྐུར་ཞིང་སྡོམ་པ་
D239.065.0190b06.01སྤོང་། །བསྙེན་པར་རྫོགས་ཤིང་ཐེག་ཆེན་ཁས་འཆེ་བ། །ང་ཡི་ཆོས་འཇིག་སེམས་ཅན་ཀུན་ལ་སླུ། །དེ་ཡི་དབང་གིས་མི་ལུས་ཐོབ་པར་དཀའ། །ང་ཡི་བསྟན་ལ་ཞུགས་པའི་འཕགས་པ་དང་། །ངུར་སྨྲིག་གྱོན་ལ་འཚེ་འམ་གནོད་བྱེད་དམ། །གཤེ་འམ་སྤྱོས་སམ་ལྷུང་
D239.065.0190b07.01