完整藏文原文 · 德格版页 当前仅加载第 65 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
སྡིག་པའི་སེམས་བསྐྱེད་ན། །ངེས་པར་མཚམས་མེད་སེམས་ཅན་དམྱལ་བར་ལྟུང་། །དེ་ནས་སྲིན་མོའི་བུ་དང་འཁོར་དུ་བཅས་པས་བསྐོར་ཏེ། བསྟི་སྟང་དང་བཅས་པས་ཕྱག་བྱས་ཏེ་ཐལ་མོ་སྦྱར་ནས་ཚིགས་སུ་བཅད་པས་འདི་སྐད་ཅེས་སྨྲས་སོ། །ཚོན་ཅན་གྱོན་པ་ཁྱོད་ལ་སོ་སོར་འཆགས། །
D239.065.0154b01.01བདག་ཅག་ཇི་སྟེ་ཕ་དང་མ་དག་ལ། །ལུས་དང་ངག་ཡིད་མི་དགེ་བྱས་སླ་ཡི། །ཁྱོད་ལ་ནམ་དུའང་གནོད་པར་མི་བགྱིད་དོ། །དེ་ནས་ཡང་སྲིན་མོ་ཆེན་མོ་བོང་བུ་སོ་ཞེས་བྱ་བ་འཁོར་ལྔ་སྟོང་དང་བཅས་ཏེ་དུར་ཁྲོད་དེར་ལྷགས་སོ། །སྲིན་མོ་དེས་ཀྱང་བཅིང་བ་ལྔས་བཅིངས་པ་སྐྲ་དང་ཁ་སྤུ་བྲེགས་པ་
D239.065.0154b02.01ཆོས་གོས་ཀྱི་ཚལ་བུ་མགུལ་དུ་བཏགས་པའི་མི་དེ་མཐོང་ནས་བསྐོར་ཏེ། བསྟི་སྟང་དང་བཅས་པས་ཕྱག་བྱས་ནས་ཐལ་མོ་སྦྱར་ཏེ་ཚིགས་སུ་བཅད་པས་འདི་སྐད་ཅེས་སྨྲས་སོ། །སྐྱེས་བུ་བདག་གིས་མ་བསྙེངས་བདེ་བར་བཞུགས། །ཁྱོད་ཀྱི་མགུལ་དུ་བཏགས་པའི་ཚལ་བུ་འདི། །དྲང་སྲོང་
D239.065.0154b03.01ཆེན་པོའི་རྒྱལ་མཚན་ན་བཟའ་ལགས། །དེ་ལ་བདག་ཅག་མཆོད་ཅིང་ཕྱག་འཚལ་ལོ། །དེ་ནས་སྲིན་མོ་དེའི་བུ་རྣམས་ཀྱིས་མ་ལ་འདི་སྐད་ཅེས་སྨྲས་སོ། །མི་ཡི་ཤ་དང་ཁྲག་ལས་ཞིམ་པ་མེད། །ལུས་དང་སེམས་སྟོབས་སྐྱེ་ཞིང་འཕེལ་བར་འགྱུར། །ཤིན་ཏུ་དཔའ་ལ་རྟུལ་ཕོད་འཇིགས་
D239.065.0154b04.01མེད་པ། །ཡུམ་གྱིས་དེ་ལ་བདག་ཅག་འཚལ་དུ་གནོང་། །དེ་ནས་སྲིན་མོས་བུ་རྣམས་ལ་འདི་སྐད་ཅེས་སྨྲས་སོ། །ལྷ་མིའི་ལོངས་སྤྱོད་ལྡན་པ་ཐམས་ཅད་ཀྱང་། །རབ་ཏུ་བྱུང་བ་དག་ལས་ཐོབ་པའི་ཕྱིར། །ཆོས་གོས་གྱོན་པ་འདི་ལ་མཆོད་པས་ན། །བདེ་བ་ཚད་མེད་པ་ཡང་འཐོབ་པར་
D239.065.0154b05.01འགྱུར། །དེ་ནས་སྲིན་མོའི་བུ་རྣམས་འཁོར་དང་བཅས་པས་བསྐོར་ནས་བསྟི་སྟང་དང་བཅས་པས་ཕྱག་བྱས་ཏེ། ཐལ་མོ་སྦྱར་ནས་ཚིགས་སུ་བཅད་དེ་སྨྲས་པ། སྐྲ་བྲེགས་ཆོས་གོས་གྱོན་པའི་སྐྱེས་བུ་ལ། །བདག་ཅག་ཤིན་ཏུ་གུས་པར་ཕྱག་འཚལ་བས། །རྟག་ཏུ་མ་འོངས་པ་ཡི་
D239.065.0154b06.01དུས་ཀུན་དུ། །སངས་རྒྱས་མཐོང་ཞིང་དད་པ་སྐྱེ་བར་ཤོག །དེའི་ཚེ་ཡང་སྲིན་མོ་ཆེན་མོ་ཁྲོ་གཉེར་འཕྲལ་སྐྲ་ཅན་ཞེས་བྱ་བ་འཁོར་ལྔ་སྟོང་དང་བཅས་ཏེ་དུར་ཁྲོད་དེར་ལྷགས་སོ། །སྲིན་མོ་དེས་ཀྱང་བཅིང་བ་ལྔས་བཅིངས་པ་སྐྲ་དང་ཁ་སྤུ་བྲེགས་པ་ཆོས་གོས་ཀྱི་ཚལ་བུ་མགུལ་དུ་བཏགས་
D239.065.0154b07.01