完整藏文原文 · 德格版页 当前仅加载第 65 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་ཐོབ་པའི་བར་དུ་འགྱུར་རོ། །སངས་རྒྱས་ཀྱི་ཞིང་ཤིན་ཏུ་བརྟན་པ་སྲ་བ་མི་ཤིགས་པ་དང་། ལྷ་རྫས་བཟང་པོས་ཡོངས་སུ་བརྒྱན་པར་འགྱུར་བ་དང་། འཐུན་པ་དང་། མི་རྩོད་པ་ཤིན་ཏུ་དུལ་ཞིང་འདུམ་པ་དགེ་བའི་ཆོས་ཚོལ་བའི་སེམས་ཅན་དག་ཞིང་དེར་སྐྱེ་
D239.065.0211a01.01བར་འགྱུར་རོ། །རྟག་ཏུ་འདུམ་ཞིང་གུས་པས་དམ་པའི་ཆོས་ཉན་པ་དང་། དེ་བཞིན་གཤེགས་པའི་ཚེའི་ཚད་ཀྱང་དཔག་ཏུ་མེད་དེ། སེམས་ཅན་དག་ཅི་དང་ཅིས་འདུལ་བ་བཞིན་དུ་དམ་པའི་ཆོས་སྟོན་ཏོ། །ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ཡུན་
D239.065.0211a02.01རིང་དུ་གནས་ཤིང་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཕྲ་མ་ཡོངས་སུ་སྤངས་པའི་འཁོར་ལོ་ལྔ་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་འདི་
D239.065.0211a03.01དང་ལྡན་ན་ཉན་ཐོས་ཀྱི་ཐེག་པ་ལ་འཁྲུལ་པ་མེད་པར་འགྱུར། ཉན་ཐོས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །རང་སངས་རྒྱས་ཀྱི་ཐེག་པ་ལ་འཁྲུལ་པ་མེད་པར་འགྱུར། རང་སངས་རྒྱས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །ཐེག་པ་ཆེན་པོ་
D239.065.0211a04.01ལ་འཁྲུལ་པ་མེད་པར་འགྱུར། ཐེག་པ་ཆེན་པོའི་གང་ཟག་ལ་འཁྲུལ་པ་མེད་པར་འགྱུར་རོ། །དཀོན་མཆོག་གསུམ་གྱི་གདུང་ཡོངས་སུ་འཕེལ་བ་དང་། དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་བའི་ཉེ་གནས་ཆོས་ཀྱི་སྣོད་དམ། ཆོས་ཀྱི་སྣོད་མ་ཡིན་པ་ཡང་རུང་།
D239.065.0211a05.01ཆུང་ངུ་ན་ཆོས་གོས་ཀྱི་ཚལ་བུ་གྱོན་ཞིང་སྐྲ་དང་ཁ་སྤུ་བྲེགས་པ་ལ་འཁྲུལ་པ་མེད་པར་འགྱུར། ཐེག་པ་ཆེན་པོའི་ཆོས་ལ་གོང་ནས་གོང་དུ་འཕར་ཞིང་ཕྱིར་མི་ལྡོག་པ་དང་། རྣོ་བའི་ཤེས་རབ་དང་། བསོད་ནམས་ཀྱི་ཁྱད་པར་རྟག་ཏུ་སྐྱེ་ཞིང་འཕེལ་བ་དང་། ཏིང་ངེ་འཛིན་དང་། གཟུངས་
D239.065.0211a06.01དང་། བཟོད་པ་དང་། ས་རྣམས་ཐམས་ཅད་ལ་དབང་དུ་འགྱུར་ཞིང་ཕྱིར་མི་ལྡོག་པ་དང་། རྟག་ཏུ་དགེ་བའི་བཤེས་གཉེན་དང་ཕྲད་ཅིང་དེའི་རྗེས་སུ་འགྲོ་བ་དང་། རྟག་ཏུ་སངས་རྒྱས་མཐོང་བ་དང་མི་འབྲལ་ཞིང་བྱང་ཆུབ་སེམས་དཔའ་དང་ཉན་ཐོས་ཀྱི་ཉེ་གནས་མཐོང་བ་དང་མི་
D239.065.0211a07.01