完整藏文原文 · 德格版页 当前仅加载第 65 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱུང་བའོ། །རྣམ་པ་འདི་ལྔ་ནི་མཚམས་མེད་པའི་ཁ་ན་མ་ཐོ་བ་ཆེན་པོའི་ལས་ཞེས་བྱ་སྟེ། གང་ཟག་གང་ཞིག་རྣམ་པ་འདི་ལྔ་ལས་གཅིག་ཙམ་བྱས་ན་རབ་ཏུ་འབྱུང་ཞིང་བསྙེན་པར་རྫོགས་སུ་མི་རུང་ངོ་། །གལ་ཏེ་རབ་ཏུ་ཕྱུང་ངམ་བསྙེན་པར་རྫོགས་པར་བྱིན་ན་དེའི་སློབ་དཔོན་དེ་ཉེས་པ་དང་བཅས་
D239.065.0141b01.01པ་ཡིན་པས་དགེ་འདུན་གྱི་ནང་ནས་བསྐྲད་པར་བྱའོ། །དེ་ལྟར་གང་ཟག་དེ་རབ་ཏུ་བྱུང་ནས་སྤྱོད་ལམ་དང་ཆ་ལུགས་ཡོད་པའི་ཕྱིར་དེ་ལ་ཡང་ལྕག་དང་དབྱིག་པས་གཞུ་ཞིང་འཚོག་པ་དང་། བཙོན་རར་གཞུག་པ་དང་། གཤེ་ཞིང་སྤྱོ་བ་དང་། ལུས་ཀྱི་ཡན་ལག་གཏུབ་པ་དང་། སྲོག་གི་དབང་
D239.065.0141b02.01པོ་དང་དབྲལ་དུ་མི་གནང་ངོ་། །གཞན་ཡང་མཚམས་མེད་པའི་ཁ་ན་མ་ཐོ་བ་ཆེན་པོའི་ལས་དང་ཉེ་བ་རྣམ་པ་བཞི་ཡོད་དེ། བཞི་གང་ཞེ་ན། མི་དགེ་བའི་སེམས་ཀྱིས་རང་སངས་རྒྱས་བསད་པ་སྟེ། དེ་ཡང་སྲོག་གཅོད་པའི་ནང་ན་ཁ་ན་མ་ཐོ་བ་ཆེན་པོའི་ལས་ཡིན་ཏེ་ཉེས་པའི་རྩ་བ་
D239.065.0141b03.01ཡིན་ནོ། །དགྲ་བཅོམ་པའི་དགེ་སློང་མ་ལ་མི་ཚངས་པར་སྤྱོད་པ་སྟེ། འདོད་པས་ལོག་པར་གཡེམ་པའི་ནང་ན་ཁ་ན་མ་ཐོ་བ་ཆེན་པོའི་ལས་ཡིན་པས་ཉེས་པའི་རྩ་བ་ཡིན་ནོ། །དད་པས་བྱིན་པའི་དཀོན་མཆོག་གསུམ་གྱི་དཀོར་ནོར་ལ་སྤྱོད་པ་སྟེ། མ་བྱིན་པར་ལེན་པའི་ན་ང་ན་ཁ་ན་མ་
D239.065.0141b04.01ཐོ་བ་ཆེན་པོའི་ལས་ཡིན་པས་ཉེས་པའི་རྩ་བ་ཡིན་ནོ། །ངན་པར་ལྟ་བས་འདུམ་པའི་དགེ་འདུན་གྱི་དབྱེན་བྱེད་པ་སྟེ། {བརྫུན་,རྫུན་}དུ་སྨྲ་བའི་ནང་ན་ཁ་ན་མ་ཐོ་བ་ཆེན་པོའི་ལས་ཡིན་པས་ཉེས་པའི་རྩ་བ་ཡིན་ནོ། །གང་ཟག་གང་ཞིག་མཚམས་མེད་པའི་ཁ་ན་མ་ཐོ་བ་ཆེན་པོའི་ལས་དང་
D239.065.0141b05.01ཉེ་བ་རྣམ་པ་བཞི་པོ་འདི་ལས་གཅིག་ཙམ་བྱས་ན་རབ་ཏུ་བྱུང་ཞིང་བསྙེན་པར་རྫོགས་སུ་མི་གནང་སྟེ། གལ་ཏེ་རབ་ཏུ་ཕྱུང་ངམ་བསྙེན་པར་རྫོགས་པ་བྱིན་ན་དེའི་སློབ་དཔོན་ཉེས་པ་དང་བཅས་པ་ཡིན་ཏེ་ངའི་བསྟན་པ་ལས་བསྐྲད་པར་བྱའོ། །དེ་ལྟར་གང་ཟག་དེ་རབ་ཏུ་བྱུང་ངམ་བསྙེན་
D239.065.0141b06.01པར་རྫོགས་ན་སྤྱོད་ལམ་དང་ཆ་ལུགས་དང་ལྡན་པས་དེ་ལ་ཡང་ལྕག་དང་། དབྱིག་པས་གཞུ་ཞིང་འཚོག་པ་དང་། གཤེ་བ་དང་། སྤྱོ་བ་དང་། བཙོན་རར་གཞུག་པ་དང་། ལུས་ཀྱི་ཡན་ལག་གཏུབ་པ་དང་། འཚོ་བའི་དབང་པོ་དང་ཕྲལ་བའི་བར་དུ་བྱེད་དུ་མི་གནང་ངོ་། །དེ་ལྟར་ལ་ལ་
D239.065.0141b07.01