完整藏文原文 · 德格版页 当前仅加载第 65 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་བར་དུ་ངན་སོང་དུ་ལྟུང་བ་ནས་དེ་བཞིན་དུ་གོང་དུ་རྒྱས་པར་བཤད་པ་བཞིན་ནོ། །དེ་ལ་ཁ་ཅིག་ནི་འདི་སྐད་དུ་བདག་ཅག་སྔོན་བཅོམ་ལྡན་འདས་ཆེ་གེ་མོ་ཞིག་གི་ཉེ་གནས་རབ་ཏུ་བྱུང་བ་ཆོས་ཀྱི་སྣོད་དང་། ཆོས་ཀྱི་སྣོད་མ་ཡིན་པ་དག་ཉེས་པ་བྱས་པ་དང་། ཉེས་པ་མ་བྱས་པ་ལ་ལྕགས་
D239.065.0195b01.01དང་། ཁོང་སྒྲིལ་དང་། ཤིང་སྒྲོག་ཏུ་བཅུག་སྟེ་གཙེས་པས་མི་དགེ་བའི་ལས་དེའི་དབང་གིས་བསྐལ་པ་ཚད་མེད་པའི་བར་དུ་བདག་ཅག་ངན་སོང་དུ་ལྷུང་བ་ནས་དེ་བཞིན་དུ་གོང་དུ་རྒྱས་པར་བཤད་པ་བཞིན་ནོ། །དེ་ལ་ཁ་ཅིག་ནི་འདི་སྐད་དུ་བདག་ཅག་སྔོན་བཅོམ་ལྡན་འདས་ཆེ་གེ་མོ་ཞིག་གི་ཉེ་
D239.065.0195b02.01གནས་རབ་ཏུ་བྱུང་བ་ཆོས་ཀྱི་སྣོད་དང་། ཆོས་ཀྱི་སྣོད་མ་ཡིན་པ་དག་ལ་དབང་ཟ་བའི་སེམས་ཀྱིས་འཚེ་བ་དང་། གནོད་པ་རྣམ་པ་སྣ་ཚོགས་ཀྱིས་མི་བདེ་བར་བགྱིས་པས་བདག་ཅག་མི་དགེ་བའི་ལས་དེའི་དབང་གིས་བསྐལ་པ་ཚད་མེད་པའི་བར་དུ་ཤིན་ཏུ་མི་བཟད་པའི་སྡུག་བསྔལ་ཆེན་པོ་མྱོང་བར་
D239.065.0195b03.01གྱུར་ཏོ། །ཕྱིས་སངས་རྒྱས་ཚད་མེད་པ་དག་ལ་བསྙེན་བཀུར་དང་། མཆོད་པ་དང་། མཉེས་པ་བགྱིས་སོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་པ་སྙེད་དེ་དག་ལ་ཡང་བསྙེན་བཀུར་བ་དང་། མཆོད་པ་དང་། མཉེས་པ་བགྱིས་ཏེ། སངས་རྒྱས་དེ་རེ་རེ་དང་། བྱང་ཆུབ་
D239.065.0195b04.01སེམས་དཔའ་སེམས་དཔའ་ཆེན་པོ་དེ་རེ་རེ་ལ་ཡང་ཤིན་ཏུ་འཛེམ་པ་དང་བཅས་པས་མི་དགེ་བའི་ལས་དེ་དག་སོ་སོར་འཆགས་སོ། །སངས་རྒྱས་དེ་རེ་རེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་རེ་རེ་ལས་ཀྱང་ཚད་མེད་པའི་ཆོས་ཀྱི་རྣམ་གྲངས་མཉན་ཏེ་ཐོས་ནས། ཤིན་ཏུ་འབད་པའི་
D239.065.0195b05.01བརྩོན་འགྲུས་ཀྱིས་ནན་ཏན་བགྱིས་ཏེ། ཤིན་ཏུ་སྤྱད་དཀའ་བ་སྤྱད་ཀྱང་ལས་ཀྱི་སྒྲིབ་པའི་ལྷག་མ་ལུས་པས་བདག་ཅག་ད་དུང་དུ་ཤིན་ཏུ་བདེ་བའི་མྱ་ངན་ལས་འདས་པའི་བདེ་བ་མ་ཐོབ་བོ། །ཏིང་ངེ་འཛིན་གྱི་ཡོན་ཏན་གྱི་སྒོའི་ཁྱད་པར་མ་ཐོབ་བོ། །བདག་ཅག་དེང་བཅོམ་ལྡན་འདས་ཀྱི་སྤྱན་སྔར་མདོ་སྡེ་
D239.065.0195b06.01འདི་ཐོས་ནས་ལྷག་པར་ཤིན་ཏུ་འཛེམ་པ་དང་། མི་འཆབ་པས་སོ་སོར་བཤགས་ཏེ་ཡོངས་སུ་བྱང་བར་གྱུར་ཏོ། །དེང་སླན་ཆད་ཇི་སྙེད་སྒྲིབ་པར་འགྱུར་བའི་ལས་རྣམས་མི་བགྱིད་པར་ཡོངས་སུ་བསྲུང་བར་འཚལ་ལོ། །བཅོམ་ལྡན་འདས་ཐུགས་བརྩེ་བ་ཅན་གྱིས་བདག་ཅག་གི་སྡིག་པ་དེ་དག་
D239.065.0195b07.01