完整藏文原文 · 德格版页 当前仅加载第 95 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །ཡུལ་འཁོར་གཞིག་པར་འདོད་པས་སེང་ལྡེང་གི་རྡོ་རྗེ་བགྱིས་ལ་ཡར་གྱི་ངོ་ཚེས་བཅུ་གཉིས་ལ་ལག་ན་རྡོ་རྗེའི་མདུན་དུ་ལན་བརྒྱད་སྟོང་བཟླས་བརྗོད་བགྱིས་ཏེ། ཡུལ་གྱི་བཞི་མདོར་བཙུགས་ན་ཡུལ་འཁོར་འཇིག་པར་འགྱུར་རོ། །ཕྱུང་ན་སྔ་མ་
D746.095.0006a01.01ཁོ་ན་བཞིན་རྟག་པར་འགྱུར་རོ། །མར་གྱི་ངོ་ཞག་དགུ་ལ་ལག་ན་རྡོ་རྗེའི་མདུན་དུ་རིག་པ་མཆོག་གིས་སྐེ་ཚེའི་འབྲུ་ལ་ལན་བརྒྱད་སྟོང་བཟླས་བརྗོད་བགྱིས་ན་ཁྱིམ་ཕུང་བར་འགྱུར་རོ། །ལག་ན་རྡོ་རྗེའི་མདུན་དུ་མར་དང་བསྲེས་པའི་སྐེ་ཚེའི་འབྲུ་ལ་ལན་བརྒྱད་སྟོང་སྦྱིན་སྲེག་
D746.095.0006a02.01བགྱིས་ན་བརྟས་པར་འགྱུར་རོ། །མར་གྱི་ངོ་ཞག་བརྒྱད་ལ་བ་སྨད་སྤུ་མཐུན་གྱི་འོ་མ་བླངས་ཏེ་རིག་པ་མཆོག་གི་བཟླས་བརྗོད་བྱེད་ཅིང་བསྲུངས་ལ། དེ་ལས་མར་སར་བླངས་ཏེ་ཐོད་པའི་ནང་དུ་བཞག་ལ་ཐོད་པ་དེ་བླངས་ཏེ་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་
D746.095.0006a03.01བགྱིས་ལ་མངོན་མཚན་ཅིག་ཡོད་པར་སོང་སྟེ། འབྱུང་པོ་ཐམས་ཅད་པའི་གཏོར་མ་བགྱིས་ལ་ཐོད་པ་དེ་ཐོགས་ཏེ་ལུས་ཀྱིས་ལྷོ་ཕྱོགས་སུ་འདུག་ལ་ཅི་ཙམ་ན་འབར་བ་དེ་སྲིད་དུ་བཟླས་བརྗོད་བགྱིའོ། །དེ་ནས་དེ་འཐུངས་ན་ཅི་འདོད་པའི་གཟུགས་སུ་འགྱུར་རོ། །ནམ་མཁའ་
D746.095.0006a04.01ལ་འགྲོ་བར་འགྱུར་རོ། །མི་སྣང་བར་འགྱུར་རོ། །གཟུགས་སྣ་ཚོགས་སྟོན་པར་འགྱུར་རོ། །ལོ་ལྔ་བརྒྱ་འཚོ་བར་འགྱུར་རོ། །བདག་རིག་པའི་རྒྱལ་པོའི་མཆོག་འདི་ནི་རིག་པ་ཐམས་ཅད་ཀྱི་གཙོ་བོའོ། །བདག་བསྲུང་ན་གོས་ཀྱི་མཐའ་མར་མདུད་པ་དོར་རོ། །གཞན་
D746.095.0006a05.01བསྲུང་ན་སྤྱི་གཙུག་ཏུ་སྐྲ་མདུད་དོར་རོ། །ཆུ་སྲིན་ཀུམྦྷི་རའི་ཁ་བཅིང་ན་ཕྱོགས་བཞིར་ཆུ་གཏོར་རོ། །སྟག་ལ་ནི་ཡིད་ཀྱིས་དཀྱིལ་འཁོར་བགྱིས་ན་བཅིངས་པར་འགྱུར་རོ། །མཚམས་བཅད་ན་ཡུངས་ཀར་གྱིས་སོ། །ཞིང་བསྲུང་ན་ཕུར་བུ་དག་གིས་སོ། །སྨན་
D746.095.0006a06.01བསྲུང་ན་ཡིད་ཀྱིས་རིག་པའི་མཆོག་སྦྱར་བར་བགྱིའོ། །གཞན་ཡང་བསྒྲུབ་པ་ན་མ་གོད་པའི་རས་ལ་སྦྱིན་དང་མ་འདྲེས་པའི་ཚོན་རྩི་རྣམས་ཀྱིས་རིག་པའི་རྒྱལ་པོའི་མཆོག་བྲི་བར་བགྱི་སྟེ། མདོག་སྔོ་བསངས་ཤམ་ཐབས་སེར་པོ་ལག་པ་གཡོན་ན་ཞགས་པ་གཡས་
D746.095.0006a07.01