完整藏文原文 · 德格版页 当前仅加载第 95 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེའི་གློ་གཡས་ཕྱོགས་སུ་ནི་འཕགས་པ་རྡོ་རྗེ་སྡེ། གཡོན་ཕྱོགས་སུ་ནི་འཕགས་པ་གཙུག་ནས་བྱུང་བཞག་གོ། །དེ་དག་ལ་དྲི་དང་། མེ་ཏོག་དང་། བདུག་པ་རྣམས་དབུལ་བར་བྱ་སྟེ། འཕགས་པ་རྡོ་རྗེ་སྡེ་ལ་ནི་ཙནྡན་དཀར་པོ་དབུལ་ལོ། །འཕགས་པ་ལག་ན་རྡོ་
D746.095.0086b01.01རྗེ་དང་། གཞོན་ནུ་ལ་ནི་ཙནྡན་དམར་པོ་དབུལ་ལོ། མེ་ཏོག་དཀར་པོ་དང་། དམར་པོ་ཡང་ཚུལ་དེ་དང་འདྲ་བར་དབུལ་བར་བྱ་སྟེ། དེའི་མདུན་དུ་སེང་ལྡེང་གི་ཤིང་གིས་མེ་སྦར་ལ། ཡུམ་གྱི་གསང་སྔགས་ཀྱིས་ཙནྡན་དམར་པོའི་ཡམ་སྲེག་ཤིང་མར་གྱི་ནང་དུ་སྨྱུགས་པ་བརྒྱ་
D746.095.0086b02.01སྟོང་སྦྱིན་སྲེག་བྱའོ། །དེ་ནས་གཞོན་ནུ་འགྲུབ་པར་འགྱུར་ཏེ། བགེགས་མེད་པ་བདེ་བླག་ཏུ་ཆོ་ག་རྒྱས་པ་འགྲུབ་པར་འགྱུར་རོ། །ལག་ན་རྡོ་རྗེས་བཤད་པ་བཞིན། རིག་སྔགས་རྒྱལ་པོ་མངའ་བདག་མཆོག །གང་ཞིག་ཕྱག་འཚལ་མཆོད་བྱེད་དང་། གང་ཞིག་རྟག་
D746.095.0086b03.01ཏུ་ལན་གཅིག་གམ། །ཡང་དང་ཡང་དུ་རྗོད་བྱེད་དང་། །གཟི་ཆེན་སྲས་ནི་ཡུམ་དང་བཅས། །ལེགས་པ་རུ་ནི་དྲན་པར་བྱེད། །དེ་ལ་ངས་ནི་ཁོར་ཟུག་ཏུ། །ལག་ན་རྡོ་རྗེས་བསྐུལ་བ་བཞིན། །དངོས་གྲུབ་ཀྱང་ནི་སྦྱིན་པར་བྱ། །གང་ཞིག་ཆོ་ག་རྒྱས་པ་འདི། །གསང་
D746.095.0086b04.01བཅས་གསང་ཆེན་ལྡན་པ་དང་། །ལག་ན་རྡོ་རྗེས་སྔགས་བཤད་དང་། །གཟི་ཆེན་ཕྱི་མའི་རྒྱུད་ཀློག་དང་། །གཞོན་ནུ་དམ་པ་མངའ་བདག་ནི། །སྤྱན་དང་ལྷན་ཅིག་ལྡན་པ་དང་། །ཕྱི་མའི་རྒྱུད་ལས་བཤད་པ་ཡིན། །ལས་རྣམས་གང་ཞིག་ལྟ་བྱེད་པ། །དེ་ལ་དཔལ་
D746.095.0086b05.01ལྡན་རྡོ་རྗེ་འཛིན། །ལུས་ཀྱི་སྤྱི་བོར་རྟག་ཏུ་གནས། །དེ་ནས་བཅོམ་ལྡན་འདས་ལག་ན་རྡོ་རྗེས་སངས་རྒྱས་ཀྱི་སྤྱན་སྤྱི་བོལ་བཀུར་ཏེ། རྡོ་རྗེ་འབར་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ལག་ན་རྡོ་རྗེས་རྡོ་རྗེ་འབར་བའི་ཏིང་ངེ་འཛིན་ལ་
D746.095.0086b06.01སྙོམས་པར་ཞུགས་མ་ཐག་ཏུ་ལྷ་ཐམས་ཅད་སེམས་འཇིགས་པར་འགྱུར་ཏེ། ལྷགས་ནས་ཁྱབ་འཇུག་ནི་བཅོམ་ལྡན་འདས་ཀྱི་གློ་གཡོན་ཕྱོགས་སུ་འདུག་གོ། །ལྷ་ཆེན་པོ་ནི་གཡས་ཕྱོགས་སུ་འདུག་གོ། །སྨིན་དྲུག་མ་ནི་འཛེམ་བཞིན་དུ་རྒྱབ་ལོགས་སུ་འདུག་གོ། །དཀའ་
D746.095.0086b07.01