完整藏文原文 · 德格版页 当前仅加载第 95 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་ལས་ལན་བརྒྱད་སྟོང་སྦྱིན་སྲེག་བགྱིའོ། །དེ་ནས་ཀར་བཱི་རའི་མེ་ཏོག་དག་ལས་མེ་ཏོག་གཅིག་བླངས་ཏེ་ཀླུའི་གནས་སུ་སོང་ལ་བཟླས་བརྗོད་བགྱིས་ན་ཀླུ་དང་ཀླུ་མོ་རྣམས་དབང་དུ་འགྱུར་ཏེ་ཅི་འཚལ་བ་རྣམས་རྙེད་དོ། །ལིག་བུ་མིག་དང་།
D746.095.0010a01.01གསེར་དང་། མཆོད་ཕྱིར་ཐོགས་ཀྱང་ཀ་ར་བཱི་རའི་མེ་ཏོག་དང་འདྲའོ། །གང་ན་གནོད་སྦྱིན་མོ་འདུག་པ་དེར་བཟླས་བརྗོད་བགྱིས་ན་གནོད་སྦྱིན་མོ་མཆི་སྟེ་ཆུང་མར་འགྱུར་རོ། །ཡང་ན་ནོར་སྩོལ་བར་འགྱུར་རོ། །གལ་ཏེ་མི་མཆི་ན་ཞག་གཅིག་སྨྱུང་བ་བགྱིས་ཏེ་ཤིང་མད་
D746.095.0010a02.01ནའི་ཚེར་མ་དང་དུག་དང་ཁྲག་བསྲེས་པ་ལན་བརྒྱད་སྟོང་སེང་ལྡེང་གི་ཞུགས་ལ་སྦྱིན་སྲེག་བགྱིས་ན་དེ་ཚིག་ཅིང་མི་སྡུག་པར་འགྱུར་ལ་མཆིའོ། །གལ་ཏེ་ཀླུ་མོ་མི་མཆི་ན་དེ་ལ་ཡང་དེ་ཉིད་ཀྱིས་སྦྱིན་སྲེག་བགྱིའོ། །ཡར་གྱི་ངོའི་ཚེས་{བཅྭ་,བཅོ་}ལྔ་ལ་ཞག་གསུམ་སྨྱུང་བ་བགྱིས་ཏེ།
D746.095.0010a03.01རྒྱ་མཚོར་འབབ་པའི་ཆུ་བོར་ཞུགས་ལ་ཀླུ་ཤིང་གི་མེ་ཏོག་བརྒྱད་སྟོང་བྱི་དོར་བགྱིས་ན་དུས་མ་ཡིན་པར་ཆར་འབབ་བོ། །ཞག་བདུན་འོ་སྐྱོ་འཐུངས་ལ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་བགྱིས་ལ་ས་ལས་བགྱིས་
D746.095.0010a04.01པའི་རྡོ་རྗེ་བཞག་སྟེ། དེའི་རྐེད་པར་ཤིང་ཨ་ཤྭཏྠའི་ལོ་མ་བདུན་བཞག་ལ་དེའི་སྟེང་དུ་ལྡོང་རོས་བཞག་སྟེ་ཅི་སྲིད་ཀྱིས་དངོས་གྲུབ་གསུམ་དུ་གྱུར་པ་དེ་སྲིད་དུ་བཟླས་བརྗོད་བགྱིའོ། །འབར་བར་གྱུར་ན་ལོ་བདུན་སྟོང་དུ་འཚོའོ། །ལུས་མཛེས་པར་བགྱིས་ལ་མར་གྱི་
D746.095.0010a05.01ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལམ་གྱི་སུམ་མདོར་མཆོད་པ་རྒྱ་ཆེར་བགྱིས་ལ་དེར་འདུག་སྟེ་ལྡོང་རོས་སྲན་མ་ཙམ་ཅིག་ཁར་བཅུག་ལ་ཇི་སྲིད་དུ་ཁའི་ནང་དུ་གས་པར་གྱུར་པ་དེ་སྲིད་དུ་བཟླས་བརྗོད་བགྱིའོ། །དེ་ནས་དངོས་གྲུབ་ཏུ་འགྱུར་ཏེ་ཐིག་ལེ་བགྱིས་
D746.095.0010a06.01ན་མི་སྣང་བར་འགྱུར་རོ། །ལོ་ལྔ་བརྒྱ་ཐུབ་པར་འགྱུར་རོ། །ཅི་འདོད་པའི་གཟུགས་ཅན་དུ་འགྱུར་རོ། །ཉི་མའི་གུང་ཚིགས་ལ་བགྱིའོ། །ཚེས་གྲངས་དང་སྐར་མ་གདམ་མི་འཚལ། སྨྱུང་བ་བགྱི་མི་འཚལ་བར་སྐྱེས་པའི་རོ་མ་རྨས་མ་ཉམས་པ་བླངས་ཏེ། རྡོ་རྗེ་
D746.095.0010a07.01