完整藏文原文 · 德格版页 当前仅加载第 95 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། གཞོན་ནུའི་གཟུགས་འཆང་བ་གསེར་གྱི་མདོག་ཅན་རྒྱན་ཕྲེང་དང་། དོ་ཤལ་དང་། དཔུང་རྒྱན་དང་། ཅོད་པན་དང་། རྒྱན་སྣ་ཚོགས་ཀྱིས་བརྒྱན་པ་པདྨ་རྩ་བ་དམར་པོའི་སྟེང་ན་འདུག་སྟེ། ལག་པ་གཡོན་པ་ན་པདྨ་བསྒྲེང་སྟེ་འཛིན། ལག་པ་གཡས་པ་དབུགས་འབྱིན་པའི་ཚུལ་
D746.095.0221b01.01དུ་འདུག་པ་བྲི། དེའི་སྟེང་དུ་འདུ་བྱེད་ཐམས་ཅད་ནི་མི་རྟག་པའོ། །འདུ་བྱེད་ཐམས་ཅད་ནི་སྡུག་བསྔལ་བའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བའོ་ཞེས་རྟོགས་པ་བརྗོད་པ་རྣམས་བྲི་བར་བྱའོ། །དེ་ནས་ཡར་གྱི་ངོ་ཚེས་གཅིག་ལ་བརྩམ་ཞིང་བསྒྲུབ་
D746.095.0221b02.01པར་བྱ་སྟེ། དེས་དེའི་དྲུང་དུ་དྲི་ཐམས་ཅད་ཀྱིས་དཀྱིལ་འཁོར་བྱུགས་ལ་མེ་ཏོག་དྲི་ཞིམ་པོ་དང་། བདུག་པས་མཆོད་ནས་བསྟོད་པ་དབུལ་བར་བྱའོ། མར་གྱི་མར་མེ་གཉིས་ཀྱང་དབུལ་བར་བྱ་སྟེ། གཅིག་ནི་སངས་རྒྱས་ལ། གཅིག་ནི་གཞོན་ནུ་ལ་དབུལ་ལོ། །དུས་གསུམ་དུ་སྦྱིན་སྲེག་སུམ་ཅུ་རྩ་
D746.095.0221b03.01གཉིས་གཉིས་བྱ་ཞིང་འོ་མ་དང་། བུ་རམ་སྦྱར་བ་དང་། ཞོ་དང་བུ་རམ་སྦྱར་བ་དབུལ་བར་བྱའོ། །ཏིལ་ཟན་དང་འབྱུང་པོའི་ཟས་ཀྱི་གཏོར་མ་ཡང་སྦྱིན་ནོ། །ཟས་སུ་འོ་མའམ་ཕྱེའི་འདེ་གུའམ། འོ་མ་རྗེན་པའི་འདེ་གུ་ཟ་ཞིང་། ནས་དང་། ཡུངས་ཀར་དང་། ཤུ་ཏི་དང་། ཉེའུ་ཤིང་དང་། ཤུ་དག་དང་། པྲི་ཡངྐུ་
D746.095.0221b04.01དང་། ལན་ཚྭ་དང་། ཏིལ་རྣམས་ཆ་བསྙམས་ཏེ་བཏགས་པའི་ཕྱེ་མས་སྦྱིན་སྲེག་བྱས་ན་ཞག་བདུན་པའི་ཉིན་པར་བསོད་ནམས་ཆུང་ངུ་ལ་ཡང་ལུང་ངེས་པར་སྟོན་པར་བྱེད་དོ། །ཕྱི་དེ་ཉིན་པར་ཡང་ཁ་ཟས་མི་བཟའ་ཞིང་གྲངས་ངེས་པ་མེད་པར་བཟླས་བརྗོད་བྱའོ། །བཟླས་བརྗོད་བྱས་
D746.095.0221b05.01པས་ཐམས་ཅད་བསྲུང་བ་ལ་སོགས་པ་བྱེད་དོ། །ཆོ་ག་གཞན་ཡང་མར་གྱི་ངོ་ཞག་བཅུ་བཞི་ལ་ཁ་ཟས་མི་བཟའ་བར་བྱང་ཆུབ་ཀྱི་ཤིང་དྲུང་དུ་བ་རོག་མོའི་ལྕི་བ་ས་ལ་མ་ལྷུང་བས་རྡོ་རྗེའི་གཟུགས་བྱས་ཏེ་ཁ་ནུབ་ཕྱོགས་སུ་བལྟས་ནས་འབྱུང་པོའི་གཏོར་མ་བྱས་ལ། མེ་ཏོག་དྲི་ཞིམ་པོ་
D746.095.0221b06.01ཕུལ་ཏེ། མར་གྱི་མར་མེ་གཉིས་ཀྱང་མཚན་མོ་སྦར་ལ། ཤར་ཕྱོགས་སུ་ཁ་བལྟས་ཏེ་འདུག་ནས། ཐོག་མར་ཤུ་ཏི་དང་། ཉེའུ་ཤིང་དང་། ཡུངས་ཀར་དང་། ནས་རྣམས་མར་དང་སྦྱར་བའི་སྦྱིན་སྲེག་ལན་གསུམ་བྱའོ། །དེ་ནས་གུ་གུལ་དང་། བིལ་བ་དང་།
D746.095.0221b07.01