完整藏文原文 · 德格版页 当前仅加载第 95 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་སྲིད་དུ་སོར་བརྒྱད་ཡོད་པ་རྩེ་ལྔ་པ་བླངས་ཏེ་བསྲུང་བ་བྱས་ཤིང་ཆོ་ག་བཞིན་དུ་ལྷ་བཤོས་ཕུལ་ནས་དངོས་གྲུབ་འགྲུབ་པའི་གནས་གང་ཡིན་པར་ཉི་མའམ་ཟླ་བ་ལ་གཟའ་འཇུག་པའི་ཚེ། ནམ་དྲོ་བར་འགྱུར་བའི་དུད་པ་འཐུལ་བའམ་འབར་བར་གྱུར་གྱི་བར་དུ་བཟླས་
D746.095.0233a01.01བརྗོད་བྱའོ། །མཆོད་རྟེན་གྱི་དྲུང་ངམ་སྐུ་གཟུགས་སམ། བྱང་ཆུབ་ཀྱི་ཤིང་དྲུང་དུ་བ་མར་སྲང་གཅིག་གསེར་རམ་དངུལ་ལམ། ཟངས་ཀྱི་སྣོད་དུ་བཞག་སྟེ། བཅོམ་ལྡན་འདས་དང་ལག་ན་རྡོ་རྗེ་ལ་མཆོད་པ་བྱས་ཏེ། ཟླ་བ་མི་མཐོང་བར་རྩྭ་དཱུར་བས་བཙུགས་ཏེ།
D746.095.0233a02.01བཟླས་བརྗོད་བྱས་ལ་དྲོ་བར་གྱུར་ནས་འཐུངས་ན་འཇིག་རྟེན་ཐམས་ཅད་དབང་དུ་བྱེད་པར་འགྱུར་རོ། །དབུ་བ་བྱུང་ནས་འཐུངས་ན་ནི་ཐོས་པ་འཛིན་པར་འགྱུར་རོ། །དུད་པ་འཐུལ་ནས་འཐུངས་ན་ནི་ལུས་མི་སྣང་བར་འགྱུར་རོ། །འབར་བར་གྱུར་ནས་འཐུངས་ན་ནམ་མཁའ་ལ་
D746.095.0233a03.01རྒྱུ་བར་འགྱུར་ཏེ། དངོས་གྲུབ་ཆེན་པོ་ཡིན་ནོ། །དེ་ནས་ནོར་བསྒྲུབ་པ་འབྱུང་སྟེ། ཙནྡན་དམར་པོ་ལས་བློ་གྲོས་རྡོ་རྗེ་མའི་གཟུགས་རྒྱན་ཐམས་ཅད་ཀྱིས་བརྒྱན་ལ། དེའི་ལག་པ་གཡས་པ་ན་པདྨ་ཐོགས་པ། གཡོན་པ་ན་རྡོ་རྗེ་ཐོགས་པར་བྱས་ཏེ། གཙང་
D746.095.0233a04.01མའི་ཕྱོགས་སུ་གྲོག་མཁར་གྱི་ས་ལས་སྟེགས་བུ་སོར་བརྒྱད་པ་བྱས་ནས་དེར་ཁ་ནུབ་ཕྱོགས་སུ་བསྟན་ཏེ་བཞག་ལ། ཟླ་བ་ཉ་ལ་ཞག་གཅིག་སྨྱུང་བར་བྱས་ནས་ཐབ་ཁུང་རྡོ་རྗེའི་དབྱིབས་འདྲ་བར་བྱས་པའི་ནང་དུ་བ་ལང་གི་ལྕི་བས་མེ་སྤར་ཏེ། དགང་བླུགས་ཕུལ་ལ་
D746.095.0233a05.01ཙནྡན་དམར་པོའི་ཕྱེ་མ་སྦྲང་རྩི་དང་མར་དང་སྦྱར་བའི་སྲེག་བླུགས་ལན་བརྒྱད་སྟོང་སྦྱིན་སྲེག་བྱས་ན་འགྲུབ་པར་འགྱུར་རོ། །དེ་ནས་ཟ་གཅིག་པ་བྱས་ཏེ། གཙང་མ་བཟླས་བརྗོད་བྱས་ལ་བརྩོན་པས་དུས་མཚམས་ཀྱི་དུས་སུ་བ་ལང་གི་རྨིག་པ་མར་གྱིས་བཀང་བས་རྩྭ་དཱུར་
D746.095.0233a06.01བ་དང་བཅས་པར་སྦྱིན་སྲེག་བྱས་ནས་ལན་བརྒྱད་བརྒྱ་བཟླས་བརྗོད་བྱའོ། །ཉིན་གཅིག་བཞིན་དུ་དེ་བཞིན་བྱས་ནས་བ་ལང་གི་རྨིག་པ་ཇི་སྙེད་ཅིག་སྦྱིན་སྲེག་བྱས་པ་རྨིག་པ་རེ་རེ་ཞིང་བ་ལང་བརྒྱད་བརྒྱ་ཐོབ་པར་འགྱུར་རོ། །མ་ཧེ་དང་ར་ཡང་དེ་དང་འདྲའོ། །ཡང་ན་
D746.095.0233a07.01