完整藏文原文 · 德格版页 当前仅加载第 95 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
གཞག་པར་བྱ་སྟེ། གཡོན་ཕྱོགས་སུ་ཡང་གཅིག །གཡས་ཕྱོགས་སུ་ཡང་གཅིག་གཞག་གོ། །ཕྱོགས་བསྲུང་བ་ཡང་བཞིར་མི་བཞི་བཞག་སྟེ། དཀྱིལ་འཁོར་གཉིས་པ་ལ་གཞག་གོ། །དེ་ནས་རིག་སྔགས་འཆང་གིས་བརྩོན་འགྲུས་བརྟུན་ལ་ནམ་ཤར་
D746.095.0116a01.01ཕྱོགས་སུ་ཅེ་སྤྱང་གི་སྐད་འབྱིན་གྱི་བར་དུ་བཟླས་བརྗོད་བྱ་སྟེ། རིག་སྔགས་འཆང་གིས་འགྲུབ་པར་ཤེས་པར་བྱའོ། །བུད་མེད་ཀྱི་ཁ་ནས་ཀྱང་འོད་ཟེར་འབྱུང་བར་འགྱུར་ཏེ། འོད་ཟེར་བྱུང་བ་དང་གཏོར་མ་སྦྱིན་པར་བྱའོ། །བགེགས་བྱུང་ན་ཡང་གཏོར་མ་བྱིན་ན་གྲུབ་པ་ཡིན།
D746.095.0116a02.01དེ་བླངས་པས་བདག་གི་གྲོགས་རྣམས་དང་བཅས་ཏེ་གྱེན་དུ་འཕགས་པར་འགྱུར་ཞིང་སྐྲ་ལྕང་ལོར་འཁྱིལ་ལ་ཉི་མ་ཤར་ཀའི་མདོག་ཅན་དང་ལྡན་པ་དང་། རིག་སྔགས་འཆང་གི་རྒྱལ་པོར་འགྱུར་ཞིང་ལག་ན་རྡོ་རྗེ་དང་མཐུ་སྟོབས་མཉམ་ཞིང་ཨིནྡྲ་ནཱི་ལའི་མདོག་ཅན་དཔག་ཚད་གཅིག་ཏུ་
D746.095.0116a03.01དྲི་བསུང་གིས་ཁྱབ་པ་དང་བསྐལ་པར་གནས་པར་འགྱུར་ཏེ། འདིའི་རི་མོའི་སྐུ་གཟུགས་ཀྱི་ཆོ་ག་ཡང་སྤྱི་དང་འདྲའོ། །ཨ་པ་མརྒ་སྒྲུབ་པ་ཡང་འདིར་བཤད་པར་བྱ་སྟེ། རིའི་རྩེ་མོར་བཅོམ་ལྡན་འདས་བཞུགས་པར་བྱ་སྟེ། པདྨའི་གདན་ལ་བཞུགས་ལ་བཅོམ་ལྡན་འདས་ཀྱི་ཕྱག་
D746.095.0116a04.01གཡས་པ་མི་འཇིགས་པའི་ཕྱག་རྒྱར་བྱའོ། །འོག་གི་གཡོན་རོལ་དུ་ནི་རྡོ་རྗེ་འཛིན་མདོག་ནག་པོར་བྲིའོ། །རྡོ་རྗེ་སྡེ་ཡང་རྡོ་རྗེ་འཛིན་དང་འདྲ་བར་བྱ་སྟེ། ལག་ན་རྡོ་རྗེ་ལ་ལྟ་ཞིང་འདུག་པར་བྲིའོ། །རྡོ་རྗེ་འཛིན་གྱི་ལག་པ་གཡོན་པ་ཡང་རྡོ་རྗེ་སྡེའི་སྟེང་དུ་བཞག་ལ། གང་གི་ཕྱིར་
D746.095.0116a05.01བསྒྲུབ་པ་དེ་ཡང་པུས་མོ་གཡས་པ་ས་ལ་བཙུགས་ཏེ་མེ་ཏོག་གིས་སྙིམ་པ་བཀང་ལ་རྡོ་རྗེ་འཛིན་ལ་ལྟ་ཞིང་འདུག་པར་བྱ། རྡོ་རྗེ་འཛིན་ཡང་སྒྲུབ་པ་པོ་ལ་ལྟ་ཞིང་ལག་པ་གཡས་པས་དབུགས་འབྱིན་པར་བྱའོ། །རྡོ་རྗེ་ཁུ་ཚུར་མ་ཡང་གཞོན་ནུའི་གཟུགས་ཅན་རྒྱན་ཐམས་ཅད་ཀྱིས་བརྒྱན་
D746.095.0116a06.01པར་བྱ་སྟེ། དེའི་ལག་པ་གཡོན་པ་ན་རྡོ་རྗེ་ཐོགས། གཡས་པ་ན་པདྨ་འམ་ཨུཏྤལ་ཐོགས་ཏེ་རྡོ་རྗེ་འཛིན་ལ་ལྟ་ཞིང་པདྨའམ། ཨུཏྤ་ལ་དེ་རྡོ་རྗེ་འཛིན་ལ་དབུལ་བར་བལྟ་བར་བྱའོ། །རི་མོ་མཁན་གྱི་ཆོ་ག་དང་རས་ཀྱི་ཆོ་ག་ནི་སྔར་བཤད་པ་དང་འདྲ་བར་བྱ་སྟེ། རི་མོ་མཁན་གཙང་མས་
D746.095.0116a07.01