完整藏文原文 · 德格版页 当前仅加载第 95 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
ཟན་རྣམས་དང་ནི། །ཏིལ་དང་འབྲས་ཆན་པུ་ཤེལ་ཙི། །འབྲས་ཀྱི་འོ་ཐུག་ཡུངས་ཀར་ལྡན། །བ་ལང་གི་ནི་ཆུ་ཀ་འམ། །ཤིང་སྐམ་མ་མོའི་གནས་དག་ཏུ། །གཏོར་མ་མེ་མར་བཅས་པ་འདི། །སྲོད་ལ་ཡང་ནི་སྦྱིན་པར་བྱ། །གཏོར་མའི་
D746.095.0134b01.01ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་བ་ཡི། །ཐབས་གཞན་དག་ནི་སྦྱར་བར་བྱ། །བུ་ཚང་རྡོ་དང་རམ་ཉེ་བ། །གསེར་ཕྲོམ་དང་ནི་སྐྱེར་བ་ཡུང་། །ཀ་པིད་ཏ་ཡི་ཁུ་བ་དང་། །པ་ལ་ཤ་ཡི་
D746.095.0134b02.01ལོ་མ་དང་། །སྦྲང་རྩི་རན་ཙམ་གཞུག་པར་བྱ། །སེང་ལྡེང་སྙིང་པོ་ཚ་བ་གསུམ། །བཙོད་དང་ཤིང་མངར་ཐམས་ཅད་དང་། །དེ་དག་ཆ་ནི་མཉམ་བྱས་ལ། །ར་གཅིན་དང་ནི་བཏག་པར་བྱ། །མར་ནི་ཕུལ་བཞི་གཞུག་པར་བྱ། །བ་གཅིན་ཡང་ནི་བཞི་འགྱུར་བླུགས། །གོ་
D746.095.0134b03.01ཕྱེའི་ལོ་མ་དག་དང་ནི། །བར་བ་ར་ཀ་རུལ་པ་དང་། །ཏིལ་རུལ་ནས་ཀྱི་ལོ་མ་ཡིན། །བླུགས་པའི་སྨན་ནི་བྱ་བ་ཡིན། །མར་ནི་ཕུལ་ཏག་ཕྱེད་ཀྱིས་ཀྱང་། །གོང་བུའི་སྨན་མཆོག་གཙོ་བོར་བྱ། །དུས་མཚམས་གཉིས་སུ་མཁས་པ་ཡིས། །དེ་ནི་ཁྲུས་ཀྱང་བྱེད་དུ་
D746.095.0134b04.01གཞུག །གཞོན་ནུའི་གདོན་ནི་ཐམས་ཅད་ལས། །གསོ་བའི་ཐབས་ནི་དམ་པ་ཡིན། །ཀུན་ནས་གསོ་བའི་ཐབས་ཡོད་དེ། །ཐམས་ཅད་ཀྱང་ནི་འཚོ་བ་ཡོད། །ཆོ་ག་འདི་དག་གིས་ཀྱང་ནི། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་
D746.095.0134b05.01གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱོར་བར་བྱ། །དགའ་བྱེད་གདོང་གིས་ཁྲུས་བྱ་ཞིང་། །གཏོར་མ་ཡང་ནི་དེ་ལ་སྦྱིན། །ཡང་ན་རིག་པ་མཆོག་གིས་བྱ། །དེས་ན་གདོན་དེ་གཏོང་བར་འགྱུར། །གཞོན་ནུའི་གདོན་གྱི་སྐབས་རྫོགས་སོ།། །།
D746.095.0134b06.01སྔར་བཤད་པ་ནི་གང་ཡིན་པའི། །གནོད་སྦྱིན་གདོན་ཡང་ཤེས་པར་བྱ། །གཏུམ་ཞིང་གཟུ་ལུམས་ཆེ་བ་སྟེ། །འཇིག་རྟེན་དག་ལའང་འཚེ་བར་བྱེད། །ངོ་གཉིས་ཚེས་ནི་བཅུ་གསུམ་དང་། །ཡར་གྱི་ཚེས་ལྔ་དག་ལ་རྒྱུ། །སྐྱེད་མོས་ཚལ་དང་ལྷ་གནས་སུ། །གཙང་
D746.095.0134b07.01