完整藏文原文 · 德格版页 当前仅加载第 95 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཟླ་དྲུག་སྒྲུབ་བྱེད་ཅིང་། །བཟླས་བརྗོད་ཉི་ཤུ་རྩ་གཅིག་བྱེད། །ལེགས་བྱས་དེ་ནི་མཁའ་ལ་རྒྱུ། །འབྲིང་དང་ལྷག་མ་ཉིད་དུ་འགྱུར། །གང་ཞིག་ཟླ་གསུམ་བཟླས་བརྗོད་བྱེད། །ཡང་ན་ཡིད་ཀྱིས་སྦྱིན་སྲེག་ལས། །བྱས་ན་ཆོ་ག་འདི་དག་གིས། །དེ་ལྟར་དེ་ཡང་
D746.095.0212a01.01འགྲུབ་པར་འགྱུར། །ཟླ་བ་ཕྱེད་གསུམ་ཟ་གཅིག་ཟོས། །དེས་ཀྱང་དངོས་གྲུབ་ཐ་མ་འམ། །འབྲིང་དང་ཁྱད་པར་འཕགས་པ་ཐོབ། །ཁྱིམ་གྱི་དོན་རྣམས་གྲུབ་བྱེད་ཅིང་། །ནད་རྣམས་ཀྱང་ནི་སེལ་བར་བྱེད། །དོན་རྣམས་ཇི་སྐད་བཤད་པ་བཞིན། །དེ་དག་ཐམས་ཅད་རབ་ཏུ་འགྲུབ། །
D746.095.0212a02.01ཟླ་བ་གཅིག་ཏུ་བཟླས་བརྗོད་བྱེད། །འོ་ཐུག་སྦྲང་རྩི་མར་བཅས་བཟའ། །དུས་གསུམ་བརྒྱད་བརྒྱ་བཟླས་པས་ནི། །གསུམ་བརྗོད་མཁའ་ལ་འགྲོ་བར་འགྱུར། །ལེགས་པར་མ་བྱས་གདོན་ལ་སོགས། །དོན་རྣམས་ཐམས་ཅད་འགྲུབ་པར་འགྱུར། །བཅིང་དང་གྲོལ་བ་ཐམས་
D746.095.0212a03.01ཅད་དམ། །བསྒྲུབ་པའམ་གཞིག་པ་བཅང་བར་བྱེད། །ཟླ་ཕྱེད་ནས་ཀྱི་ཁ་ཟས་ཟོས། །གདོན་གྱི་ལས་རྣམས་བྱེད་པར་ནུས། །བ་གཅིན་ནས་ཀྱི་ཁ་ཟས་ཟོས། །དོན་རྣམས་ཐམས་ཅད་འགྲུབ་པར་ནུས། །ཞག་བདུན་དུ་ནི་དུས་གསུམ་དུ། །དེ་བཞིན་བརྒྱད་བརྒྱ་བཟླས་
D746.095.0212a04.01བརྗོད་བྱས། །དབང་དུ་བྱ་དང་བཅིངས་ལ་སོགས། །བསད་པར་ཡང་ནི་ནུས་པར་འགྱུར། །གང་ཞིག་ཞག་ལྔར་ཟས་མི་ཟ། །ཉིན་གཅིག་བཞིན་དུ་བཟླས་བརྗོད་བྱེད། །དེས་ན་མོ་རྣམས་གཞིག་པའམ། །དགྲོལ་དང་དབང་དུ་བྱ་བར་ནུས། །ཞག་གསུམ་བར་དུ་དུས་གསུམ་དུ། །
D746.095.0212a05.01གང་ཞིག་སྦྱིན་སྲེག་རྣམ་གསུམ་བྱེད། །ལྷག་མའི་དུས་སུ་ཁྲོས་ནས་བཟླས། །དེས་ནི་གཞན་ཡང་གཞིག་པར་ནུས། །དྲག་པོ་ཡི་ནི་ལས་བྱེད་ན། །ཞག་གཅིག་སྨྱུང་བྱས་དུར་ཁྲོད་དུ། །ཁྲག་གི་སྦྱིན་སྲེག་བྱས་ན་ནི། །ངེས་ནི་གདོན་དང་མི་རྣམས་གཞིག །དེ་དག་བསྒྲུབ་པར་
D746.095.0212a06.01བྱ་བའི་ཕྱིར། །དང་པོར་ཞག་གསུམ་སྨྱུང་བྱས་ནས། །མར་གྱི་ངོ་ནི་བཅུ་བཞི་ལ། །སུམ་བརྒྱ་ལྔ་བཅུ་གཙང་མས་བཟླས། །སྔར་བསྟན་འདི་དག་བྱས་ན་ནི། །དེ་ནས་ངེས་པར་གཉིས་ཀས་ཀྱང་། །ཚིག་གིས་གང་དང་གང་སྨྲས་པ། །བསམ་པའི་ལས་ནི་བྱེད་པར་འགྱུར། །
D746.095.0212a07.01