完整藏文原文 · 德格版页 当前仅加载第 95 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་པར་མི་འགྱུར་བ་ངས་མདོར་བསྟན་པ་ཡིན་ནོ། །དེ་ནས་མི་མཇེད་ཀྱི་བདག་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་བཅོམ་ལྡན་འདས་རྣམས་དེ་ལྟར་སེམས་ཅན་དག་བདེ་བླག་ཏུ་འགྲུབ་པར་
D746.095.0055a01.01བགྱི་བའི་གནས་རྣམས་སྟོན་པ་ཐུགས་རྗེ་ཆེ་བ་ལགས་སོ། །དེ་ནས་བཅོམ་ལྡན་འདས་ཀྱིས་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ་གང་དག་ལ་རིག་སྔགས་ཀྱི་དངོས་གྲུབ་འགྲུབ་པར་འགྱུར་བའི་ཕྱོགས་འགའ་ཙམ་ཞིག་ཁྱོད་ལ་བསྟན་པར་བྱ་སྟེ།
D746.095.0055a02.01སངས་རྒྱས་དང་། ཆོས་དང་། དགེ་འདུན་ལ་དགའ་བ་གང་ཡིན་པ་དག་དང་། དགེ་བ་བཅུའི་ལས་ཀྱི་ལམ་དང་ལྡན་པ་གང་ཡིན་པ་དག་དང་། ཕ་ལ་གུས་པ་དང་མ་ལ་གུས་པ་གང་ཡིན་པ་དང་། རིག་སྔགས་ལ་མཆོད་པ་བྱེད་ཅིང་རིག་སྔགས་ལ་བཀུར་
D746.095.0055a03.01སྟིར་བྱེད་པ་གང་ཡིན་པ་དང་། གསང་སྔགས་འཛིན་པར་བྱེད་པ་གང་ཡིན་པ་དང་། འབྱུང་པོའི་ཟས་ངན་པ་དང་། ཏིལ་སྦྲུས་པ་མི་ཟ་བ་དང་སེམས་ཅན་ཐམས་ཅད་ལ་ལེགས་པར་བལྟ་བ་གང་ཡིན་པ་དེ་ལ་ནི་རིག་སྔགས་འགྲུབ་པར་འགྱུར་རོ། །དེ་ནས་མི་མཇེད་
D746.095.0055a04.01ཀྱི་བདག་པོ་ཚངས་པ་དགའ་ཞིང་མགུ་ལ་ཡི་རངས་ཏེ་རབ་ཏུ་དགའ་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་ལག་ན་རྡོ་རྗེའི་ཆོ་ག་རྒྱས་པ་ལ་གང་གིས་རིག་སྔགས་འཆང་
D746.095.0055a05.01རྣམས་བསྲུང་བའི་གསང་སྔགས་དབུལ་བར་འཚལ་བ་ལགས་སོ། །བཀའ་སྩལ་པ་ཚངས་པ་ཆེན་པོ་གང་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་བསམས་པ་ཤོད་ཅིག་ཤོད་ཅིག །ཁྱོད་ལ་དེ་བཞིན་གཤེགས་པས་གནང་ངོ་། །དེ་ནས་མི་མཇེད་ཀྱི་བདག་
D746.095.0055a06.01པོ་ཚངས་པས་ལག་ན་རྡོ་རྗེ་ལ་གསང་སྔགས་ཕུལ་བ། ན་མོ་རཏྣ་ཏྲ་ཡ་སྱ། །ནམ་ཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཏད་ཡ་ཐཱ། ནམ་ཤྩཎྜ་བཀྵི་ཎི། ཨ་ཏི་ནི་ཙ་ཨ་ཤེ་བྷི་ཤ་ཡ། མི་མ་ཙ་{མྱེ་,མེ་}དཉྩ་ཨཱ་ཧ་ར་སྭཱ་ཧཱ། བཅོམ་ལྡན་འདས་རིག་སྔགས་
D746.095.0055a07.01