完整藏文原文 · 德格版页 当前仅加载第 95 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །རྡོ་རྗེ་སེར་སྐྱའི་སྔགས་ཀྱིས་ལས་བརྩམས་ཏེ། །དཀྱིལ་འཁོར་བྲིས་ནས་ལན་ཚྭ་དང་། སྐེ་ཚེའི་སྦྱིན་སྲེག་ལན་བརྒྱད་བརྒྱ་བྱས་ན་གདོན་གྱིས་ཀུ་ཅོ་བཏོན་ཏེ་འབྲོས་པར་འགྱུར་རོ། །འབྱུང་པོའི་
D746.095.0127a01.01གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །དྲི་ཟའི་གདོན་ཡང་ཤེས་པར་བྱ། །བྲམ་ཟེ་རྒྱལ་རིགས་འཛིན་པར་བྱེད། །ཡར་གྱི་དོ་ཡི་ཚེས་བཅུ་གཉིས། །མར་གྱི་ངོ་ཡང་དེ་བཞིན་ཏེ། །དྲི་ཟ་རྟག་ཏུ་རྒྱུ་བར་བྱེད། །ལྷག་མའི་དུས་སུ་
D746.095.0127a02.01འཚེ་མི་བྱེད། །གཏོར་མ་འདོད་ཅིང་ཞི་བ་དགའ། །གདོན་དེ་དགའ་བ་འདོད་པ་སྟེ། །གླུ་ལ་དགའ་ཞིང་དགའ་ལ་སྲེད། །གཙང་ཞིང་གཙང་སྦྲར་སྤྱོད་པ་དང་། །གཟུགས་བཟང་པ་ཡི་མི་དག་ལ། །དྲི་ཟ་དག་ནི་སྟེན་པར་བྱེད། །དེ་ཡི་ཚུལ་ནི་ང་ལ་ཉོན། །གླུ་ལེན་
D746.095.0127a03.01ཅིང་ནི་གར་བྱེད་ཅིང་། །ཁ་ནས་རོལ་མོའི་སྒྲ་ཡང་འབྱིན། །ཟས་དང་སྐོམ་ལ་དགའ་བར་བྱེད། །དེ་བཞིན་ཁྲུས་དང་ཕྲེང་ལ་དགའ། །ཆགས་ཤིང་དྲི་ཞིམ་ངད་ཀྱང་ལྡང་། །དྲི་ཟ་ཡིས་ནི་ཟིན་པ་ཡི། །མཚན་མ་རྣམས་ནི་དེ་དག་ཡིན། །
D746.095.0127a04.01གང་གིས་དེས་ནི་བདེར་འགྱུར་བ། །གསོ་པའི་ཐབས་ཀྱང་བསྟན་པར་བྱ། །གཙང་ཞིང་གཙང་སྦྲར་སྤྱོད་པ་དང་། །དགའ་བཞིན་པས་ནི་གསོ་བར་བྱ། །མེ་ཏོག་ཕྲེང་དམར་དེ་བཞིན་ཏེ། །འབྲས་ཆན་དམར་པོའང་དེ་བཞིན་ཏེ། །བ་དན་དམར་པོ་སྦྱིན་པར་བྱེད། །ཙནྡན་དམར་པོ་ཉིད་
D746.095.0127a05.01དག་དང་། །སྐུད་པ་དམར་པོ་དག་དང་ནི། །དེ་དག་ཐམས་ཅད་སྦྱིན་པར་བྱ། །ནད་པ་གོས་དམར་བསྐོན་བྱས་ལ། །མེ་ཏོག་ཕྲེང་མར་བྱུགས་པར་ལྡན། །མེ་ཏོག་ཕྲེང་མར་ལུས་བསྐུས་པའི། །དགེ་སློང་བྲམ་ཟེ་བཀྲ་ཤིས་གདོན། །ཁ་ཟས་དམར་པོ་བྱིན་ནས་ཀྱང་། །
D746.095.0127a06.01དེ་ནས་ནུབ་མོ་གཏོར་མ་སྦྱིན། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །གསོད་དང་ཚ་བ་གསུམ་པོ་དང་། །སེང་
D746.095.0127a07.01