完整藏文原文 · 德格版页 当前仅加载第 95 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །དབུས་སུ་ནི་སངས་རྒྱས་བཅོམ་ལྡན་འདས་བྲིའོ། །གཡོན་ལོགས་སུ་ནི་ལག་ན་རྡོ་རྗེ་བྲིའོ། །བཅོམ་ལྡན་འདས་ཀྱི་གཡས་ལོགས་སུ་ནི་དཔལ་ལྷ་མོ་ཆེན་མོ་བྲིའོ། །ལག་ན་རྡོ་རྗེའི་དྲུང་དུ་ནི་ཕོ་ཉ་མ་དྲུག་བྲིའོ། །བྱང་ཕྱོགས་ངོས་སུ་ནི་ཁྱབ་འཇུག་
D746.095.0090a01.01དང་ལྷ་ཆེན་པོ་དང་ཚངས་པ་རྣམས་དེ་དག་དང་མཐུན་པའི་འཁོར་དང་བདུད་རྩི་གཞག་གོ། །ནུབ་ཕྱོགས་སུ་དྲུག་མ་དང་། དཀའ་བཟློག་མ་དང་། གཞོན་ནུ་འཁོར་དང་བཅས་པ་གཞག་གོ། །ལྷོ་ཕྱོགས་སུ་ནི་ཚོགས་དྲུག་ཅུ་རྩ་བཞི་པོ་རྣམས་གཞག་གོ། །སྒོ་རེ་རེར་ཡང་ཚོགས་
D746.095.0090a02.01རྣམས་གཞག་པར་བྱ་སྟེ། །ཤར་ཕྱོགས་ཀྱི་སྒོར་གཏུམ་བྱེད་དང་། གསར་ཅན་གཉིས་གཞག་གོ། །ལྷོ་ཕྱོགས་ཀྱི་སྒོར་ནི་བདུད་རྩི་ཐབ་སྦྱོར་དང་། རྨུགས་བྱེད་གཉིས་གཞག་གོ། །ནུབ་ཕྱོགས་ཀྱི་སྒོར་ནི་རྫོང་ལྡན་དང་། མཚན་སྦྱིན་གཉིས་གཞག་གོ། །
D746.095.0090a03.01བྱང་ཕྱོགས་ཀྱི་སྒོར་ནི་ལྕགས་ཅན་དང་སོ་ཅན་གཉིས་གཞག་གོ། །ནང་དུ་ནི་བཅོམ་ལྡན་འདས་ཚིག་ལྡན་མ་དྲི་ཟའི་འཁོར་གྱིས་བསྐོར་བ་གཞག་གོ། །ཀཱརྵཱ་པ་ཎ་བརྒྱ་རྩ་ཚང་བའམ། ཡང་ན་པཱ་ཎ་བརྒྱས་རྡོ་རྗེ་བྱས་ཏེ་བཞག་ལ་དེའི་སྟེང་དུ་སྤྱན་གྱིས་བཟླས་བརྗོད་བྱས་པའི་བུམ་པ་
D746.095.0090a04.01མི་གནག་ཅིང་རྩ་བ་མེད་ལ་མགྲིན་བཅིངས་དང་བཅས་པ་གཞག་པར་བྱ་སྟེ། བུམ་པ་དེའི་ནང་དུ་ས་བོན་ཐམས་ཅད་དང་། རིན་པོ་ཆེ་ཐམས་ཅད་གཞུག་ཅིང་། འོ་མ་ཡོད་པའི་ཤིང་གི་ཡལ་ག་གཞག་གོ། །གྲྭ་བཞིར་ཡང་བུམ་པ་བཞིར་གཞག་པར་བྱ་སྟེ། མགྲིན་བཅིངས་དང་ལྡན་
D746.095.0090a05.01པ་ལ་ས་བོན་དང་རིན་པོ་ཆེ་ཐམས་ཅད་བཅུག་སྟེ་འོ་མ་ཡོད་པའི་ཤིང་གི་ཡལ་ག་གཞུག་གོ། །དེ་ནས་རིག་སྔགས་འཆང་གང་དག་དཔལ་ལམ་རིག་སྔགས་འཆང་ལས་བྱུང་བའི་འབྲས་བུ་འདོད་ན། རིག་སྔགས་འཆང་དེས་བླ་མ་ལ་བསྙེན་བཀུར་བྱའོ། །བླ་མ་དེས་ཀྱང་རིག་སྔགས་འཆང་
D746.095.0090a06.01སྨྱུང་བར་བྱས་པ། བྱང་ཆུབ་ཀྱི་སེམས་ཡོངས་སུ་གཟུང་བ། གསོ་སྦྱོང་གི་ཡན་ལག་དང་ལྡན་པ། གོས་གཙང་མ་བགོས་པ། དར་དཀར་གྱིས་གདོང་གཡོགས་པ། དཀྱིལ་འཁོར་དུ་གཞུག་པར་བྱའོ། །དེ་ལ་ནུབ་ཕྱོགས་ཀྱི་སྒོར་བཅུག་ན་ནི་དཔལ་མངོན་པར་འཕེལ་བར་འགྱུར་
D746.095.0090a07.01