完整藏文原文 · 德格版页 当前仅加载第 95 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཟླས་བརྗོད་བྱས། །ལས་རྣམས་གང་དང་གང་འདོད་དང་། །གང་གང་ཆོ་ག་ཇི་བཞིན་གང་། །དེ་བཞིན་ཆོ་ག་གཏོར་མ་དང་། །བཟླས་བརྗོད་སྦྱིན་སྲེག་གཙང་བྱས་ན། །དེས་ན་དོན་རྣམས་ཐམས་ཅད་ཀྱང་། །བྱེད་འགྱུར་དེ་ལ་ཐེ་ཚོམ་མེད། །རྟག་ཏུ་བདེན་སྨྲ་བསླབ་
D746.095.0207a01.01ལ་དགའ། །དངོས་གྲུབ་མཆོག་ཆེན་ཐམས་ཅད་ལྡན། །འབྱུང་པོ་སྒྲུབ་པར་འདོད་ན་ནི། །ཞག་གསུམ་སྨྱུང་བྱས་མར་གྱི་ངོ་། །བཅུ་བཞི་ལ་ནི་གཏོར་མ་སྦྱིན། །ཟླ་བ་དྲུག་གམ་ཟླ་བ་ཕྱེད། །ཤིང་དྲུང་ཡང་ན་དགོན་པར་གནས། །གཅིག་པུ་བསྲུང་བ་མཆོག་བྱས་ལ། །སློང་མོ་ཡི་ནི་
D746.095.0207a02.01ཟས་ཀྱང་བཟའ། །ཟླ་དྲུག་ཡང་ན་ཟླ་བ་གཅིག །ལྷ་འམ་གདོན་ཀྱང་གནས་ཀྱང་རུང་། །ཟླ་གཅིག་ཕྱུགས་ཀྱི་ལྷས་སུ་གནས། །ཞོ་དང་འོ་མ་མར་ཡང་བཟའ། །སྐུ་གདུང་ལྡན་པའི་མཆོད་རྟེན་དྲུང་། །ཟླ་གཅིག་སྣ་ཚོགས་ཟས་ཀྱིས་མཆོད། །ཟླ་བ་གཉིས་ནི་དུར་ཁྲོད་དུ། །གཏོར་མ་
D746.095.0207a03.01བདུག་པ་གཙང་སོགས་མཆོད། །ཐང་ངམ་མཆོད་རྟེན་དྲུང་དུ་བཟླས། །དེ་ནས་འབྱུང་པོ་བརླག་པར་འགྱུར། །དེར་ནི་འབྱུང་པོ་དམ་པ་གང་། །ཡང་ན་ཐོག་མར་གང་འོངས་དང་། །གང་ཚེ་དེ་ལ་ཉེ་བར་འགྱུར། །གང་ན་གང་ཞིག་སེམས་ཀྱིས་འདོད། །དེ་ཚེ་ཤིན་ཏུ་བསྙེན་ནས་ནི། །
D746.095.0207a04.01རྡོ་རྗེ་ལྕགས་ཀྱུ་རྟག་ཏུ་བཟླས། །དེ་ཡི་མིང་ནི་དྲིས་ནས་ཀྱང་། །དེ་ཉིད་མིང་ནི་གཟུང་བར་བྱ། །གཅིག་པུས་དཀྱིལ་འཁོར་བྱས་ན་ནི། །རིག་སྔགས་རྡོ་རྗེ་ལྕགས་ཀྱུའི་ཚོགས། །དྲི་ལ་སོགས་པས་ལེགས་མཆོད་ནས། །དེས་ནི་འབྱུང་པོ་དེ་དག་དགུག །དེ་ཡིས་མིང་བརྗོད་འབྱུང་པོ་
D746.095.0207a05.01རྣམས། །དགའ་ནས་དེར་ནི་འོང་བར་འགྱུར། །དེ་ནས་དེས་ནི་ལེགས་པར་མཆོད། །གཞན་ཡང་འོངས་ནས་མཆོད་པར་བྱ། །མིང་ནི་ལེགས་པར་བརྗོད་བྱ་ཞིང་། །སྐྲག་བྱེད་མིང་ལ་བརྟེན་ནས་ནི། །འབྱུང་པོ་སྒྲུབ་ཏུ་གྲུབ་འགྱུར་ན། །མི་ནི་འགྲུབ་པར་འགྱུར་བ་ཡིན། །དེ་ནས་དེ་ལ་འབྱུང་པོ་
D746.095.0207a06.01རྣམས། །ཀུན་ནས་ཉེ་བར་འཁོར་བར་འགྱུར། །རྒྱལ་པོའི་ཞམ་རིང་མཐུན་བྱེད་བཞིན། །ལས་ཀུན་ཡང་ནི་བྱེད་པར་འགྱུར། །དེ་ནི་རྒྱལ་པོའི་དམག་རྣམས་ལ། །རྒྱལ་པོ་ཆེན་པོས་བྱས་པ་བཞིན། །སྟོབས་ཆེན་འབྱུང་པོའི་སྡེ་དག་ལ། །བཀའ་ནི་ཀུན་ཏུ་སྩོལ་བར་བྱེད། །ས་སྟེངས་ཀུན་ཏུ་
D746.095.0207a07.01