完整藏文原文 · 德格版页 当前仅加载第 95 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་གི་ཆོ་ག་རྒྱས་པ་ཆེན་པོའི་རྒྱལ་པོ་ཆེན་པོའི་རིག་སྔགས་བཤད་པར་བྱ་བའི་ཕྱིར་འོངས་པ་ཡིན་གྱིས་བཟོད་ལྡན་དག་མ་འཇིགས་ཤིག །མ་འཇིགས་ཤིག །ལྷ་མོ་འདིས་ནི་བསྐལ་པ་སྟོང་ཕྲག་དགུ་བཅུ་རྩ་དགུའི་བར་དུ་དེ་བཞིན་གཤེགས་པ་མཉེས་པར་བྱས། མཆོད་པར་བྱས།
D746.095.0149b01.01བཀུར་སྟིར་བྱས། རི་མོར་བྱས། བླ་མར་བྱས་ནས། རིག་པ་མཆོག་གི་ཆོ་ག་རྒྱས་པ་ཆེན་པོ་ཡང་བསྒྲུབས་ཏེ། དེས་ན་ལྷ་མོ་འདི་ནི་ངའི་གཟུགས་འཛིན་པར་བྱེད་ཀྱི་ལྷར་བཅས་པའི་འཇིག་རྟེན་དང་། བདུད་དུ་བཅས་པ་དང་། ཚངས་པར་བཅས་པ་དང་། དགེ་སྦྱོང་དང་བྲམ་
D746.095.0149b02.01ཟེར་བཅས་པའི་སྐྱེ་དགུའི་ནང་ན་ངའི་གཟུགས་འཛིན་པར་ནུས་པ་གཞན་སུ་ཡོད། དེ་ནས་བཅོམ་ལྡན་འདས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་རྫོང་གི་ལྷ་མོ་ལ་འདི་སྐད་ཅེས་སྨྲས་སོ། །ལྷ་མོ་གང་ཁྱོད་སེམས་ཅན་ཐམས་ཅད་ཀྱི་དོན་གྱི་ཕྱིར་རིག་པ་མཆོག་གི་ཆོ་ག་རྒྱས་
D746.095.0149b03.01པ་ཆེན་པོའི་རྒྱལ་པོ་བཤད་པར་བྱ་བའི་དོན་ལ་འོངས་པ་ལེགས་སོ་ལེགས་སོ། །ལྷ་མོ་སེམས་ཅན་རྣམས་ཀྱི་དོན་གྱི་ཕྱིར་རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོའི་གསང་སྔགས་དེ་ཤོད་ཅིག་ཤོད་ཅིག །དེ་ནས་ལྷ་མོ་རྫོང་གི་འཕགས་པ་མ་ཡིད་རབ་ཏུ་དགའ་བར་གྱུར་ནས་
D746.095.0149b04.01དེ་བཞིན་གཤེགས་པ་ཐམས་ཅད་ལ་ཕྱག་འཚལ་ཏེ། བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ་རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོ་གསང་སྔགས་དང་། བདག་གི་ལས་སྔོན་བདག་གིས་བསྒྲུབས་
D746.095.0149b05.01པ་བདག་གིས་བཤད་པར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་ལྷ་མོ་རྫོང་གི་འཕགས་པས་གསང་སྔགས་བཤད་པ་ཁྱོད་ཀྱིས་ཉོན་ཅིག །ལྷ་མོས་ཀྱང་ཤོད་ཅིག་ཤོད་ཅིག །དེ་ནས་ལྷ་མོ་དེས་དེ་བཞིན་
D746.095.0149b06.01གཤེགས་པ་ཐམས་ཅད་ལ་ཕྱག་འཚལ་ནས་རིག་སྔགས་བཤད་པ། །ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། །ན་མཿཀྲོདྷ་གི་རིཀྵ་ཡ། སིདྷ་ཤརྡཱུ་ལ་བཱ་ཧ་ནཱ་ཡ། །ཨེ་ཧྱེ་ཧི། །བྷ་ག་བ་ཏི། །བཛྲ་པཱ་ཎི། །ས་ཏྱེ་ན། སྠཱ་ནེ་ཤྭ་རི། ཨཱ་གཙྪ་ཨ་
D746.095.0149b07.01