完整藏文原文 · 德格版页 当前仅加载第 95 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ན་མིའི་གཙོ་བོ་དང་བུད་མེད་ཀྱི་གཙོ་མོར་ཡང་དབང་དུ་ཁུགས་པར་འགྱུར་རོ། །ལན་འབུམ་སྦྱིན་སྲེག་བྱས་ན་བྲམ་ཟེ་དང་རྒྱལ་རིགས་དབང་དུ་ཁུགས་པར་འགྱུར་རོ། །དེའི་འོག་ཏུ་ལན་བརྒྱད་སྟོང་སྦྱིན་སྲེག་བྱས་ན་མི་ཆེན་པོ་རྣམས་དབང་དུ་ཁུགས་པར་འགྱུར་རོ། །ལན་ཅིག་བརྗོད་པས་
D746.095.0118b01.01གསང་སྔགས་རེངས་པར་བྱེད་ཅིང་བཅིངས་པ་གྲོལ་བར་བྱེད་དོ། །ལན་གསུམ་པས་ནི་ཕ་རོལ་གྱི་རིག་སྔགས་གཅོད་པར་བྱེད་དོ། །ཁྱེའུ་དང་བུ་མོ་ཁྲུས་བྱེད་དུ་གཞུག་པར་འདོད་ན་བུམ་པ་མི་ནག་ཅིང་རྩ་བ་མེད་པ་བཞིའམ། བཅུ་གཉིས་སམ། བཅུ་དྲུག་ཀྱང་རུང་སྟེ། དཀྱིལ་འཁོར་
D746.095.0118b02.01གྱི་སྟེང་དུ་བཞག་ལ། ས་བོན་དང་སྨན་ཐམས་ཅད་བླུགས་ཏེ་མཆོད་པ་བྱས་ཏེ་ལྷ་བཤོས་ཀྱང་དབུལ་ལ། ལན་བརྒྱད་སྟོང་སྦྱིན་སྲེག་བཟླས་བརྗོད་བྱས་ཏེ་ཁྲུས་བྱེད་དུ་བཅུག་ན་ཐམས་ཅད་ཀྱི་ཡིད་དུ་འོང་བར་འགྱུར་རོ། །བུད་མེད་བུ་ཚོལ་བ་ཡང་བུ་ཡོད་པར་འགྱུར་རོ། །དེ་ནས་རལ་གྲི་
D746.095.0118b03.01དང་དགྲ་སྟ་དང་གསལ་ཤིང་དང་དབྱུག་པ་དང་མདུང་ཐུང་དང་། ཆུང་ངུ་ན་ཤིང་ལྷམ་དང་གོས་དང་སྐ་རགས་དང་སོར་གདུབ་ལ་སོགས་པ་འགྲུབ་པར་འདོད་ན་ཆོ་ག་སྔར་བཤད་པ་བཞིན་དུ་བྱས་ཏེ། ལྷ་མོའི་མདུན་དུ་ཀུ་ཤའི་སྟན་ལ་འདུག་ནས་འབར་བར་གྱུར་གྱི་བར་བཟླས་བརྗོད་བྱས་ན་དེ་ནས་
D746.095.0118b04.01འགྲུབ་པར་འགྱུར་ཏེ། དེ་བླངས་པས་ནམ་མཁའ་ལ་འགྲོ་ཞིང་གྲུབ་པ་རྣམས་ཀྱིས་མི་སོད་པར་འགྱུར་རོ། །ལུས་མི་སྣང་བར་སྒྲུབ་པ་ནི་ལུས་མི་སྣང་བ་གྲུབ་པ་རྣམས་ཀྱི་རྒྱལ་པོར་འགྱུར་རོ། །དྲོ་བར་གྱུར་ན་ནི་རྐང་པས་འགྲོ་བ་རྣམས་ཀྱི་བདག་པོར་འགྱུར་རོ། །ལྷ་རྣམས་རིག་སྔགས་
D746.095.0118b05.01ཀྱི་རྒྱལ་མོ་རྡོ་རྗེ་ཁུ་ཚུར་མའི་སྙིང་པོ་མཆོག་གི་ལས་རྣམས་ངས་བཤད་ཟིན་ཏོ། དེ་ནས་བཅོམ་ལྡན་འདས་ལག་ན་རྡོ་རྗེ་རྡོ་རྗེ་སྤྱན་གྱི་སྤྱི་བོ་ལ་དབང་བསྐུར་ནས་རྡོ་རྗེ་འབར་བའི་ཏིག་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ལག་ན་རྡོ་རྗེ་རྡོ་རྗེ་འབར་བའི་ཏིང་ངེ་འཛིན་ལ་སྙོམས་
D746.095.0118b06.01པར་ཞུགས་མ་ཐག་ཏུ་དེ་ནས་ལྷ་འདུས་པ་ཐམས་ཅད་ཡིད་འཇིགས་པར་གྱུར་ནས། ལྷ་ཆེན་པོ་ནི་བཅོམ་ལྡན་འདས་ཀྱི་གློ་གཡོན་ཕྱོགས་སུ་འདུག་གོ། །སྤྱན་གྱི་གཡས་ཕྱོགས་སུ་འདུག་གོ། །དྲུག་མ་དང་དཀའ་ཟློག་མ་ནི་རྒྱབ་ལོགས་སུ་འདུག་སྟེ། ལྷ་ཐམས་ཅད་གཅིག་ལ་གཅིག་
D746.095.0118b07.01