完整藏文原文 · 德格版页 当前仅加载第 95 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བར་གྱུར་ན་གྲུབ་པ་རྣམས་ཀྱི་སྤྱོད་ཡུལ་དུ་མི་འགྱུར་རོ། །ལོ་སྟོང་ཐུབ་པར་འགྱུར་རོ། །འབར་ན་ནམ་མཁའ་ལ་མཆི་བར་འགྱུར་ཏེ། དཔག་ཚད་སྟོང་ཚུན་ཆད་མཐོང་ཞིང་སྒྲ་ཡང་ཐོས་སོ། །ལོ་ཁྲི་ཉིས་སྟོང་ཐུབ་པར་འགྱུར་རོ། །ལག་ན་རྡོ་རྗེ་གྲུབ་པར་འགྱུར་
D746.095.0024b01.01རོ། །ཆུ་ལ་ལན་བདུན་བཟླས་བརྗོད་བགྱིས་པས་གར་བགྱིད་དུ་སྩལ་ཏེ་ལན་གསུམ་བཟླས་བརྗོད་བགྱིས་པའི་དུ་བས་གསང་ཚིག་སྨྲར་སྩལ་ཏོ། །ཡིད་ཀྱིས་ལན་བདུན་བཟླས་བརྗོད་བགྱིས་པའི་མེ་ཏོག་གིས་སྨྲར་སྩལ་ཏོ། །ཡར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་
D746.095.0024b02.01བགྱིས་ཏེ། ལག་ན་རྡོ་རྗེའི་མདུན་དུ་པ་ལ་ཤའི་ཤིང་གིས་ཞུགས་བུས་ལ་ཀུ་མུ་དའི་མེ་ཏོག་ཞོ་དང་སྦྲང་རྩི་དང་མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིས་ན་ཡིད་ཀྱིས་བསམས་པ་དེ་དག་ཐམས་ཅད་འགྲུབ་སྟེ། རིག་སྔགས་འཆང་གི་རྒྱལ་པོ་ཉིད་ནི་མ་གཏོགས་
D746.095.0024b03.01སོ། །མར་གྱི་ངོ་ཞག་བརྒྱད་ནས་བརྩམས་ཏེ། ཟས་སུ་འོ་སྐྱོ་འཚལ་ཞིང་ལག་ན་རྡོ་རྗེའི་མདུན་དུ་བིལ་བའི་ཤིང་གིས་ཞུགས་བུས་ལ་བིལ་བའི་ཡམ་སྲེག་ཤིང་འབུམ་སྦྱིན་སྲེག་བགྱིས་ན་རྒྱལ་པོ་ཉིད་དུ་སྩོལ་ཏོ། །ཆོ་ག་འདི་ཉིད་ཀྱིས་རིག་སྔགས་འཆང་ཉིད་
D746.095.0024b04.01ཀྱང་སྩལ་ཏོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་སེང་ལྡེང་གི་ཤིང་གིས་ཞུགས་བུས་ལ་སྐེ་ཚེའི་མེ་ཏོག་ལ་ལན་བརྒྱ་སྟོང་སྦྱིན་སྲེག་བགྱིས་ན་ལས་གྲུབ་པའི་མཆོག་ཏུ་འགྱུར་རོ། །མར་གྱི་ངོ་ཞག་བཅུ་བཞི་ལ་ལག་
D746.095.0024b05.01ན་རྡོ་རྗེའི་མདུན་དུ་ཨརྐའི་ཤིང་གིས་ཞུགས་བུས་ལ་ཨརྐའི་མེ་ཏོག་ལས་ལན་འབུམ་སྦྱིན་སྲེག་བགྱིས་ན་ཏི་ནར་སྟོང་སྩོལ་ཏོ། །བྱང་ཆུབ་ཀྱི་ཤིང་གི་འོག་ཏུ་ཟས་སུ་ཆུ་གྲོག་འཚལ་ཞིང་ལན་སུམ་འབུམ་བཟླས་བརྗོད་བགྱིས་ན་རིག་སྔགས་འཆང་བརྒྱས་བསྐོར་བའི་
D746.095.0024b06.01རིག་སྔགས་འཆང་དུ་འགྱུར་རོ། །འདོད་པ་ཐམས་ཅད་ལོངས་སྤྱོད་དུ་འགྱུར་རོ། །ལོ་དགུ་སྟོང་ཐུབ་པར་འགྱུར་རོ། །གང་རིག་པའི་རྒྱལ་པོ་བསྒྲུབ་པར་འཚལ་བ་དེས་མར་གྱི་ངོ་ཞག་བརྒྱད་ནས་གཟུང་སྟེ། ཟས་སུ་འོ་སྐྱོ་འཚལ་ཞིང་རྒྱ་མཚོར་འབབ་པའི་ཆུ་ཀླུང་
D746.095.0024b07.01