完整藏文原文 · 德格版页 当前仅加载第 95 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ཡང་སྦྱར་བར་བྱ། །དཀྱིལ་འཁོར་བྲིས་ཏེ་དེར་བཅུག་ལ། །སྦྱིན་སྲེག་གི་ལས་མི་བཟད་པས་མེའི་ནང་དུ་རིག་པ་མཆོག་གིས་གཞོམ་པར་བྱའོ། །
D746.095.0135b01.01ཡང་ན་རྡོ་རྗེ་ནག་མོས་གཞོམ་པར་བྱ་སྟེ། །དེས་ནི་གདོན་འབྲོས་པར་འགྱུར་རོ། །གནོད་སྦྱིན་གྱི་གདོན་གྱི་སྐབས་རྫོགས་སོ།། །།དེ་ལས་གཞན་ཡང་གདོན་རྣམས་ཀྱི། །མཚན་མའི་བྱེ་བྲག་བཤད་པར་བྱ། །གདོན་རྣམས་དག་ནི་ཐམས་ཅད་ལ། །རིགས་
D746.095.0135b02.01བཞི་དག་ནི་ཡོད་པར་བཤད། །དེ་དག་ཀྱང་ནི་མིང་གཅིག་དང་། །མཚན་མ་གཅིག་པུ་འཁྲུལ་བར་བྱེད། །གདོན་རྣམས་གང་དག་གང་དུ་འཛིན། །དེ་ཡང་བདག་གིས་བཤད་པར་བྱ། །ལྷ་དང་འབྱུང་པོ་གནོད་སྦྱིན་དང་། །དེ་བཞིན་དྲི་ཟ་ཚངས་པའི་སྲིན། །གདོན་
D746.095.0135b03.01རྣམས་ལྔ་པོར་ཤེས་པ་ནི། །བྲམ་ཟེ་རྒྱལ་རིགས་སྤྱོད་པར་བཤད། །ཀླུ་ཡི་གདོན་དུ་ཤེས་པ་དང་། །སྲིན་པོ་ཡི་ནི་གདོན་ཉིད་དང་། །གདོན་དེ་གཉིས་སུ་ཤེས་པ་ནི། །རྗེའུ་རིགས་དམངས་རིགས་འཚེ་བ་ཡིན། །ལྷ་མིན་གདོན་ནི་རྒྱལ་རིགས་ཀྱིས། །ལྷག་མའི་
D746.095.0135b04.01རིགས་རྣམས་འཚེ་བ་ཡིན། །ཤ་ཟའི་གདོན་ནི་དམངས་རིགས་ཀྱིས། །ལྷག་མའི་རིགས་རྣམས་འཚེ་བ་ཡིན། །སྨྱོ་བྱེད་དང་ནི་ལོག་འདྲེན་དང་། །བྱིས་པའི་གདོན་ནི་གང་ཡིན་པ། །གདོན་རྣམས་འདི་གསུམ་ཤེས་པ་ནི། །རིགས་བཞི་དག་ལ་སྤྱོད་པར་བཤད། །
D746.095.0135b05.01གདོན་གང་རིགས་མཐུན་གང་ལ་སྤྱོད། །དེ་ནི་གསོ་བར་སླ་བ་ཡིན། །ཅི་སྟེ་གདོན་གང་འགའ་བཙལ་ཞིང་། །གཞན་ལ་སྟོན་པར་འགྱུར་ན་ནི། །ལག་ན་རྡོ་རྗེས་བཤད་པ་བཞིན། །དེ་ལ་གསོན་དུ་རེ་བའམ་མེད། །ཉི་མ་ནུབ་མོ་སྣང་མི་བྱེད། །ཟླ་བ་ཉིན་མོ་སྣང་མི་བྱེད། །
D746.095.0135b06.01བསྟན་པ་དེ་ཡི་ཚུལ་གྱིས་ན། །གདོན་ནི་རང་གི་རིགས་ལ་སྤྱོད། །གདོན་རྣམས་{བཅྭ་,བཅོ་}བརྒྱད་གང་ཡིན་པ། །ཐམས་ཅད་དུས་ཚིགས་རྣམས་སུ་རྒྱུ། །ལོ་གྲངས་བཅུ་གཉིས་ཚུན་ཆད་ཀྱི། །གདོན་རྣམས་གསོ་བའི་ཐབས་བཤད་དེ། །དེ་ལས་འདས་པའི་གདོན་རྣམས་ཀྱིས། །
D746.095.0135b07.01