完整藏文原文 · 德格版页 当前仅加载第 95 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་འོག་ཏུ་ཞག་གསུམ་སྨྱུང་བ་བགྱིས་ལ། གནས་བཞིར་བསྙེན་བཀུར་བྱེད་པ་བཞི་བཞག་གོ། །ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །རི་མོའི་སྐུ་གཟུགས་ཀྱི་སྤྱན་སྔར་རྩྭ་ཀུ་ཤ་སྦམས་པའི་སྟེང་དུ་འདུག་ལ། མཆོད་པ་རྒྱ་ཆེར་བགྱིས་ལ་གཏོར་
D746.095.0017a01.01མ་ཡང་ཤིན་ཏུ་རྒྱ་ཆེར་བགྱིའོ། །ལྕེ་བོག་གི་བདུག་པས་བདུག་གོ། །རི་མོའི་སྐུ་གཟུགས་ཀྱི་སྤྱན་སྔར་ཨརྐའི་ཤིང་གིས་ཞུགས་བུས་ལ། མེ་ཏོག་དཀར་པོ་ཞོ་དང་སྦྲང་རྩི་དང་མར་ལ་སྨྱུགས་པས་མེ་ཏོག་དག་བྱུང་གི་བར་དུ་སྦྱིན་སྲེག་བགྱིའོ། །དེའི་འོག་ཏུ་
D746.095.0017a02.01ཨུཏྤལ་སྔོན་པོ་ལྟ་བུའི་རལ་གྲི་བྱུང་གི་བར་དུ་ལྕགས་ཕྱེས་སྦྱིན་སྲེག་བགྱིའོ། །དེ་བླངས་མ་ཐག་ཏུ་སྐྲ་ལྕང་ལོར་འཁྱིལ་བར་འགྱུར། ལོ་བཅུ་དྲུག་པ་ལྟ་བུར་འགྱུར། ཉི་མ་འཆར་བའི་འོད་ལྟར་འགྱུར། དཔོན་གཡོག་དྲུག་ནམ་མཁའ་ལ་མཆི་བར་འགྱུར་རོ། །ལོ་ཁྲི་ཉིས་སྟོང་ཐུབ་པར་འགྱུར་རོ། །
D746.095.0017a03.01དེ་བཞིན་དུ་གྲོགས་རྣམས་ཀྱང་དཔག་ཚད་སྟོང་དུ་གྱེན་དུ་འཕགས་པར་འགྱུར་རོ། །དེ་བཞིན་དུ་འོག་མ་དབང་ཕྱུག་ཆེན་པོའི་རལ་གྲི་བསྒྲུབ་པར་བགྱིའོ། །གཞན་ཡང་རལ་གྲི་བསྒྲུབ་པ་ནི་ཟླ་བ་གཅིག་སློང་མོའི་ཟས་ཟ་ཞིང་ཕྱིས་
D746.095.0017a04.01མར་གྱི་ངོ་ཞག་བཅུ་བཞི་ལ་རི་མོའི་གཟུགས་ཀྱི་མདུན་དུ་ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །ཞག་གསུམ་སྨྱུང་བ་བགྱིས་ཏེ་རལ་གྲི་མ་ཆག་ཅིང་འཕན་མེད་པ་བླངས་ལ་རལ་གྲི་ལག་པ་གཡས་ན་ཐོགས་ཏེ་འབར་གྱི་བར་དུ་བཟླས་བརྗོད་བགྱིའོ། །དེ་བླངས་པ་
D746.095.0017a05.01ཙམ་གྱིས་ནམ་མཁའ་ལ་འཕག་གོ། །ལོ་བཅུ་དྲུག་ལོན་པ་ལྟ་བུར་འགྱུར་རོ། །རིག་སྔགས་འཆང་སྟོང་གི་བདག་པོར་འགྱུར་རོ། །ལོ་ཁྲི་ཉིས་སྟོང་ཐུབ་པར་འགྱུར་རོ། །གཞན་ཡང་འཁོར་ལོ་བསྒྲུབ་པ་བཤད་པར་བགྱིའོ། །སློང་མོའི་ཟས་ཟ་ཞིང་ཕྱིས་མར་གྱི་
D746.095.0017a06.01ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་མཆོད་པ་རྒྱ་ཆེར་བགྱིས་ལ་གཏོར་མ་དང་ལྷ་བཤོས་ཀྱང་ཤིན་ཏུ་རྒྱ་ཆེར་སྦྱར་ཞིང་ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །ལྕགས་སྣ་གསུམ་ལ་འཁོར་ལོ་རྩིབས་བཅུ་དྲུག་པ་བགྱིས་
D746.095.0017a07.01