完整藏文原文 · 德格版页 当前仅加载第 95 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
དང་བཅས་པ་གང་བ་དང་བཅས་པ་ལག་ན་རྡོ་རྗེས་བཤད་པ། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་འདི་ཐམས་ཅད་མ་ལུས་པར་སུ་འཆང་བ་དེའི་ལུས་ཀྱི་སྤྱི་བོར་ནི་དཔལ་དང་ལྡན་པ་རྡོ་རྗེ་འཛིན་རྟག་ཏུ་གནས་པར་འགྱུར་རོ། །གསང་བའི་དཀྱིལ་འཁོར་རྫོགས་སོ།། །།
D746.095.0158b01.01དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ཆེན་པོ་ཁྱོད་ལེགས་སོ་ལེགས་སོ། །བྱང་ཆུབ་སེམས་དཔའ་ཆེན་པོ་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དང་། སེམས་
D746.095.0158b02.01ཅན་ཐམས་ཅད་ལ་ཕན་པའི་ཕྱིར་བརྩོན་པ་ཡིན་ཏེ། ཆོ་ག་རྒྱས་པ་ཆེན་པོ་བཤད་པ་གང་ཡིན་པ་དེ་ནི་ལེགས་སོ། །རིག་པ་མཆོག་གི་ཆོ་ག་རྒྱས་པ་ཆེན་པོ་འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་རྗེས་སུ་
D746.095.0158b03.01གནང་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་དང་། དེ་བཞིན་གཤེགས་པ་ཐམས་ཅད་ཀྱིས་བསྟོད་ཅིང་བསྔགས་པ་ཡིན་ནོ། །རིག་སྔགས་འཆང་གང་སྤྱན་གྱི་སྙིང་པོ་དང་བཅས་པ། རིག་སྔགས་ཀྱི་རྒྱལ་པོ་ཆེན་པོ་དང་བཅས་པར་དྲན་པར་
D746.095.0158b04.01བྱེད་དམ། དུས་གསུམ་དུ་ཕྱག་འཚལ་བ་དེ་དག་ལ་ནི་ངན་འགྲོ་ལོག་པར་ལྟུང་བར་འགྱུར་བ་དེ་དག་མེད་དོ། །འཆི་བའི་ཚེའང་དེ་བཞིན་གཤེགས་པ་ཐམས་ཅད་མངོན་སུམ་དུ་ཕྱོགས་པར་འགྱུར་ཏེ། དེས་ན་དེ་དག་ལ་ངན་འགྲོ་ལོག་པར་ལྟུང་བར་འགྱུར་བ་མེད་དོ། །སེམས་ཅན་མཚམས་
D746.095.0158b05.01མེད་པ་ལྔ་དང་ལྡན་པ་དག་ཀྱང་མནར་མེད་པར་སྐྱེ་བར་མི་འགྱུར་རོ། །འདི་ནི་རིག་སྔགས་ཀྱི་རྒྱལ་པོ་ཆེན་པོའི་མཐུ་ཡིན་ནོ། །དཔེར་ན་ནོར་བུ་རིན་པོ་ཆེ་གཙུག་ཕུད་ཅན་ཞེས་བྱ་བ་མཐོང་མ་ཐག་ཏུ་ནད་ཐམས་ཅད་ཞི་བར་འགྱུར་ཞིང་གདོན་ཐམས་ཅད་ཀྱང་འབྱེར་བར་འགྱུར་བ་དེ་བཞིན་དུ་
D746.095.0158b06.01རིག་སྔགས་ཀྱི་རྒྱལ་པོ་འདི་སྤྱན་དང་སྙིང་པོ་དང་བཅས་པར་དྲན་པ་ཙམ་གྱིས་ལས་ཀྱི་སྒྲིབ་པ་ཐམས་ཅད་བྱང་བར་བྱེད་དོ། །འདི་ནི་རིག་སྔགས་ཀྱི་རྒྱལ་པོ་ཆེན་པོའི་རྒྱུ་དང་མཐུན་པ་ཡིན་ཏེ། སངས་རྒྱས་བཅོམ་ལྡན་འདས་རྣམས་ཀྱི་གཞན་དུ་གསུངས་པ་མ་ཡིན་ནོ། །རིགས་ཀྱི་བུའམ་
D746.095.0158b07.01