完整藏文原文 · 德格版页 当前仅加载第 95 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་པདྨ་འདབ་མ་སྟོང་པ་དཔག་ཚད་བརྒྱད་དྲི་བསུང་གིས་ཁྱབ་པ་བྱུང་གི་བར་དུ་བཟླས་བརྗོད་བྱའོ། །དེ་ནས་རིག་སྔགས་འཆང་གིས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་བླངས་ན་དེ་བླངས་མ་ཐག་ཏུ་མཐུ་སྟོབས་ཆེ་ཞིང་ཉི་མ་ཤར་བའི་མདོག་དང་ལྡན་ལ། དཔག་ཚད་བརྒྱད་
D746.095.0146a01.01དྲི་བསུང་གིས་ཁྱབ་པ་དང་། གཞན་གྱིས་མི་ཚུགས་པའི་འདོད་པའི་ལོངས་སྤྱོད་དང་ལྡན་ལ་སྲེག་པའི་རང་བཞིན་ཅན་འདོད་དགུར་སྒྱུར་བའི་གཟུགས་དང་ལྡན་པ་དང་བསྐལ་པར་གནས་པར་འགྱུར་རོ། །ལྷ་རྣམས་དྲང་སྲོང་ཆེན་པོའི་ལས་རྣམས་ངས་བཤད་ཟིན་ཏོ། །དེ་ལ་དྲག་ཏུ་བསྐུལ་
D746.095.0146a02.01བའི་གསང་སྔགས་ཀྱང་བཤད་པར་བྱ་སྟེ། ན་མོ་བཛྲ་པཱ་ཎི་སྱ། ཧུ་ཏཱ་ཤ་ཎ། ཨི་ཧ་ཨཱ་གཙྪ། པྲ་ཏི་གྲྀཧྞ་ཨི་མ་མཱ་ཧཱུ་ཏ་ནི། པྲ་ཏི་བུདྡྷ། མ་ཧཱ་བྷ་ག །ཛྱེཥྛ་སྟྭཾ། པྲ་པཱུ་ར་བ་བྷ་ཡ། ཨ་ཧཱ་དུཥྚ་གྲ་ཧ་སརྦ་བུ་ན་ར། ཨཱ་བརྟི་ཏཤྩ་ཡེ། ནི་རུན་ཏི་ནི་རུན་ཏི། བཛྲ་པཱ་ཎི་སྟྭཾ། དེ་བ་དེ་བ་
D746.095.0146a03.01ན་མཿསྭཱ་ཧཱ། བསྒྲུབ་པ་ཐམས་ཅད་ལ་རིག་སྔགས་འདིས་མར་དང་། འབྲས་ཡོས་ཀྱིས་སྲེག་བླུགས་ལན་ཉི་ཤུ་རྩ་གཅིག་སྦྱིན་སྲེག་བྱས་ན་དེས་ཐམས་ཅད་བྱེད་ནུས་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ཏེ་མཆོད་པ་
D746.095.0146a04.01བྱ་ཞིང་ལྷ་བཤོས་ཀྱང་ལྷག་པར་ཕུལ་ལ་དེ་ནས་ལན་བརྒྱད་སྟོང་བཟླས་བརྗོད་བྱས་ན་མེས་དམ་པ་སྦྱིན་པར་འགྱུར་རོ། །མེའི་ཆོ་ག་རྫོགས་སོ།། །།དེ་ནས་ལྷ་མོ་ཚིག་ལྡན་མས་རབ་ཏུ་རོལ་པ་མཐོང་ནས་ལག་ན་རྡོ་རྗེའི་གཡས་ཕྱོགས་ནས་བསྐོར་བ་བྱས་ཏེ། དྲི་ཟའི་འཁོར་
D746.095.0146a05.01གྱིས་བསྐོར་ནས་འཁོར་དེ་ཉིད་ཀྱི་ནང་དུ་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་བདག་ནི་ལྷ་ཐམས་ཅད་དང་། རིག་སྔགས་འཆང་ཐམས་ཅད་དང་། སེམས་ཅན་ཐམས་ཅད་ཀྱི་མཆོག་ཏུ་གྱུར་པ་དང་། སྒྲུབ་པར་བྱེད་པ་དང་།
D746.095.0146a06.01རབ་ཏུ་སྟོན་པར་བྱེད་པ་ཡིན་ནོ། །སྟོང་གསུམ་གྱི་འཇིག་རྟེན་གྱི་ཁམས་འདི་དག་ཐམས་ཅད་ནི་རྒྱགས་པས་མྱོས་པ་སྟེ། བདག་མེད་དུ་ཟིན་ན་དེ་དག་མ་རུང་བར་འགྱུར་རོ། །དེ་བས་ན་སེམས་ཅན་ཐམས་ཅད་ལ་ཕན་པའི་ཕྱིར་རིག་པ་མཆོག་གི་ཆོ་ག་རྒྱས་པའི་དངོས་གྲུབ་སྦྱིན་པར་བྱ་སྟེ།
D746.095.0146a07.01