完整藏文原文 · 德格版页 当前仅加载第 95 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
མདུང་ཐུང་དྲིལ་བུ་བ་དན་དང་། །དེ་བཞིན་ར་དང་བྱ་གག་དང་། །རྨ་བྱ་ཡི་ནི་མཇུག་མ་རྣམས། །གཞོན་ནུའི་ཕྱག་རྒྱ་བདུན་པོ་ཡིན། །འཁོར་ལོ་དུང་དང་བེ་ཅོན་དང་། །རལ་གྲི་དང་ནི་ཕུབ་ཟླུམ་དང་། །ནམ་མཁའ་ལྡིང་དང་ཕག་རྣམས་ནི། །ཁྱབ་འཇུག་ཕྱག་རྒྱ་
D746.095.0192a01.01བདུན་པོ་ཡིན། །མཆེ་བ་དང་ནི་སྤྲིན་དང་ས། །དེ་བཞིན་བུམ་པ་གཏུན་ཤིང་དང་། །གཤོལ་དང་རྐང་པ་གཡོན་པ་རྣམས། །ཕག་མོ་ཡི་ནི་ཕྱག་རྒྱ་བདུན། །ནམ་གྲུ་དག་ནི་གཉེར་མ་གདོང་། །རྒྱན་སྐད་ལ་སོགས་སྟོན་པ་དང་། །སྐེམ་པ་ནམ་གྲུའི་ཕྱག་རྒྱ་སྟེ། །རང་བཞིན་
D746.095.0192a02.01ཉིད་དུ་བསྟན་པ་ཡིན། །ཟས་སུ་མདངས་ཟ་རྣམས་ཀྱི་ནི། །ལྷུང་བཟེད་རལ་གྲི་ལག་གཡོན་བཅུམ། །ལྷ་མིན་རྣམས་ཀྱི་མི་ཡི་གཟུགས། །ཧཱུྃ་དང་བཅས་པར་བསྟན་པར་བྱ། །འཕགས་པ་རྣམས་ནི་འཁོར་དང་བཅས། །ཀུན་ལ་མདུང་རྩེ་གསུམ་པ་ཡིན། །དྲི་བ་བྱས་ན་
D746.095.0192a03.01ལྷག་པར་ཡང་། །གདོན་རྣམས་མཚན་ཉིད་གསལ་བར་ཤེས། །ལོག་འདྲེན་སྣ་ཚོགས་བརྗོད་པ་གང་། །དེ་དག་ཚུལ་ལྟས་བསྟན་པར་བྱ། །དེ་དག་ལ་རང་གི་ལག་པ་བསྐུམ་པ་དང་། །བརྐྱང་བ་དང་། །རྐང་པ་ཐ་མལ་བར་བརྐྱང་བ་དང་། །སྨྲར་གཞུག་པ་དེ་དག་ལས་གསང་སྔགས་
D746.095.0192a04.01གྱི་ལས་བསྟན་ཏེ། །དྲི་བ་དང་། །བརྡེག་པ་དང་། །དགྲོལ་བའི་ཚུལ་རྣམ་པ་གསུམ་བྱའོ། །ལས་རྒྱ་ཆེ་བ་རིག་སྔགས་ཀྱི་ཚོགས་ཀྱི་བཤད་པ་ཕྱག་རྒྱའི་ཚོགས་ཀྱི་དཀྱིལ་འཁོར་གྱི་ལས་གྲུབ་པ་འདི་ནི་ཤིན་ཏུ་ངོ་མཚར་ཆེ་བ་སྟེ། །སྡེ་བས་སུ་བྱ་བའི་མདོ་བསྟན་པ་དང་སྔགས་ཀྱི་ཚོགས་
D746.095.0192a05.01རྣམས་ཀྱང་བཤད་དོ། །འདུས་པ་ཆེན་པོའི་མདོ་ལས་ཤིན་ཏུ་བཀྲ་ཤིས་པའི་ཚིགས་སུ་བཅད་པ་བསྟན་པ་དང་། །རྡོ་རྗེའི་རིགས་ལས་རིག་སྔགས་ཀྱི་ཚོགས་རྫུ་འཕྲུལ་དང་ལྡན་པ་རྣམས་ཀྱང་བཤད་དོ། །ལག་ན་རྡོ་རྗེ་དཀྱིལ་འཁོར་ཐམས་ཅད་ཀྱི་རྒྱལ་པོ་ལས་ལག་ན་རྡོ་རྗེ་དང་། །ལྷ་
D746.095.0192a06.01ཆེན་པོ་དང་། །དཀའ་བཟློག་མས་བཤད་པའི་ལས་ཀྱི་དཀྱིལ་འཁོར་ཕྱག་རྒྱ་དང་བཅས་པར་བཤད་ལ་རྫོགས་སོ།། །།དཀྱིལ་འཁོར་ཆེན་པོ་འདི་དག་ལས། །ལས་ཀྱི་དཀྱིལ་འཁོར་ཅི་བསྟན་དང་། །རིག་སྔགས་ཀྱི་ནི་དཀྱིལ་འཁོར་རྣམས། །སོ་སོར་རྒྱས་
D746.095.0192a07.01