完整藏文原文 · 德格版页 当前仅加载第 95 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །དཀྱིལ་འཁོར་གང་དང་གང་མཐོང་བ། །དེ་དང་དེ་ལ་བདེ་བར་མཆོད། །དེ་ནས་ཐམས་ཅད་མཐོང་ནས་ཀྱང་། །ཡོན་གྱི་བུམ་པར་དབུལ་བར་བྱ། །བློ་ཅན་གྱིས་ནི་མཚན་ཡང་བཟུང་། །དམ་པ་གཞན་ཡང་བདག་གིས་བཤད། །རྡོ་རྗེ་སྟངས་ཐབས་འགྲོ་བ་
D746.095.0203a01.01དང་། །གད་མོ་བཅས་པར་བསྒྱུར་བ་དང་། །གཡོན་པས་ཀྱང་ནི་བརྡབ་པར་བྱ། །སེང་གེའི་སྒྲ་སྒྲོགས་འགྱིང་བ་དང་། །མཛུབ་མོས་ཧཱུྃ་ཡང་བསྒྲགས་བྱས་ཏེ། །ཐམས་ཅད་ཤིན་ཏུ་བྱེད་པའི་མཆོག །དེ་ནས་གཞན་ཡང་མི་ཤེས་པ། །ཆོ་ག་བཞིན་དུ་མནོད་པར་བྱ། །སློབ་དཔོན་གུས་
D746.095.0203a02.01པར་ལེགས་བྱ་ཞིང་། །དམ་ཚིགས་ཀྱང་ནི་ངེས་པར་བསྟན། །ཏིལ་ཟན་ལ་སོགས་མོན་སྲན་གྲེའུ། །བདག་ཉིད་ཀྱིས་ནི་ལེགས་པར་བཟའ། །ལྷག་པར་བླ་མར་གུས་བྱས་དང་། །དེ་ལ་དགའ་བར་བྱས་ནས་ནི། །རྡོ་རྗེ་འཛིན་པ་ཆེན་པོ་དང་། །རིག་སྔགས་རྣམས་ལ་སྡུག་པར་འགྱུར། །
D746.095.0203a03.01དེ་ནས་རིག་སྔགས་ཚོགས་རྣམས་ལ། །དེ་ཡིས་རིག་སྔགས་གང་འདོད་པ། །དེ་ནི་བསྒྲིམས་ཏེ་བཀླག་བྱ་ཞིང་། །དངོས་གྲུབ་འདོད་པས་རྟག་ཏུ་མཆོད། །དེ་ལྟར་སློབ་དཔོན་རྒྱ་ཆེན་ཚོགས་རྣམས་དང་། །ལྷ་དང་ལྷ་མིན་མཆོག་གཟུགས་དུ་མ་ཡིས། །མཐོང་ཞིང་ཐོས་ལ་འབྲང་
D746.095.0203a04.01བར་འགྱུར་བ་དང་། །རྟག་ཏུ་ལེགས་མཆོད་རྗེས་སུ་བསྟན་པ་ཡིན། རྡོ་རྗེའི་རིགས་དཔལ་དང་ལྡན་པ་ལས་མཉེས་པ་དཀའ་ཞིང་མེ་དང་ཉི་མ་ལས་ལྷག་པ་དེ་ཁོ་ན་ཉིད་ཀྱི་མི་དང་དམ་པའི་ཡོན་ཏན་དང་ལྡན་པ་མཆོག་ཏུ་གྱུར་པ་གང་དང་གང་ཡིན་པ་དེ་དག་ནི་དཀྱིལ་འཁོར་དང་དམ་ཚིག་རབ་ཏུ་རྟོགས་
D746.095.0203a05.01པས་རྟག་ཏུ་མཐོང་ཞིང་ཐོས་པའམ། བསྒྲུབ་པའི་ཚུལ་དང་ལྡན་པར་བྱས་ན་དངོས་གྲུབ་འགྲུབ་པའམ། ཕན་པ་ཡང་ཐོབ་པར་འགྱུར་རོ། །རྡོ་རྗེ་ཆེན་པོ་ཐོགས་བཞིན་དུ་རྟག་ཏུ་བདུག་པ་དང་། མེ་ཏོག་དང་། དྲི་དང་། ལྷ་བཤོས་རྒྱས་པར་དབུལ་ཞིང་སྦྱིན་སྲེག་བྱའོ། །དེ་ལྟར་
D746.095.0203a06.01གནས་བཞི་པ་ཚུལ་འཛིན་ཅིང་ཉི་མའི་གཟི་བརྗིད་དང་ལྡན་པའི་དཀྱིལ་འཁོར་དམ་པ་འདི་ནི་དཔལ་སྐྱེད་ཅིང་མཆོག་ཏུ་མྱུར་བའི་ཆོ་ག་ཡིན་པས་ན་དཀྱིལ་འཁོར་ཐམས་ཅད་ཀྱི་རྒྱལ་པོ་ཉིད་ཡིན་ནོ། །ལག་ན་རྡོ་རྗེའི་དཀྱིལ་འཁོར་གྱི་རྒྱལ་པོ་ཆེན་པོ་ལག་ན་རྡོ་རྗེ་དབང་ཕྱུག་ཆེན་པོ་གཉིས་ཀྱིས་
D746.095.0203a07.01