完整藏文原文 · 德格版页 当前仅加载第 95 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལྷ་ཐམས་ཅད་ཀྱིས་རིག་པ་མཆོག་གི་ཆོ་ག་རྒྱས་པ་ཆེན་པོའི་རིག་སྔགས་བཤད་པ་གང་ལགས་པའི་རིག་སྔགས་དེ་དག་བསྒྲུབ་པའི་སླད་དུ་ཡང་རིག་སྔགས་ཐམས་ཅད་ཀྱི་སྙིང་པོ་གང་ཐོས་ན་རིག་སྔགས་ཐམས་ཅད་དངོས་གྲུབ་ཏུ་འགྱུར་བ་བཤད་པར་འཚལ་ལོ། །དེ་ནས་བཅོམ་ལྡན་
D746.095.0159b01.01འདས་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་རིག་སྔགས་ཐམས་ཅད་ཀྱི་སྙིང་པོ་བཤད་པ། ན་མོ་རཏྣ་ཏྲ་ཡ་སྱ། ནམཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཏདྱ་ཐཱ། ཨུཥྚི་རི་ལི། མཾ་ག་ལྱེ། སཾ་ཧ་རི་བ་ལ་ན་རི་སྭཱ་ཧཱ། རིག་སྔགས་ཐམས་ཅད་
D746.095.0159b02.01ཀྱི་སྙིང་པོ་ཐོས་མ་ཐག་ཏུ་ས་རྣམ་པ་དྲུག་ཏུ་གཡོས་ཏེ། གཡོ་བ་དང་མི་གཡོ་བའི་རྒྱུ་སྐར་དང་། གཟའ་ཆེན་པོ་རྣམས་འཁྲུགས་སོ། །བཅོམ་ལྡན་འདས་རིག་སྔགས་ཐམས་ཅད་ཀྱི་སྙིང་པོ་འདི་ནི་བདག་གི་རིག་པ་མཆོག་ལགས་ཏེ། མཉམ་པ་མ་མཆིས་ལ་སྟོབས་ཆེ་ཞིང་
D746.095.0159b03.01རྨད་དུ་བྱུང་བ་ལགས་སོ། །འདི་ནི་བདག་གི་གསང་བ་ལགས་ཏེ། མུ་འདི་ཆོ་ག་དང་ལྡན་པར་འདོད་པ་དེས་ནི་དེ་བཞིན་གཤེགས་པའི་སྤྱན་སྔར་དྲི་དང་མེ་ཏོག་དང་བདུག་པ་ཕུལ་ལ། ལག་ན་རྡོ་རྗེ་ལ་ཡང་མེ་ཏོག་དམར་པོ་ཕུལ་ཏེ། ཞག་གཅིག་སྨྱུང་བ་བགྱིས་ཏེ་བྱང་ཆུབ་ཀྱི་
D746.095.0159b04.01སེམས་ཡོངས་སུ་བཟུང་ལ་བླ་མ་ལ་ཡང་མཆོད་ཅིང་ཡོན་ཕུལ་ནས་རིག་སྔགས་ཐམས་ཅད་ཀྱི་སྙིང་པོ་དང་། རིག་པ་མཆོག་གདོན་པར་བགྱིའོ། །དེ་ནས་ལྷ་ཐམས་ཅད་ཡིད་རབ་ཏུ་དགའ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་
D746.095.0159b05.01དཔའ་ཆེན་པོ་ལེགས་སོ་ལེགས་སོ། །རིག་སྔགས་ཐམས་ཅད་ཀྱི་སྙིང་པོ་འཛིན་པའི་རིག་སྔགས་འཆང་དེ་ལ་མྱུར་དུ་དངོས་གྲུབ་སྩོལ་ཅིག །དེ་ནས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་ཁྱོད་ཉོན་ཅིག །ངས་གསང་བའི་དཀྱིལ་འཁོར་བཤད་པ་ལས་
D746.095.0159b06.01གསང་བ་དང་རིག་སྔགས་ཐམས་ཅད་ཀྱི་སྙིང་པོ་བསྟན་པ་གང་ཡིན་པ་འདི་དང་། རིག་པ་མཆོག་སུ་འདོད་པའམ་མཆོད་པར་བྱེད་པ་དེ་ལ་ནི་རིག་སྔགས་ཀྱི་རྒྱལ་པོ་ཆེན་པོ་དམ་པ་སྦྱིན་པར་འགྱུར་རོ། །ཅི་སྟེ་རིག་སྔགས་ཐམས་ཅད་ཀྱི་སྙིང་པོ་དང་། །རིག་སྔགས་ཀྱི་རིགས་མ་མཐོང་བ་
D746.095.0159b07.01