完整藏文原文 · 德格版页 当前仅加载第 95 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
སྦུབས་སུ་བཅུག་སྟེ་བ་ལང་གི་ལྕི་བས་གཡོགས་ནས་བདུགས་ལ་ལན་བདུན་གྱི་བར་དུ་བ་ལང་གི་ལྕི་བའི་ཁུ་བའི་ནང་དུ་བཅུག་ན་བ་བླ་དུལ་བར་འགྱུར་རོ། །བྱི་རུ་ལ་སོགས་པའི་རྫས་རྣམས་གདུལ་བ་ཡང་དེ་ལྟར་བྱས་ན་དུལ་བར་འགྱུར་རོ། །དངུལ་ལ་སོགས་པའི་རྫས་རྣམས་སྔར་ལེགས་པར་
D746.095.0154b01.01བཏུལ་ཏེ། དྲི་མ་མེད་པར་བྱས་ནས་གདོད་སྦྱོར་བ་ཐམས་ཅད་ལ་སྦྱར་བར་བྱའི་དེ་མ་ཡིན་པ་ཡེ་མི་བྱའོ། །བཅོམ་ལྡན་འདས་འདི་དག་ནི་བདག་གིས་སེམས་ཅན་རྣམས་ལ་ཕན་པའི་ཕྱིར་བཤད་དེ། གང་ཞིག་དེ་དང་མི་མཐུན་པའི་ལས་བྱེད་ན་ལས་གྲུབ་པ་མེད་དོ། །བཅོམ་ལྡན་
D746.095.0154b02.01འདས་གཞན་ཡང་གང་དག་བདག་གི་གསང་སྔགས་འཆང་བ་དེ་དག་ལ་ཐམས་ཅད་དུ་བསྲུང་བར་འགྱུར་བ་འདི་ཡང་བཤད་པར་བགྱིའོ། །དེ་ནས་བཅོམ་ལྡན་འདས་ལག་ན་རྡོ་རྗེས་འགྲོ་བའི་བདག་པོ་སྲེད་མེད་ཀྱི་བུ་ལ་འདི་སྐད་ཅེས་སྨྲས་སོ། །འགྲོ་བའི་བདག་པོ་ངས་ཀྱང་ཁྱོད་ལ་དྲག་
D746.095.0154b03.01ཏུ་བསྐུལ་བའི་གསང་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོྃ་ལོ་ལཱ་ཙཀྲཱ་ཡ་སྭཱ་ཧཱ། གསང་སྔགས་འདིས་ལག་ན་རྡོ་རྗེའི་མདུན་དུ་མར་ངོའི་ཚེས་བཅུ་བཞི་ལ་ཞག་གཅིག་སྨྱུང་བ་བྱས་ཏེ། ལན་བརྒྱད་སྟོང་བཟླས་བརྗོད་བྱས་ན་སྲེད་མེད་ཀྱི་བུ་འགྲུབ་པར་འགྱུར་ཏེ། ལས་ཐམས་
D746.095.0154b04.01ཅད་བྱེད་པར་ནུས་སོ། །སྲེད་མེད་ཀྱི་བུའི་ཆོ་ག་རྫོགས་སོ།། །།དེ་ནས་གང་ག་ཀླུང་ལ་སོགས་པ་ཀླུང་ཆེན་པོ་བཞི་འཁོར་བརྒྱད་ཁྲི་བཞི་སྟོང་གིས་བསྐོར་བ་རྣམས་ལག་ན་རྡོ་རྗེའི་ཞབས་དྲུང་དུ་སོང་སྟེ། ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་
D746.095.0154b05.01སོ། །བྱང་ཆུབ་སེམས་དཔའ་ཆེན་པོ་བདག་ཅག་གིས་ཀྱང་སེམས་ཅན་ཐམས་ཅད་ལ་ཕན་པའི་ཕྱིར་རིག་པ་མཆོག་གི་ཆོ་ག་རྒྱས་པ་ཆེན་པོའི་གསང་སྔགས་བཤད་པར་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་གང་གཱ་ཀླུང་ལ་སོགས་པ་ཀླུང་བརྒྱད་ཁྲི་བཞི་སྟོང་གིས་བསྐོར་
D746.095.0154b06.01བ་རྣམས་ལ་འདི་སྐད་ཅེས་སྨྲས་སོ། །བཟོད་ལྡན་དག་ཁྱེད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དང་། །སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་ལེགས་སོ་ལེགས་སོ། །བཟོད་ལྡན་དག་རིག་པ་མཆོག་གི་ཆོ་ག་རྒྱས་པ་ཆེན་པོའི་གསང་སྔགས་ཤོད་ཅིག་ཤོད་
D746.095.0154b07.01