完整藏文原文 · 德格版页 当前仅加载第 95 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ལག་ན་རྡོ་རྗེ་ལ་ཡང་མཆོད་པ་བྱས་ན་དེའི་འོག་ཏུ་ལས་བརྩམ་པར་བྱའོ། །དེ་ནས་མིའི་གཙོ་བོ་དབང་དུ་བྱ་བར་འདོད་ན་འཕགས་པ་ལག་ན་རྡོ་རྗེའི་མདུན་དུ་དཀྱིལ་འཁོར་སྐྱོང་ནུལ་གྱིས་བྱུགས་ལ་ཞག་བདུན་གྱི་བར་དུ་དུས་གསུམ་དུ་དྲི་དང་།
D746.095.0065a01.01མེ་ཏོག་དང་། ལྷ་བཤོས་ཕུལ་ནས་བྱང་ཆུབ་ཀྱི་ཤིང་གི་བུད་ཤིང་གིས་མེ་སྦར་ལ་འབྲས་ཡོས་ཀྱི་འོ་ཐུག་གིས་སྦྱིན་སྲེག་སྟོང་རྩ་བརྒྱད་རྩ་བརྒྱད་བྱས་ན་དབང་དུ་འགྱུར་ཏེ། ཇི་སྐད་སྨྲས་པ་བཞིན་བྱེད་ཅིང་ནོར་སྦྱིན་པར་འགྱུར་རོ། །བྲམ་ཟེ་དབང་དུ་བྱ་ན་
D746.095.0065a02.01ཆོ་ག་དེ་ཉིད་ཀྱིས་ཏིལ་གྱི་སྦྱིན་སྲེག་བརྒྱ་སྟོང་བྱའོ། །རྒྱལ་རིགས་ལ་ནི་ནས་ཀྱི་སྦྱིན་སྲེག་བྱའོ། །རྗེའུ་རིགས་ལ་ནི་ནས་དང་ལན་ཚྭའི་སྦྱིན་སྲེག་བྱའོ། །དམངས་{རིངས་,རིང་}ལ་ནི་སྦྱར་ཐུག་གི་སྦྱིན་སྲེག་བྱའོ། །ཡུགས་ས་མོ་དབང་དུ་བྱ་ན་ཡུངས་ཀར་གྱི་སྦྱིན་སྲེག་
D746.095.0065a03.01བྱའོ། །བུ་མོ་དབང་དུ་བྱ་ན་ཡུངས་ཀར་གྱི་སྦྱིན་སྲེག་བྱའོ། །འདི་དག་ལ་ཡང་དེ་བཞིན་དུ་དྲི་དང་། མེ་ཏོག་དང་། ལྷ་བཤོས་དབུལ་ཞིང་སྦྱིན་སྲེག་ལན་སྟོང་སྟོང་བྱས་ན་དབང་དུ་འགྱུར་ཏེ་ཟ་གཅིག་པར་བྱའོ། །དགྲ་ཕུང་བར་བྱ་ན་མར་གྱི་ངོ་ཞག་བཅུ་བཞིའམ་
D746.095.0065a04.01མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དཀྱིལ་འཁོར་གྲུ་གསུམ་པ་སྐྱོང་ནུལ་གྱིས་བྱུགས་ནས་སེང་ལྡེང་གི་བུད་ཤིང་གིས་མེ་སྦར་ལ་སྐེ་ཚེའི་སྦྱིན་སྲེག་ལན་བརྒྱ་སྟོང་བྱས་ན་དེ་མ་ཐག་ཏུ་མེད་པར་འགྱུར་རོ། །དགྲ་བསད་ན་ཞག་བདུན་གྱི་བར་དུ་དུས་གསུམ་
D746.095.0065a05.01དུ་དུག་དང་ཁྲག་གི་སྦྱིན་སྲེག་སྟོང་རྩ་བརྒྱད་བྱས་ན་འཆི་བར་འགྱུར་རོ། །གནོད་སྦྱིན་དང་། །གནོད་སྦྱིན་མོ་དབང་དུ་བྱ་ན་གནོད་སྦྱིན་དང་། གནོད་སྦྱིན་མོ་ཕྱོགས་གང་ན་གནས་པ་དེར་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ། དཀྱིལ་འཁོར་སྐྱོང་ནུལ་གྱིས་བྱུགས་
D746.095.0065a06.01ནས་དྲི་དང་། མེ་ཏོག་དང་། བདུག་སྤོས་དང་། མར་མེ་ཕུལ་ཏེ་མངར་གསུམ་གྱི་ལྷ་བཤོས་ཀྱང་དབུལ་ལོ། །དེ་ནས་ཨ་ཤོ་ཀའི་བུད་ཤིང་གིས་མེ་སྦར་ལ་ཨ་ཤོ་ཀའི་མེ་ཏོག་བརྒྱ་སྟོང་གིས་སྦྱིན་སྲེག་བྱས་ན་དབང་དུ་འགྱུར་རོ། །བཅོམ་ལྡན་འདས་གང་ཞིག་གིས་རྡོ་རྗེའི་
D746.095.0065a07.01