完整藏文原文 · 德格版页 当前仅加载第 95 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཀཱ་མ་མ་མེ་པཱུ་རཱ་ཡ་སྭཱ་ཧཱ། །འདི་ཡི་ཆོ་ག་བཤད་པར་བྱ། །ངས་བཤད་དེ་ནི་མཉན་པར་གྱིས། །ཆོ་ག་བཞིན་དུ་རྡོ་རྗེ་སྡེ། །རི་མོའི་གཟུགས་ནི་བརྒྱ་བྱས་ནས། །བདུག་པའི་མཆོད་པས་མཆོད་བྱ་ཞིང་། །བསྒྲིམས་ཏེ་རྟག་ཏུ་བཟླས་བརྗོད་བྱ། །སྐུ་གདུང་ལྡན་པའི་མཆོད་རྟེན་ནམ། །
D746.095.0220b01.01གང་ན་སྐུ་གདུང་ཡོད་པ་དེར། །ཅི་ནུས་ཀྱིས་ནི་རབ་བསྒྲིམས་ཏེ། །སྔར་ནི་བསྙེན་པ་འདི་དག་བྱ། །དེ་ནས་ཟླ་ཕྱེད་ཡང་ན་གཅིག །ཡང་ན་ཞག་ནི་བདུན་ཡང་རུང་། །དུས་གསུམ་ཁྲུས་བྱས་དཀར་གསུམ་བཟའ། །མཉམ་གཞག་རྟག་ཏུ་བཟླས་བརྗོད་བྱ། །གསོ་སྦྱོང་ཡན་ལག་བརྒྱད་
D746.095.0220b02.01ལྡན་པས། །ནས་ཀྱི་ཁ་ཟས་དུས་གསུམ་བཟའ། །ཤིན་ཏུ་མཉམ་གཞག་དུས་གསུམ་དུ། །བརྒྱ་རྩ་བརྒྱད་ནི་བཟླས་བརྗོད་བྱ། །དེར་ནི་མར་གྱི་མར་མེ་གཉིས། །མ་ཤི་བར་ནི་གཞག་པར་བྱ། །ཕྱི་ནང་གཞག་པའི་སྨྱུང་བ་བྱ། །ཟླ་བ་ཉ་ལ་རབ་བསྒྲིམས་ཏེ། །བཟའ་དང་བཏུང་བ་
D746.095.0220b03.01མང་པོ་ཡིས། །ལྷ་བཤོས་མཉམ་པར་གཞག་པས་དབུལ། །ཆོ་ག་དམ་པས་བསྲུང་བྱ་ཞིང་། །ཆོ་ག་བརྟེན་པ་ངེས་བྱས་ནས། །རྡོ་རྗེའི་སྡེ་ནི་སྟོབས་པོ་ཆེ། །ལན་གྲངས་བརྒྱ་སྟོང་བཟླས་བརྗོད་བྱ། །དེ་ནས་སྟོབས་ཆེན་རྡོ་རྗེ་སྡེ། །དེ་ལ་ཡང་ནི་འགྲུབ་འགྱུར་ཏེ། །ཡིད་ལ་ཅི་དང་ཅི་འདོད་
D746.095.0220b04.01པའི། །དོན་རྣམས་ཐམས་ཅད་བྱེད་པར་འགྱུར། །ནད་ཀུན་ཡང་ནི་སེལ་བྱེད་ཅིང་། །འདོད་པ་ཐམས་ཅད་སྦྱིན་པར་བྱེད། །ཡུངས་ཀར་ནས་དང་ལན་ཚྭ་དང་། །ཤུ་ཏི་དང་ནི་ཉེའུ་ཤིང་དང་། །པྲི་ཡངྐུ་དང་ཤུ་དག་རྣམས། །མཉམ་པར་གཞག་པས་ཞག་བདུན་དུ། །སེང་ལྡེང་མདག་མ་
D746.095.0220b05.01དུད་མེད་ལ། །དེ་ཡི་མིང་སྨོས་སྦྱིན་སྲེག་བྱ། །ཞག་བདུན་བར་དུ་ལན་ཅིག་ནི། །དུས་གསུམ་དུ་ནི་བརྒྱ་རྩ་བརྒྱད། །སྦྱིན་སྲེག་རབ་ཏུ་ལེགས་བྱས་ན། །སྐལ་ཆུང་གིས་ཀྱང་འགྲུབ་པར་འགྱུར། །ཚུལ་འདིས་སྦྱིན་སྲེག་བྱས་ན་ནི། །སེམས་ཅན་ཀུན་ཀྱང་འཁྲུགས་པར་འགྱུར། །
D746.095.0220b06.01དོན་གང་ཡིད་ལ་བཞག་ནས་ནི། །སྟོབས་ཆེན་འདི་ནི་བསྒྲུབ་བྱས་ནས། །དེ་ཡི་ལས་དེ་བྱེད་འགྱུར་ཏེ། །འདི་ལ་དཔྱད་བར་བྱ་བ་མེད། །ཆོ་ག་གཞན་ཡང་རྟག་ཏུ་ཡིད་ལ་ལན་གསུམ་བཟླས་བརྗོད་བྱས་ཏེ། བསྲུང་བ་ཡང་ལན་གསུམ་བཟླས་བརྗོད་བྱས་ནས། གང་འདོད་པ་
D746.095.0220b07.01