完整藏文原文 · 德格版页 当前仅加载第 95 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱལ་པོའམ། གཞན་ཡང་རུང་སྟེ་དུ་གུ་ལའི་རས་དཀར་པོ་བགོས་ཏེ་དེ་ནས་ཨ་ག་རུ་བསྲེག་ཅིང་རྒྱལ་པོ་དང་གཉིས་ཀ་ཐད་ཀར་འདུག་སྟེ་མིག་མི་འཛུམས་པར་བཟླས་བརྗོད་བྱས་ན་མིག་སྔ་ན་འདུག་པའི་ལྷས་གང་གི་དོན་བསྟན་པ་དེ་རྒྱལ་པོས་ཀྱང་ཇི་ལྟར་ཐོས་པ་དེ་བཞིན་དུ་
D746.095.0100b01.01མཐོང་བར་འགྱུར་རོ། །ཆོ་ག་འདི་ནི་བསྟེན་ནས་ལོ་གཅིག་མ་ལོན་པར་ལ་སྦྱིན་པར་མི་བྱའོ། །སྟོང་རྙེད་མ་བྱིན་པ་ལ་ཡང་སྦྱིན་པར་མི་བྱ་སྟེ། ཆོས་ཅན་དད་པ་དང་ལྡན་པ་ལ་སྦྱིན་པར་བྱའོ། །དཀའ་ཟློག་མའི་ཆོ་ག་རྫོགས་སོ།། །།ལྷ་རྣམས་དཔལ་ཐམས་ཅད་མངོན་
D746.095.0100b02.01པར་འབྱུང་བར་བྱེད་པའི་དཀྱིལ་འཁོར་ཆེན་པོ་ལས་འབྱུང་བའི་རིག་སྔགས་ཀྱི་ལྷ་རྣམས་ཀྱི་ལས་ངས་བཤད་ཟིན་ཏོ། །ངས་ཀྱང་ལྷ་དེ་དག་བསྒྲུབ་པ་དང་། གཞེན་གདབ་པ་དང་། གནོན་པར་བྱ་བ་དང་། བསད་པ་དང་། བསྐམས་པ་དང་། དཔལ་བསྐྱེད་པ་དང་། ལས་
D746.095.0100b03.01ཉམས་པ་རྣམས་ཀྱི་ལས་སྒྲུབ་པ་དང་། རིག་སྔགས་ཉམས་པ་རྣམས་ཀྱི་རིག་སྔགས་བཀང་བ་དང་། མི་ནད་ཀྱི་གནོད་པ་འབྱུང་བ་ལ་མི་ནད་ཞི་བར་བྱ་བའི་ཕྱིར་རིག་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོྃ་བཛྲ་ཛྭ་ལ་བྷཻ་ར་བཱ་ཡ་ཕཊ། ཧཱུྃ་ཛྭ་ལཱ་ན་ཡ་ཕཊ་སྭཱ་ཧཱ། དེ་
D746.095.0100b04.01ནས་ལྷ་དེ་དག་གིས་རྡོ་རྗེ་འབར་བ་འདི་ཐོས་ནས་སྙིང་འདར་ཞིང་ལག་ན་རྡོ་རྗེའི་ཞལ་དུ་བལྟས་སོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས་མ་འཇིགས་ཤིག །མ་འཇིགས་ཤིག །རྡོ་རྗེ་འབར་བ་ཞེས་བྱ་བ་
D746.095.0100b05.01ཁྲོ་བོ་ཆེན་པོའི་རྒྱུད་དང་མཐུན་པ་འདི་ནི་ལྷ་རྣམས་བསྒྲུབ་པ་དང་། གཞེན་འདེབས་པ་དང་། གནོད་པ་བྱེད་པ་དང་། བསད་པ་དང་། སྐེམས་པ་དང་། དཔལ་བསྐྱེད་པ་དང་། ལས་ཉམས་པ་རྣམས་ཀྱི་ལས་སྒྲུབ་པ་དང་། རིག་སྔགས་ཉམས་པ་རྣམས་ཀྱི་རིག་སྔགས་བསྐྱོད་པ་
D746.095.0100b06.01དང་། མི་ནད་ཀྱི་གནོད་པ་བྱུང་བ་ལ་མི་ནད་ཞི་བར་བྱེད་པ་ཡིན་ཏེ། ལྷ་རྣམས་ཀྱི་ཆོ་ག་རྒྱས་པ་འགྲུབ་པར་བྱེད་པ་འདི་ནི་རྣམ་པར་རྒྱལ་བའི་རྒྱུད་ཆེན་པོ་ལས་ཀྱང་ངས་བཤད་དོ། །ད་ལྟར་ཡང་ཁྱེད་རྣམས་འགྲུབ་པར་བྱེད་པ་རྡོ་རྗེ་འབར་བ་ཞེས་བྱ་བ་ཁྲོ་བོ་ཆེན་པོ་འདི་ངས་བཤད་པ་
D746.095.0100b07.01