完整藏文原文 · 德格版页 当前仅加载第 95 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོད་པ་གང་ཡིན་པ་དེ་དག་སྐྲག་ཅིང་འཇིགས་པར་འགྱུར་ཏེ། དེ་དག་བཅོམ་ལྡན་འདས་ལག་ན་རྡོ་རྗེ་ལ་མགོ་བོས་ཕྱག་འཚལ་ནས་འཁོད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་ལྷ་དག་ལ་བཀའ་སྩལ་པ། ལྷ་དག་རིག་སྔགས་བཤད་པར་
D746.095.0069a01.01བྱས་ཏེ། རེ་ཞིག་ཁྱེད་ལ་སྙིང་པོ་མཆོག་གི་ལས་རྣམས་ཉོན་ཅིག །དེ་ནས་སྙིང་པོའི་ལས་རྣམས་འབྱུང་སྟེ། བསྲུང་བ་ནི་ལན་བདུན་བཟླས་བརྗོད་བྱས་པའི་ཐལ་བས་བྱའོ། །མཚམས་བཅད་པ་ནི་ལན་བདུན་བཟླས་བརྗོད་བྱས་པའི་ཕུར་བུས་བྱའོ། །བསྐྲད་པ་ནི་
D746.095.0069a02.01སྐྲས་བྱའོ། །ཀུམྦྷི་ར་ཁ་བཅིང་བར་བྱ་ནི་ལན་བདུན་བཟླས་བརྗོད་བྱས་པའི་གསེག་མས་བྱའོ། །ལས་ཐམས་ཅད་དང་སྒྲུབ་པ་ཐམས་ཅད་ལ་ཡང་རིག་སྔགས་ཀྱི་རྒྱལ་པོའི་སྙིང་པོ་སྦྱར་བར་བྱའོ། །སྒྲུབ་པའི་ཚིག་བགེགས་བསལ་བ་ནི་མེ་སྦར་ལ་ཡུངས་ཀར་
D746.095.0069a03.01བདག་གི་ཁྲག་གིས་བསྒོས་པས་ལན་བརྒྱད་བརྒྱ་སྦྱིན་སྲེག་བྱས་ན་བགེགས་ཐམས་ཅད་ཆོམས་པར་འགྱུར་རོ། །བགེགས་ཐམས་ཅད་རེངས་པར་བྱ་ན་ཙམ་པ་ཀའི་ས་བོན་ལ་ལན་ཉི་ཤུ་རྩ་གཅིག་བཟླས་བརྗོད་བྱས་པས་བྱའོ། །རོ་ལངས་རེངས་པར་བྱ་ན་ལན་གསུམ་
D746.095.0069a04.01བཟླས་བརྗོད་བྱས་པའི་ཡུངས་ཀར་གྱིས་བྱའོ། །རོ་ལངས་སྒྲུབ་པ་ཐམས་ཅད་དང་། བགེགས་རེངས་པར་བྱ་བ་ཐམས་ཅད་ལ་ནི་སྙིང་པོས་བྱའོ། །བདག་དང་གྲོགས་རྣམས་བསྲུང་བ་ནི་བཅོམ་ལྡན་འདས་མས་བྱའོ། །མཚམས་བཅད་པ་ནི་རིག་སྔགས་ཀྱི་རྒྱལ་
D746.095.0069a05.01པོས་བྱ་སྟེ། རྩ་བའི་ལས་རྣམས་ལ་ཡང་སྦྱར་རོ། །ཕྱི་མའི་ལས་རྣམས་ནི་བཅོམ་ལྡན་འདས་མ་ཡུམ་གྱིས་བྱའོ། །རིགས་ཀྱི་རྒྱལ་པོའི་སྙིང་པོའི་ལས་རྣམས་སྒྲུབ་པ་ནི་སྙིང་པོའི་ཕྱི་མའི་ལས་གཞན་རྣམས་རིག་སྔགས་ཀྱི་རྒྱལ་པོ་དང་། བཅོམ་ལྡན་འདས་མས་
D746.095.0069a06.01བྱའོ། །རིག་སྔགས་ཀྱི་རྒྱལ་པོ་ལ་ནི་བཅོམ་ལྡན་འདས་མ་ཡུམ་གྱིས་བྱའོ། །ཉེ་བའི་སྙིང་པོ་ལ་ནི་སྙིང་པོའམ། ཡུམ་མམ། རིག་སྔགས་ཀྱི་རྒྱལ་པོས་བྱའོ། །ཕོ་ཉའི་གསང་སྔགས་རྒྱུད་ཕྱི་མ་དང་བཅས་པ་ཐམས་ཅད་ནི་བཅོམ་ལྡན་འདས་མས་སྦྱར་བར་བྱའོ། །
D746.095.0069a07.01