完整藏文原文 · 德格版页 当前仅加载第 95 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་མཐོང་ལྷ་དབང་ལྡན་དུ། །སྲིད་རྩེ་དེ་ཡི་ཕ་རོལ་དགོད། །དེ་བཞིན་དཀའ་ཟློག་བྱང་ཕྱོགས་གཞག །དྲུག་པ་དག་ཀྱང་འདས་པ་ཡིན། །བང་རིམ་དག་ནི་བདུན་པ་ལ། །རྡོ་རྗེ་ཤུགས་ཀྱིས་རྡོ་རྗེ་འཆང་། །སོང་ནས་ཁྲུ་ཡི་གཙོ་བོ་ནི། །རྒྱ་མཚོ་ཆེན་པོ་རྨད་བྱུང་གཞག །
D746.095.0199b01.01བྱང་ཕྱོགས་བྱ་བ་ཟིན་ནས་ནི། །གྲགས་ཤིང་བསོད་ནམས་ཆེ་བ་ཡི། །འཕྲུལ་དགའ་བ་ཡི་ལྷ་ཆེན་རྣམས། །གཤིན་རྗེའི་ཕྱོགས་སུ་གནས་པར་བྱ། །དེ་ནས་རྡོ་རྗེ་ཤར་ཕྱོགས་ཀྱི། །གནས་ཀྱི་གཙོ་བོར་གཞག་པར་བྱ། །སུམ་ཅུ་གསུམ་པའང་ཤར་ཕྱོགས་སུ། །
D746.095.0199b02.01བཞག་ཅིང་བདུན་པ་ཡོངས་སུ་དགང་། །ལྷ་རྣམས་སྣ་ཚོགས་རྒྱས་པ་ཡི། །རི་ཡི་དབང་པོ་དམ་པ་ཡི། །བང་རིམ་དག་ནི་ཡོངས་སུ་རྫོགས། །དེ་ཡི་འོག་ཏུ་བྱ་བ་བཤད། །རི་རབ་སྟེང་དུ་ཐམས་ཅད་མཁྱེན། །རིག་སྔགས་སྙིང་པོ་འཆང་བ་པོ། །སངས་རྒྱས་འཇིག་རྟེན་
D746.095.0199b03.01རྟོགས་མཛད་པ། །ཐར་པའི་གྲོང་ཁྱེར་དབང་ཕྱུག་གཞག །གང་གི་འོད་ཟེར་དེ་དག་གི། །ཕྱོགས་རྣམས་ཐམས་ཅད་རྒྱས་མཛད་དང་། །གང་གི་སྐུ་ལ་མཚན་ཀུན་གྱི། །མཛོད་རྣམས་ཐམས་ཅད་འབྱུང་བ་དང་། །མཚན་དང་གཞོན་དང་བརྩོན་འགྲུས་དང་། །གཞན་ཡང་
D746.095.0199b04.01ཞི་བར་ལྡན་པ་དང་། །མཆོག་རྣམས་མཆོག་སྦྱིན་བྱེད་པ་ལ། །གང་གིས་མཆོག་གི་མཆོག་སྦྱིན་དང་། །ཐུགས་རྗེ་ཆེ་དང་ལྡན་པའི་མགོན། །ཉི་མ་འཆར་ཀའི་འོད་དང་འདྲ། །འོད་ཟེར་ཉི་མ་བྱེ་བ་ཡིས། །གང་གིས་མུན་པ་བསལ་པ་དང་། །ཆོས་དང་མཚན་ཉིད་རིགས་
D746.095.0199b05.01པ་ཡི། །ཡིད་བཞིན་ནོར་བུའི་ཐུགས་མངའ་གང་། །གང་གིས་བསྐལ་པ་གྲངས་མེད་པར། །སེམས་ཅན་རྣམས་ནི་རབ་ཏུ་བསྲུངས། །རིན་ཆེན་ཨིནྡྲ་ནཱི་ལ་ལྟར། །གང་གི་གཙུག་ཏོར་མཛེས་པ་དང་། །ནོར་བུ་ཡི་ནི་རྒྱལ་པོ་བཞིན། །ཟླ་མདོག་ཅན་གྱི་མཛོད་སྲུང་སྣ། །
D746.095.0199b06.01གང་གི་བདུད་རྩི་གཏོང་བའི་ཞལ། །པདྨ་རཱ་གའི་མདོག་འདྲ་དང་། །དུས་མཚམས་གསེར་གྱིས་བསྒྱུར་བ་ཡི། །གསེར་གྱི་རི་ལྟར་སྐུ་མདོག་མཛེས། །འཁོར་ལོ་ཆེན་པོ་རྩིབས་སྟོང་པས། །ཕྱག་དང་ཞབས་ནི་ལེགས་སྤྲས་པ། །སྐྱིལ་མོ་ཀྲུང་ནི་མཛེས་པ་ཡིས། །
D746.095.0199b07.01