完整藏文原文 · 德格版页 当前仅加载第 95 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་དང་། །སྣུ་ཧ་ག་ཤི་རི་སྒོག་སྐྱ་རྣམས། །བ་གཅིན་དག་དང་བཏག་པར་བྱ། །གཏེར་སྒོ་གཅོག་པའི་སྦྱར་སྨན་འདི། །རྡོ་རྗེ་ཞེས་ནི་བྱ་བ་ཡིན། །ཀ་ར་བཱི་རའི་རྩ་བ་དང་། །ཆུ་ཤིང་ས་བོན་སྐྱེར་པ་དང་། །ཡུང་དང་ནག་ཏ་མ་ལ་དང་། །གི་རི་ཀར་ནི་དཀར་པོ་རྣམས། །
D746.095.0074b01.01བ་གཅིན་དག་དང་བཏག་པར་བྱ། །སྦྱར་སྨན་གྱི་ནི་རྒྱལ་པོ་འདི། །གཏེར་སྒོ་གཅོག་པའི་མཆོག་ཡིན་ནོ། །བིདྱུད་ཛི་ཧྭ་མོ་ར་ཏི། །དེ་བཞིན་རམ་ཉེའུ་ཡུངས་ཀར་རྣམས། །བ་གཅིན་གྱིས་ནི་ལེགས་སྦྱར་བ། །གཏེར་སྒོ་གཅོག་པ་དམ་པ་ཡིན། །བ་ལུང་གི་ནི་
D746.095.0074b02.01མེ་ཏོག་དང་། །ཤལ་ལ་ཀ་ཡི་སྙིང་པོ་དང་། །འབམ་པོ་སྣི་ཧ་ཀྵི་རི་དང་། །གི་ཝང་དག་དང་ལྡན་པར་ནི། །ར་གཅིན་དག་དང་བཏག་བྱས་པ། །རྡོ་རྗེ་འཇོམས་པའི་མཆོག་ཡིན་ནོ། །ཀོ་ཤ་ཏ་ཀའི་ས་བོན་དང་། །ཀོ་བི་ར་ཡི་འབྲས་བུ་དང་། །དུ་རུ་སྐ་ཡི་ལོ་མ་
D746.095.0074b03.01རྣམས། །བ་གཅིན་དག་དང་བཏག་བྱས་ལ། །ཞག་གྲངས་བཞི་བཅུ་དགུར་བཞག་པ། །རྡོ་རྗེ་འཇོམས་པའི་དམ་པ་ཡིན། །པ་རི་ཛཱ་ཏིའི་རྩ་བ་དང་། །སུ་བརྞ་དང་ཏ་ཀ་དང་། །སྤེན་མ་ཡི་ནི་ལོ་མ་དང་། །སྦྲང་རྩི་དང་ནི་ཤིང་ཀྲུ་དང་། །གི་ཝང་དག་དང་སྦྱར་བ་ནི། །གཏེར་
D746.095.0074b04.01སྒོ་གཅོག་པའི་དམ་པ་ཡིན། །སྦྱར་སྨན་དམ་པ་འདི་དག་ནི། །རྡོ་རྗེ་འཇོམས་པ་ཡིན་པར་བཤད། །གསེར་རྣམས་བླང་བར་འདོད་པ་ཡི། །ལག་པ་བསྐུ་བ་ང་ལས་ཉོན། །རུ་རྟ་དང་ནི་རྒྱ་སྤོས་དང་། །ཨ་ལི་ཏ་དང་མོ་ར་ཏི། །ལག་པ་བསྐུ་བའི་མཆོག་ཡིན་ཏེ། །རྡོ་རྗེ་
D746.095.0074b05.01འབར་བྱེད་འཇིགས་པ་ཡིན། །ཞིམ་ཐིག་ལེ་ཡི་ས་བོན་དང་། །ནག་ཏ་མ་ལེའི་འབྲས་བུ་རྣམས། །བ་གཅིན་དག་དང་སྦྱར་བ་ནི། །བདེ་བར་བྱེད་པའི་ལག་སྐུད་ཡིན། །པདྨའི་རྩ་བ་རྒྱ་སྤོས་དང་། །ས་རཀྵི་དང་སྤུ་རྣམས་ནི། །ར་ཡི་གཅིན་དང་ལེགས་སྦྱར་བའི། །བདེ་བར་
D746.095.0074b06.01བྱེད་པའི་ལག་སྐུད་ཡིན། །ཀ་གན་འཛི་ཡི་ས་བོན་དང་། །ཀར་ཎི་ཀ་རའི་མེ་ཏོག་དང་། །པྲི་ཡང་ཀུ་དང་རྒྱ་སྤོས་དང་། །སུ་ར་བི་དང་ཙནྡན་དཀར། །གི་ཝང་དག་དང་ལྡན་པ་ནི། །བདེ་བར་བྱེད་པའི་ལག་སྐུད་ཡིན། །སྒོ་གླེགས་ལག་པས་རེག་པ་ན། །
D746.095.0074b07.01