完整藏文原文 · 德格版页 当前仅加载第 95 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གསུམ་དག་གི། །འཇིགས་བྱེད་དྲག་པོ་ཡིན་པར་ངེས། །དེ་ཉིད་ངོ་མཚར་བྱེ་བ་སྙེད། །ཡ་མཚན་རྣམས་ཀྱང་སྟོན་པ་ཡིན། །གཅིག་པུ་རྡོ་རྗེ་གཉིས་ལྡན་པ། །དེ་ཉིད་ཀྱི་ནི་དྲུང་དག་ཏུ། །དཀྱིལ་འཁོར་རྣམ་པ་བཞི་བོ་དག །བྱིན་གྱིས་བརླབས་པའི་ཆོ་ག་བྱ། །
D746.095.0196b01.01བདེན་དང་གཏོར་བ་རྒྱ་ཆེ་བ། །ཏིང་འཛིན་ཞི་བ་ཡ་མཚན་ལྡན། །ཡང་ན་གང་གིས་འདི་དག་ཀུན། །ཐུབ་པའི་ཤེས་རབ་བྱིན་བརླབ་བྱ། །བདེན་དང་ངེས་པར་གནས་བྱས་ནས། །བདེན་བྲལ་ཕྱོགས་སུ་བྲི་བ་དང་། །ཆུ་ལྷའི་ཕྱོགས་སུ་སོང་ནས་ཀྱང་། །རྒྱ་ཆེན་དོན་རྣམས་
D746.095.0196b02.01བྱ་བ་ན། །སི་ཏ་ཀུ་ནི་བུ་དང་བཅས། །བཞི་བ་དེ་ནི་ལེགས་པར་གནས། །གྲོང་ཁྱེར་མཆོག་གི་དྲུང་དག་ཏུ། །གྲུ་ནི་བྱང་ཕྱོགས་བལྟ་བར་བྱ། །དེ་ནས་འཇུག་པར་རབ་བསྟན་དེ། །དཀྱིལ་འཁོར་དག་པ་གཞན་མི་བྱ། །གཟུགས་གནས་སྒོ་མཆོག་དེ་ཉིད་ནི། །རྡོ་རྗེ་འཛིན་
D746.095.0196b03.01པ་དགྱེས་པ་ཡིན། །དཀྱིལ་འཁོར་འདོད་པ་གང་ཡིན་པ། །དེ་ཡི་སྒོ་བྱང་ཕྱོགས་ཀྱི་ནི་དྲུང་དག་ཏུ། །བསྟན་པ་གང་ཡིན་གཞག་པར་བྱ། །ཕུར་གུམ་ཡིད་དུ་འོང་བ་དང་། །ལྡན་པའི་རྒྱ་སྐྱེགས་ཁུ་བ་དང་། །ལེ་བརྒན་རྩི་ཡིས་བསྒྱུར་བ་ཡི། །སར་ནི་དམར་
D746.095.0196b04.01ཞིང་ཡིད་འོང་བ། །བུག་རྡོལ་མེད་ཅིང་མ་ཉམས་ལ། །དྲི་ང་བདག་མེད་པ་ཡི། །གདན་དག་ཀྱང་ནི་ངེས་བྱས་ཤིང་། །ཤིང་{རིངས་,རིང་}ལ་ནི་ལེགས་པར་གདགས། །དེ་ནས་ལོགས་ཤིག་རྩེ་མོ་ཡི། །མ་བྱད་སྣ་ཚོགས་ཁྱད་པར་དུ། །རྣམ་པར་མཛེས་པ་གཞག་བྱ་སྟེ། །རྒྱ་སྐྱེགས་
D746.095.0196b05.01ལས་ནི་ལེགས་བྱས་པའི། །ཕོ་ལོང་ཆེན་པོ་རི་མོ་ཅན། །གཞན་ཡང་དྲིལ་དང་སྒོ་ངའི་དབྱིབས། །སྟེའུ་འཁོར་གྱི་ནི་ཚོགས་རྣམས་དང་། །གཞན་ཡང་རྣམ་པ་སྣ་ཚོགས་གཞག །ཀུ་རནྟ་ཀའི་མེ་ཏོག་ཕྲེང་། །རྒྱལ་མཚན་རྩེ་མོར་འཕྱད་དུ་གཞུག །ཡང་ན་མེ་ཏོག་དམར་བ་ཡི། །
D746.095.0196b06.01ཕྲེང་བ་བཟང་པོ་སྣ་ཚོགས་གདགས། །དེ་དག་བསྟན་པས་ཤེས་པ་ཡིས། །དཀྱིལ་འཁོར་དེ་ཡི་ཕྱི་རོལ་གཞག །དེ་ནས་རི་དབང་ཁོར་ཡུག་གི། །ནང་དུ་ཡང་ནི་འགྲོ་བ་དབྱ། །དེ་ལྟར་མཚུངས་མེད་ཅེས་བྱ་བའི། །དཀྱིལ་འཁོར་གྱི་ནི་ཐིག་གདབ་པ། །གནས་གཉིས་པ་ནི་རྒྱས་
D746.095.0196b07.01