完整藏文原文 · 德格版页 当前仅加载第 95 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་སྟོབས་དང་ཕ་རོལ་གནོན་པ་ཐོགས་པ་མེད་པར་གྱུར་པ་ནས་གཡས་པས་རལ་གྲི་བཟུང་སྟེ། འགུལ་བར་གྱུར་གྱི་བར་དུ་བཟླས་བརྗོད་བྱས་ནས་འཕགས་པར་འགྱུར་རོ། །དེ་ནས་རྡོ་རྗེ་བསྒྲུབ་པར་འདོད་ན། །ལྕགས་ཞུན་མ་ལས་རྡོ་རྗེ་སོར་བཅུ་དྲུག་པ་ཐོར་ཏོ་
D746.095.0104a01.01གཉིས་ཀ་རྩེ་གསུམ་པར་བྱས་ཏེ། ཙནྡན་དམར་པོའི་ལྡེ་གུས་ཕྱུགས་ལ་ཆོ་འཕྲུལ་ཆེན་པོའི་ཟླ་བ་ཚེས་ནས་བརྩམ་ཞིང་། རི་མོའི་གཟུགས་ལ་མཆོད་པ་རྒྱས་པར་བྱས་ནས་བཟླས་བརྗོད་བྱེད་ཅིང་ཉིན་གཅིག་བཞིན་དུ་ཕྱིར་ཞིང་རྒྱས་པར་བྱའོ། །དགེ་སློང་རྣམས་སྟོན་པའི་
D746.095.0104a02.01རྗེས་སུ་ཞག་གསུམ་སྨྱུང་བ་བྱས་ཏེ་རི་མོའི་གཟུགས་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་བཀྲམ་ལ་མཆོད་པ་རྒྱས་པར་བྱས་ཏེ་མར་གྱི་མར་མེ་བརྒྱད་སྦར་ནས་རྩྭ་ཀུ་ཤ་ལས་སྟན་བྱས་པ་ལ་འདུག་ལ་རྡོ་རྗེ་ལག་པ་གཉིས་ཀས་བཟུང་སྟེ་འབར་བར་གྱུར་གྱི་བར་དུ་བཟླས་བརྗོད་བྱས་
D746.095.0104a03.01ན་རྡོ་རྗེ་དེ་ཐོགས་པས་འཁོར་དང་བཅས་པ་འཕགས་པར་འགྱུར་ཏེ། རིག་སྔགས་ཀྱི་འཁོར་ལོས་སྒྱུར་བར་འགྱུར་ལ། སྟོབས་དང་ཕ་རོལ་གནོན་པ་ལག་ན་རྡོ་རྗེ་དང་མཉམ་ཞིང་བསྐལ་པ་ཆེན་པོའི་བར་དུ་འཚོ་བར་འགྱུར་ཏེ། ལུས་དང་བྲལ་ན་ཡང་རྡོ་རྗེའི་རིགས་སུ་སྐྱེ་བར་
D746.095.0104a04.01འགྱུར་རོ། །དེ་བཞིན་དུ་མདུང་རྩེ་གསུམ་པ་དང་མདུང་ཐུང་ལ་སོགས་པ་མཚོན་ཆ་ཐམས་ཅད་ཀྱང་འགྲུབ་པར་འགྱུར་རོ། །རས་དང་ཤིང་ལྷམ་དང་། མཆོད་ཕྱིར་ཐོགས་དང་། ཁར་བ་དང་། ཤིང་ལ་སོགས་པ་རྣམས་ཀྱང་ཆོ་ག་གོང་མའི་ཚུལ་གྱིས་བསྒྲུབས་ན་ཐམས་ཅད་
D746.095.0104a05.01དངོས་གྲུབ་རྣམ་པ་གསུམ་དུ་འགྱུར་རོ། །ཞི་བར་བྱ་བར་འདོད་ན་ཐབ་ཁུང་པདྨའི་དབྱིབས་འདྲ་བར་བྱས་ལ་མཆོད་སྦྱིན་ལ་འོས་པའི་བུད་ཤིང་དག་གིས་མེ་སྦར་ཏེ། འབྲས་བཟང་པོའི་ཆེན་གྱི་སྲེག་བླུགས་ཞོ་དང་སྦྲང་རྩི་དང་མར་སྦྱར་བ་བླུགས་གཟར་གྱིས་ལན་བརྒྱད་སྟོང་སྦྱིན་
D746.095.0104a06.01སྲེག་བྱས་ན་ཞག་གསུམ་བྱས་པས་ནི་བདག་གམ་གཞན་ཞི་བར་འགྱུར་རོ། །ཞག་བདུན་བྱས་པས་ནི་གྲོང་ངམ་གྲོང་ཁྱེར་ཞི་བར་འགྱུར་རོ། །མི་ནད་ཆེན་པོའི་གནོད་པ་ལ་ནི་ཤི་མི་ཡམ་སྲེག་ཤིང་ཞོ་དང་སྦྲང་རྩི་དང་མར་གྱི་ནང་དུ་སྨྱུགས་པའི་སྦྱིན་སྲེག་བྱའོ། །ཕྱུགས་ཀྱི་གོར་
D746.095.0104a07.01