完整藏文原文 · 德格版页 当前仅加载第 95 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱས་ལ། ལྷ་ཆེན་པོ་ལ་ཡང་ལྷ་བཤོས་ཅི་འབྱོར་པ་ཕུལ་ནས་སྨིགས་བུ་ལ་འབྲས་ཆན་ཞོ་དང་སྦྱར་བ་སྦྱིན་ནོ། །ཅེ་སྤྱང་ལ་ནི་ཤ་སྦྱིན་ནོ། །ཝ་ལ་ནི་ཅི་འདོད་པ་སྦྱིན་ནོ། །དེ་ནས་རིག་སྔགས་འཆང་གིས་ཡིད་ལ་བསམས་ཏེ་རིག་སྔགས་ཀྱི་རྒྱལ་པོ་བཟླས་བརྗོད་བྱས་ན་ཅི་
D746.095.0067b01.01སྟེ་སྨིགས་བུ་ཡིད་ལ་བསམས་ན་ནི་སྨིགས་བུ་སྨྲ་བར་འགྱུར་རོ། །ཅེ་སྤྱང་ཡིད་ལ་བསམས་ན་ནི་ཅེ་སྤྱང་སྨྲ་བར་འགྱུར་རོ། །ཝ་ཡིད་ལ་བསམས་ན་ནི་ཝ་སྨྲ་བར་འགྱུར་རོ། །ཡང་ན་དེ་དག་ཐམས་ཅད་ཡིད་ལ་བསམས་ན་ཐམས་ཅད་སྨྲ་བར་འགྱུར་ཏེ་སྨྲས་ན་འགྲུབ་
D746.095.0067b02.01པར་འགྱུར་རོ། །གྲུབ་ནས་ཀྱང་འཛམ་བུའི་གླིང་ན་ཡོད་པའི་དོན་ཐམས་ཅད་སྟོན་པར་འགྱུར་རོ། །ནམ་འཆི་བ་ཡང་སྟོན་པར་འགྱུར་རོ། །ནོར་ཡང་སྟོན་པར་འགྱུར་རོ། །རིག་སྔགས་གང་ཞིག་ལས་འགྲུབ་པར་མི་བྱེད་ན་རིག་སྔགས་དེའི་མིང་ནས་སྨོས་ཤིང་ལག་ན་རྡོ་རྗེའི་
D746.095.0067b03.01མདུན་དུ་ཨུ་དུམ་བཱ་རའི་ཡམ་སྲེག་ཤིང་བརྒྱ་སྟོང་སྦྱིན་སྲེག་བྱས་ན་རིག་སྔགས་མཐུ་དང་ལྡན་པར་འགྱུར་ཞིང་དངོས་གྲུབ་ཀྱང་མྱུར་དུ་སྦྱིན་པར་བྱེད་དོ། །འབྱུང་པོ་དབང་དུ་བྱ་བར་འདོད་ན་ཞག་གསུམ་སྨྱུང་བ་བྱས་ཏེ། མར་གྱི་ངོ་ཞག་བརྒྱད་ལ་དཀྱིལ་འཁོར་སྐྱོང་ནུལ་གྱིས་བྱུགས་
D746.095.0067b04.01ནས་དེའི་དབུས་སུ་ཚོན་རྩི་སྣ་གསུམ་གྱིས་ཕྱེ་མས་ལག་ན་རྡོ་རྗེའི་གཟུགས་བྱས་ཏེ་དེའི་གཡས་ཕྱོགས་སུ་འབྱུང་པོའི་བདག་པོ་བཞག་གོ། །དེ་ནས་ལག་ན་རྡོ་རྗེ་ལ་མཆོད་པ་བྱ་སྟེ། འབྱུང་པོའི་བདག་པོ་ལ་ལྷ་བཤོས་རྒྱས་པར་དབུལ་ཞིང་འབྱུང་པོའི་ཁ་ཟས་ཀྱང་སྦྱིན་པར་
D746.095.0067b05.01བྱ་སྟེ། སངས་རྒྱས་ཀྱི་སྤྱན་སྔར་སྤྱན་དྲང་བར་བྱས་ལ་རིག་སྔགས་ཀྱི་རྒྱལ་པོ་དང་བཅས་ཏེ། ལན་བརྒྱ་སྟོང་བཟླས་བརྗོད་བྱས་ནས་བ་རུ་རའི་ཤིང་གིས་མེ་སྦར་ལ། བ་རུ་རའི་ས་བོན་ཉེ་བའི་སྙིང་པོས་ལན་བརྒྱད་བརྒྱ་སྦྱིན་སྲེག་བྱའོ། །དེ་ནས་འབྱུང་པོའི་བུ་ནག་པོ་ཞེས་བྱ་བ་
D746.095.0067b06.01འོང་བར་འགྱུར་ཏེ། འོངས་ནས་ཅི་བྱ་ཞེས་ཟེར་བ་དང་། དེས་ཡིད་ལ་ཅི་དང་ཅི་བསམས་པ་ཐམས་ཅད་གྱིས་ཤིག་ཅེས་སྨྲོས་ཤིག །དེ་ནས་དེ་ལྟར་བྱའོ་ཞེས་སྨྲས་ནས་མི་སྣང་བར་གྱུར་ཏེ། བསམས་པ་ཙམ་གྱིས་དཔག་ཚད་བརྒྱར་ཡང་འགྲོ་ཞིང་དེ་བཞིན་དུ་ཕྱིར་ཡང་འོང་
D746.095.0067b07.01