完整藏文原文 · 德格版页 当前仅加载第 95 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་རྐང་པས་མནན་ཏེ་ལན་བརྒྱ་རྩ་བརྒྱད་བཟླས་བརྗོད་བགྱིས་ན་གདོན་གྱི་རིགས་ཕུང་བར་འགྱུར་རོ། །རིག་པ་སྒྲུབ་ན་ཐོག་མ་ཉིད་ལས་འདི་བགྱིས་ཏེ། ལག་ན་རྡོ་རྗེའི་མདུན་དུ་ཤླེ་ཤྨེ་ཏ་ཀའི་ཤིང་གིས་ཞུགས་བུས་ལ་ཀུ་རུ་བའི་མེ་ཏོག་བརྒྱད་སྟོང་སྦྱིན་སྲེག་བགྱིས་ན་ལྷ་དེས་
D746.095.0034b01.01རིག་པའི་ལྷ་བཟུང་ནས་ཁྲིད་དེ་མཆིའོ། །ཁྲིད་དེ་མཆིས་ནས་མྱུར་དུ་དངོས་གྲུབ་ཏུ་འགྱུར་རོ། །ཅི་སྟེ་ལོག་འདྲེན་རྣམས་ཀྱི་རིགས་བསྒྲུབ་པར་འཚལ་ན། ལོག་འདྲེན་རྣམས་ཀྱི་ལོག་འདྲེན་གྱི་རིགས་ནི་བཞི་མཆིས་ཏེ། སོ་གཅིག་པའི་རིགས་དང་། ཀམ་པོ་ཛའི་རིགས་
D746.095.0034b02.01དང་། རྣམ་པར་འཇོམས་པའི་རིགས་དང་། ཕུང་བྱེད་ཀྱི་རིགས་སོ། །སོ་གཅིག་པའི་རིགས་ལ་གཙུག་ཕུད་འཕྱང་ལ་སོགས་པ་ལོག་འདྲེན་བརྒྱད་ཁྲི་མཆིས་ཏེ། དེ་དག་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་བགེགས་བགྱིད་དོ། །ཀམ་པོ་ཛའི་རིགས་
D746.095.0034b03.01ལ་ནི་དབང་ཕྱུག་ཆེན་པོའི་གཡོག་འཁོར་བ་ལང་རྣ་བ་ལ་སོགས་པ་ལ་བགེགས་དྲུག་ཁྲི་མཆིས་ཏེ། དབང་ཕྱུག་ཆེན་པོའི་ཆོ་ག་རྒྱས་པ་ལ་བགེགས་བགྱིད་ཅིང་རིག་པ་ཡང་འཇོམས་པར་བགྱིད་དོ། །རྣམ་པར་འཇོམས་པའི་རིགས་ལ་ནི་འཇིག་རྟེན་སྐྱོང་བའི་གཡོག་འཁོར་
D746.095.0034b04.01མྱ་ངན་མེད་པ་ལ་སོགས་པ་ལོག་འདྲེན་དྲུག་ཁྲི་མཆིས་ཏེ། དེ་དག་ཀྱང་དབང་ཕྱུག་ཆེན་པོ་དང་ཕུར་བུ་གསུམ་པའི་ཆོ་ག་རྒྱས་པ་ལ་བགེགས་བགྱིད་དོ། །ཕུང་བྱེད་ཀྱི་རིགས་ལ་ནི་ལག་ན་རྡོ་རྗེའི་གཡོག་འཁོར་མུ་རྡ་ཏ་ཀ་ལ་སོགས་པའི་ལོག་འདྲེན་བྱེ་བ་ཕྲག་འབུམ་མཆིས་
D746.095.0034b05.01ཏེ། དེ་དག་ནི་རིག་པའི་ཆོ་ག་རྒྱས་པ་ཐམས་ཅད་ལ་བགེགས་བགྱིད་ཅིང་། རིག་པ་ཡང་འཇོམས་པར་བགྱིད་དོ། །འདི་ནི་ལོག་འདྲེན་དེ་དག་གིས་བསྒྲུབ་པ་ལགས་ཏེ། སོ་གཅིག་པའི་རིགས་ཀྱི་སྒྲུབ་པ་ནི་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་
D746.095.0034b06.01ལག་ན་རྡོ་རྗེའི་མདུན་དུ་དུར་ཁྲོད་ཀྱི་ཤིང་གིས་ཞུགས་བུས་ལ་བ་ལང་གི་མཁྲིས་པས་སྦས་པའི་ཡུངས་ཀར་ལ་ལན་བརྒྱ་སྟོང་སྦྱིན་སྲེག་བགྱིས་ན་ཀྱི་ཧུད་ཀྱི་ཧུད་ཅེས་མཆི་བའི་སྒྲ་གྲག་ཅིང་གྲུབ་པར་འགྱུར་ཏེ། གྲུབ་ནས་ཀྱང་སྒྲུབ་པ་ལ་བགེགས་མི་བགྱིད་དོ། །བདེ་བར་བསྒྲུབ་
D746.095.0034b07.01