完整藏文原文 · 德格版页 当前仅加载第 95 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འདོད་ན་ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་གཞོན་ནུའི་གནས་སུ་སོང་ལ་ཚོན་རྩི་སྣ་གསུམ་གྱིས་རྨ་བྱ་བྲིས་ནས་དེའི་ལུས་ལ་རྨ་བྱའི་སྒྲོ་བཞག་སྟེ། ལྷ་བཤོས་སྣ་ཚོགས་ཕུལ་ལ་དེ་ནས་སྐད་ལན་གསུམ་ཕྱུང་གི་བར་དུ་རིག་སྔགས་བཟླས་བརྗོད་བྱས་ན་དེ་ཕྱིན་ཆད་
D746.095.0096b01.01དུག་གསོ་བའི་ལས་ཐམས་ཅད་འགྲུབ་པར་འགྱུར་རོ། །རྨ་བྱའི་སྒྲོ་དེ་ཡང་དུད་པ་བཀག་སྟེ་བསྲེགས་ལ་དེས་མིག་བསྐུས་ན་ཕྱེ་མ་རེད་ལུས་མི་སྣང་བར་འགྱུར་ཏེ་ཡིད་ལ་གང་བསམས་པའི་དོན་དེ་བྱེད་ནུས་པར་འགྱུར་རོ། །སེམས་ཅན་ཐམས་ཅད་ལ་ཡང་མཚམས་བཅད་པར་ནུས་
D746.095.0096b02.01སོ། །འབྲུའི་ཞིང་གི་སྟེང་དུ་སོང་ལ་ལན་སྟོང་བཟླས་བརྗོད་བྱས་ན་འབྲུ་རྣམས་རྒྱས་པར་འགྱུར་རོ། །འབྲུ་མ་རུང་བར་བྱ་བར་འདོད་ན་མིའི་རུས་པའི་ཕུར་བུ་ལ་ལན་སྟོང་བཟླས་བརྗོད་བྱས་ཏེ་བཙུགས་ནམ་རུངས་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་
D746.095.0096b03.01པའི་དཀྱིལ་འཁོར་ཆེན་པོ་ལ་མེ་ཏོག་དབུལ་བ་དང་། ལྷ་ཐམས་ཅད་ལ་ཡང་ལྷ་བཤོས་དབུལ་བ་ཡང་འདིའི་རིག་སྔགས་ཀྱིས་བྱའོ། །མེ་སྟག་མའི་ཆོ་ག་སྟེ་གཉིས་པ་རྫོགས་སོ།། །།ཕྲེང་ལྡན་མའི་ལས་རྣམས་འབྱུང་སྟེ། བུད་མེད་དབང་དུ་བྱ་ན་ཞག་གསུམ་
D746.095.0096b04.01གྱི་བར་དུ་དུས་གསུམ་དུ་ལན་ཚྭའི་སྦྱིན་སྲེག་བྱས་ན་དབང་དུ་འགྱུར་རོ། །ཟླ་བ་གཅིག་གི་བར་དུ་དུས་གསུམ་དུ་ཁྲུས་བྱས་ཏེ་དུས་གསུམ་དུ་ལན་སྟོང་རྩ་བརྒྱད་བཟླས་བརྗོད་བྱས་ན་ཟླ་བ་གཅིག་ལོན་ནས་བཅོམ་ལྡན་འདས་ལག་ན་རྡོ་རྗེ་མཐོང་བར་འགྱུར་ཏེ་བསམས་པ་ཐམས་ཅད་
D746.095.0096b05.01ཡོངས་སུ་རྫོགས་པར་བྱེད་ཅིང་ཚེ་ལོ་ལྔ་བརྒྱ་ཐུབ་པར་འགྱུར་རོ། །ཡར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དགོན་པའི་གནས་སུ་ལན་བརྒྱད་སྟོང་བཟླས་བརྗོད་བྱས་ན་གློ་བུར་དུ་འོང་བར་འགྱུར་ཏེ། འོངས་ནས་གཏེར་སྦྱིན་པར་བྱེད་ལ་དེ་ཡང་མི་ཟད་པར་འགྱུར་རོ། །ཞག་
D746.095.0096b06.01གསུམ་སྨྱུང་བ་བྱས་ཏེ་ཡར་གྱི་ངོ་ཚེས་ལྔ་ལ་བུམ་པ་ས་བོན་དང་རིན་པོ་ཆེ་ཐམས་ཅད་ཀྱིས་བཀང་སྟེ་མགྲིན་བཅིངས་དང་བཅས་པར་བཞག་སྟེ། རིག་སྔགས་ཀྱང་ལན་བརྒྱད་སྟོང་བཟླས་བརྗོད་བྱས་ལ་ཆུ་དེས་རྒྱལ་པོ་འམ། རྒྱལ་པོའི་བུ་ཁྲུས་བྱེད་དུ་བཅུག་ན་ཡུལ་དེ་དཔལ་དང་ལྡན་
D746.095.0096b07.01