完整藏文原文 · 德格版页 当前仅加载第 95 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ཙམ་གྱིས་མ་ཕྲད་པར་བྱས་པ་ནི་པདྨ་མཚན་གྱིའོ། །དེ་ཉིད་ལས་མཐེ་བོང་དང་མཐེའུ་ཆུང་གཉིས་སྤྲད་པ་ལ་ལྷག་མ་རྣམས་མི་སྤྲད་པ་ནི་པདྨ་ཕྲེང་བའི་འོ། །ལག་པ་གཉིས་བཀན་ཏེ་མཛུབ་མོ་དང་སྲིན་ལག་རྣམས་བསྣོལ་བར་དཀྲིས་ལ་མཐེ་བོང་གཉིས་ལག་པའི་ནང་དུ་བཀུག་
D746.095.0162b01.01ནས་སོར་མོ་ལྷག་མ་རྣམས་ནི་ཐམས་ཅད་ཀྱང་འདྲ་བར་སོ་སོ་ནས་ལག་པའི་གཏིང་དུ་གདུ་བུ་ལྟར་བཀུག་པ་ནི་གཡུང་དྲུང་རིས་ཀྱིའོ། །སོར་མོ་ཕན་ཚུན་བསྣོལ་ཏེ་ཁུ་ཚུར་བཅངས་ལ་ལག་ངར་ཡང་གཅིག་ཏུ་སྦྱར་ནས་གུང་མོ་བསྒྲེངས་ཏེ་གཤིབས་ལ་མཛུབ་མོ་གཉིས་བརྐྱང་སྟེ་ནང་དུ་ཡང་མི་
D746.095.0162b02.01དགུག །ཕྱི་རོལ་དུ་ཡང་མི་དགྱེ་བར་ཐ་མལ་པར་བསྒྲེང་ནས་མཐེ་བོང་གཉིས་ནང་དུ་གཞུག་པ་ནི་མདུང་རྩེ་གསུམ་པའི་འོ། །ཕྱག་འཚལ་བའི་ཐལ་མོ་ལས་སྲིན་ལག་ལུ་གུ་རྒྱུད་ལྟར་དཀྲིས་ལ་མཐེ་བོས་སྲིན་ལག་གི་སེན་མོ་གཉིས་མནན་ནས་མཛུབ་མོ་དང་གུང་མོ་དང་། མཐེའུ་ཆུང་རྣམས་
D746.095.0162b03.01གཞིབས་ཏེ་བཞག་ལ་སོར་མོ་དེ་རྣམས་ཀྱི་བར་ནས་གཉིས་ཙམ་གྱི་ཚད་ཙམ་དུ་བྱས་ཏེ། དྲུང་དུ་ཁོང་སྟོང་དུ་བྱ་བ་འདི་ནི་རྡོ་རྗེའི་འོ། །ཕྱག་འཚལ་བའི་ཐལ་མོ་ལས་སོར་མོ་རྣམས་ནང་དུ་བསྣོལ་ཏེ་ཁུ་ཚུར་བཅངས་པ་ལག་པ་གཡས་པའི་གུང་མོའི་སྟེང་དུ་ཕྱུང་སྟེ། བརྐྱང་བ་མཆོད་སྡོང་གི་དབྱིབས་
D746.095.0162b04.01ལྟར་བྱས་ཏེ་བཞག་པ་ནི་མཆེ་བའི་འོ། །ཕྱག་འཚལ་བའི་ཐལ་མོ་ལས་སོར་མོ་རྣམས་ཕྱི་རོལ་དུ་བསྣོལ་ཏེ། ཁུ་ཚུར་བཅས་ལ་སོར་མོ་ལག་པའི་རྒྱབ་ཏུ་གཞར། ལག་ངར་གཉིས་གཤིབས་ཏེ་གཅིག་ལ་གཅིག་སྦྱར་ཏེ་ལག་པའི་རྟིང་སྤྲད་ལ་གུང་མོ་བརྐྱང་སྟེ་གཤིབས་པ་ནི་མདུང་ཐུང་གིའོ། །
D746.095.0162b05.01ཕན་ཚུན་བསྣོལ་མར་དཀྲིས་ལ་ལག་པ་གཉིས་ཀྱི་མཐེ་བོང་དང་། མཐེའུ་ཆུང་རྣམས་ལུ་གུ་རྒྱུད་དུ་སྦྲེལ་ནས་སོར་མོ་ལྷག་མ་རྣམས་རྡོ་རྗེའི་མཚན་ཉིད་ལས། ཀླུ་མགོའི་གདེངས་ཀ་ལྟར་བྱས་ཏེ། བར་རྣམས་ནས་གང་ཙམ་དུ་བྱ་བ་ནི་ཀླུའི་ལག་གིའོ། །ལག་པ་གཉིས་ཀའི་མཐེ་བོས་མཐེའུ་
D746.095.0162b06.01ཆུང་གི་སེན་མོ་མནན་ཏེ། ཞགས་མིག་གི་དབྱིབས་ལྟར་བྱས་ལ་ལག་པ་གཡོན་པ་བཀན་ནས་ལག་པ་གཡས་པ་ཁས་ཕུབ་སྟེ་སྦྱར་ལ་སོར་མོ་རྣམས་ཀྱི་ངོས་སོ་སོར་ལེགས་པར་ཕྲད་པར་བྱ་བ་ནི་ཞགས་པའི་འོ། །སོར་མོ་རྣམས་ཕན་ཚུན་ནང་དུ་བསྣོལ་ལ། ལག་པ་གཉིས་ཀྱི་གྲུ་མོ་སྦྱར་
D746.095.0162b07.01