完整藏文原文 · 德格版页 当前仅加载第 95 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་སྟོང་ཐུབ་པར་འགྱུར་རོ། །ཟས་སུ་འོ་ཐུག་འཚལ་ཞིང་ལག་ན་རྡོ་རྗེའི་མདུན་དུ་ལན་འབུམ་བཟླས་བརྗོད་བགྱིས་ན་མེ་ཁ་ལ་གྲུབ་པར་འགྱུར་ཏེ། །གདུགས་གཅིག་བཞིན་ཀཱར་ཥཱ་པ་ཎ་བརྒྱ་སྟོང་སྩོལ་ཏོ། །རྟག་ཏུ་བཟླས་བརྗོད་བགྱིས་ན་དགྲ་ལས་རྒྱལ་ལོ། །
D746.095.0035b01.01མར་གྱི་ངོ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་པདྨ་བརྒྱ་སྟོང་ཕུལ་ན་རིག་པའི་རྒྱལ་པོ་དམ་པ་སྩོལ་བར་འགྱུར་རོ། །མེ་ཁ་ལའི་ཆོ་ག་རྫོགས་སོ།། །།གདོན་དཀར་མོའི་ལས་རྣམས་ལགས་ཏེ། རི་མོ་མཁན་གསོ་སྦྱོང་བཟུང་བས་མ་གོད་
D746.095.0035b02.01པའི་རས་ལ་སྦྱིན་དང་མ་འདྲེས་པའི་ཚོན་གྱིས་ལག་ན་རྡོ་རྗེ་མདོག་སྔོ་བསངས་རྒྱན་ཐམས་ཅད་ཀྱིས་བརྒྱན་པ། ཕོ་ཉ་མོ་བཅུ་གཉིས་ཀྱིས་བསྐོར་བ་བྲི་བར་བགྱི་སྟེ། ཁ་དོག་ཇི་ལྟ་བ་བཞིན་དུ་བྲི་བར་བགྱིའོ། །ཕོ་ཉ་མོ་ཐམས་ཅད་ཀྱང་རྒྱན་ཐམས་ཅད་ཀྱིས་བརྒྱན་པ་བྲི་བར་
D746.095.0035b03.01བྱའོ། །ཐ་མར་རིའི་རྩེ་མོ་རྣམས་བྲི་བར་བྱའོ། །དེ་ནས་རིག་སྔགས་འཆང་གིས་ཡར་གྱི་ངོ་ཚེས་གཅིག་ནས་བརྩམས་ཏེ་ཟས་སུ་ཆུ་གྲོག་འཚལ་ཞིང་མར་གྱི་ངོ་ཞག་བརྒྱད་ལ་ཐུག་གི་བར་དུ་བཟླས་བརྗོད་བགྱིའོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་
D746.095.0035b04.01ཏེ་ལག་ན་རྡོ་རྗེ་ལ་མཆོད་པ་རྒྱ་ཆེར་བགྱིས་ལ་འབྱུང་པོ་ལ་གཏོར་མ་བཟང་དུ་ཡང་བགྱིའོ། །དེའི་འོག་ཏུ་རིག་སྔགས་འཆང་གིས་རི་མོའི་སྐུ་གཟུགས་ཀྱི་མདུན་དུ་བྱང་ཆུབ་ཀྱི་ཤིང་གིས་ཞུགས་བུས་ལ་པདྨ་ཞོ་དང་སྦྲང་རྩི་དང་མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིའོ། །
D746.095.0035b05.01དེ་ནས་ཅ་ཅོའི་སྒྲ་ཆེན་པོ་གྲག་པར་འགྱུར་ཏེ། དེ་ལ་ཡང་མི་འཇིགས་པར་བགྱིའོ། །དེ་ནས་གདོན་དཀར་མོ་གཟུགས་མི་སྡུག་པར་གྱུར་ནས་མཆི་སྟེ། དེ་ལ་ཡང་མི་འཇིགས་པར་བགྱིའོ། །རྡོ་རྗེ་བཞད་མའི་བཟླས་བརྗོད་བགྱིས་ལ་དེ་ལ་འདི་སྐད་ཅེས་ལག་ན་རྡོ་རྗེའི་
D746.095.0035b06.01གནང་ཆེན་མ་བཅོམ་ལྡན་འདས་མ་ཁྱོད་ལེགས་པར་བྱོན་ཏམ་ཞེས་བརྗོད་པར་བགྱིའོ། །དེ་དེ་སྐད་ཐོས་ནས་དགའ་བར་འགྱུར་ཏེ། དེས་འདི་སྐད་དུ་ཅི་བྱ་ཞེས་བརྗོད་པ་དང་། བཅོམ་ལྡན་འདས་མ་ལོ་ལྔ་སྟོང་ཐུབ་པར་འཚལ་ལོ་ཞེས་བརྗོད་པར་བགྱི་སྟེ། དེ་བཞིན་དུ་གྱུར་
D746.095.0035b07.01