完整藏文原文 · 德格版页 当前仅加载第 95 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ལན་ཉི་ཤུ་རྩ་གཅིག་སྦྱིན་སྲེག་བགྱིས་ན་དབང་དུ་འགྱུར་རོ། །རཱ་ཛྙཱ་ན་བ་མ་ཤི་ཀ་ཏུ་ཀ་མ་ཀྲྀཥྞ་སྲ་ཨ་བྷ་མི་མ་ཨ་ཧོ་ར་ཏྲོ་ཤི་ཏེ་ན་བཛྲ་པཱ་ཎི་ར་གྷུ་ཏ་ཏི་ལ་ཀ་ཤྭེ་རཀྣིཾ་པྲ་ཛྭཱ་ལྱ་རུ་དྷི་ར་ཨཀྟ་ནཾ་རཱ་ཛི་ཀ་ནཾ་ཨཥྚ་ས་ཧ་སྲཾ་ཛུ་ཧཱུ་ཡཱཾ་བཱ་ཤོ་བྷ་བ་ཏི། རྒྱ་མཚོར་འབབ་
D746.095.0032a01.01པའི་ཆུ་ངོགས་གཉིས་ཀའི་ས་བླངས་ལ་ཟ་མ་ཏོག་བགྱིས་ཏེ། ཟ་མ་ཏོག་དེར་ལིག་བུ་མིག་སྩལ་ལ་ཟ་མ་ཏོག་ཀྱང་མི་ཐོད་ཁ་སྦྱར་གྱི་ནང་དུ་སྩལ་ཏེ། མར་གྱི་ངོ་ཞག་བརྒྱད་ནས་དགུང་གསུམ་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ་ལྷོ་ཕྱོགས་སུ་མཆིས་
D746.095.0032a02.01ཏེ་མི་ཐོད་ཐོགས་ལ་འབར་གྱི་བར་བཟླས་བརྗོད་བགྱིའོ། །འབར་ནས་བླངས་ཏེ་རིག་པ་མཆོག་གིས་བསྲུང་བ་བགྱིས་ཏེ། ལིག་བུ་མིག་གཅིག་ལ་བཏབ་སྟེ། ལིག་བུ་མིག་དེ་འོ་མ་དང་ལྷན་ཅིག་འཚལ་ན་འཚལ་བ་ཙམ་གྱིས་སྐྲ་ལྕང་ལོ་འཁྱིལ་བར་འགྱུར། །མདོག་
D746.095.0032a03.01ཨུཏྤ་ལའི་ཁ་དོག་ལྟ་བུར་འགྱུར། མཚོན་གང་དག་འཕངས་པ་དེ་དག་ཕྱེ་མར་ལྷགས་པར་འགྱུར། ལོ་དྲུག་ཁྲི་ཐུབ་པར་འགྱུར། དབང་ཕྱུག་ཆེན་པོའི་ཚོགས་རྣམས་གྲོགས་སུ་འགྱུར་རོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ། ལག་
D746.095.0032a04.01ན་རྡོ་རྗེའི་མདུན་དུ་བྱང་ཆུབ་ཀྱི་ཤིང་གིས་ཞུགས་བུས་ལ་མེ་ཏོག་ཨུཏྤ་ལ་ཞོ་དང་སྦྲང་རྩི་དང་མར་ལ་སྨྱུགས་པ་བརྒྱ་སྟོང་སྦྱིན་སྲེག་བགྱིས་ན་ཡུལ་རྙེད་དོ། །འབྱུང་པོ་ཐམས་ཅད་དབང་དུ་བགྱི་བར་འཚལ་བས་མར་གྱི་ངོ་ཞག་གསུམ་དུ་སྨྱུང་བ་བྱས་ཏེ། དུར་ཁྲོད་དུ་
D746.095.0032a05.01མཆིས་ལ་པྲི་ཡང་ཀུའི་ཤིང་གིས་ཞུགས་བུས་ཏེ་མར་ལ་ལན་བརྒྱ་རྩ་བརྒྱད་སྦྱིན་སྲེག་བགྱིས་ན་འབྱུང་པོ་ཐམས་ཅད་མཆི་བར་འགྱུར་ཏེ། དེ་དག་ལ་ཕྱག་བརྙན་གྱིས་ཤིག་ཅེས་བརྗོད་ན་གང་དང་གང་དུ་བསྐོས་པ་དེ་དག་ཐམས་ཅད་བགྱིད་དོ། །ཡར་གྱི་ངོ་ཚེས་ལྔ་ལ་ཉིན་
D746.095.0032a06.01ཞག་གཅིག་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་ཨ་ཏི་མུཀྟ་ཀའི་མེ་ཏོག་སྟོང་རྩ་བརྒྱད་ཕུལ་ན་ལོངས་སྤྱོད་རྣམས་སྩོལ་ཏེ། །ཤུགས་ལྡན་མའི་ཆོ་ག་རྫོགས་སོ།། །།རྡོ་རྗེ་གདོང་གི་ལས་རྣམས་ལགས་ཏེ། ལན་བརྒྱ་རྩ་བརྒྱད་བཟླས་བརྗོད་བགྱིས་
D746.095.0032a07.01