完整藏文原文 · 德格版页 当前仅加载第 95 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་བཟླས་བརྗོད་བྱས་ན་འཇིག་རྟེན་གྱི་མ་མོ་རྣམས་དམ་པ་སྦྱིན་པར་འགྱུར་རོ། །འཇིག་རྟེན་གྱི་མ་མོ་རྣམས་ཀྱི་ཆོ་ག་རྫོགས་སོ།། །།ལྷ་རྣམས་འཇིག་རྟེན་གྱི་མ་མོ་རྣམས་ཀྱི་ལས་རྣམས་ངས་བཤད་དོ། །རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་
D746.095.0122b01.01མེད་པ་ལས་ཕྱི་མ་ཡང་བཤད་པར་བྱའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཁྲོ་བོ་བཞག་ནས་མཆོད་པ་རྒྱས་པར་བྱས་ལ་བཅོམ་ལྡན་འདས་མས་ལས་ཐམས་ཅད་བྱ་ཞིང་མེ་ཏོག་དཀར་པོ་རེ་རེ་ལ་ལན་རེ་རེ་བཟླས་བརྗོད་བྱེ་བ་བརྒྱད་
D746.095.0122b02.01སྟོང་གིས་འཕགས་པ་རྡོ་རྗེ་ཁྲོ་བོའི་བྲང་དུ་བསྣུན་ན་དམ་པ་སྦྱིན་པར་འགྱུར་རོ། །ལན་བདུན་བཟླས་བརྗོད་བྱས་པའི་གུ་གུལ་བདུག་པས་ནི་འབེབས་པར་བྱེད་དོ། །ཆུའམ་ཡང་ན་རྣམ་པར་བཟླས་བརྗོད་བྱས་པས་ནི་རྒྱ་འཇོམས་པར་བྱེད་དོ། །ལོ་མས་ནི་དུག་སེལ་བར་བྱེད་དོ། །
D746.095.0122b03.01བསྲུང་བ་ནི་སྐུད་པའམ། གོས་ཀྱི་གྲྭར་མདུད་པ་བྱ་སྟེ། དེ་དག་ཐམས་ཅད་ཀྱང་ལན་བདུན་བདུན་བཟླས་བརྗོད་བྱས་པས་ནི་ལོངས་སྤྱོད་ཀྱི་གཞི་འདོད་ན་རས་མ་ཉམས་པ་ལ་རི་མོ་མཁན་གསོ་སྦྱོང་དང་ལྡན་པས་འཕགས་པ་རྡོ་རྗེ་ཁྲོ་བོ་མདོག་གནག་ལ་མིག་དམར་བ་ཤམ་ཐབས་
D746.095.0122b04.01སེར་པོ་གྱོན་ཞིང་སྐྲ་ཁམ་པར་འདུག་ལ། སྦྲུལ་གྱི་ཕྲེང་བས་བརྒྱན་ཏེ་པདྨ་ལ་འདུག་པ་འདྲིར་གཞུག་གོ། །དེ་ནས་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ། སྐུ་གཟུགས་ཀྱི་མདུན་དུ་བྱང་ཆུབ་ཀྱི་ཤིང་བུད་ཤིང་གིས་མེ་སྦར་ནས་པདྨ་དཀར་པོ་ཞོ་དང་སྦྲང་རྩི་དང་མར་གྱི་
D746.095.0122b05.01ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན་དངོས་གྲུབ་པའི་མཚན་མར་མེ་ཏོག་གི་ཕྲེང་བ་འགུལ་པར་འགྱུར་ཏེ། གྲུབ་ནས་ཀྱང་ཁམས་གཅིག་གི་རྒྱལ་པོར་འགྱུར་རོ། །མཆོད་པའང་ཅི་འབྱོར་པས་བྱའོ། །བཟླས་བརྗོད་བྱས་པ་ཙམ་གྱིས་གདོན་ཐམས་ཅད་འཇོམས་པར་བྱེད་
D746.095.0122b06.01དོ། །ལོ་མའམ་ཆུས་ནི་དུག་སེལ་བར་བྱེད་དོ། །སས་ནི་ཁམ་ཕོར་ལག་པ་ལ་འབེབས་པར་བྱེད་དོ། །མིའི་ཐོད་པ་དང་བུམ་པ་ལའང་འབེབས་པར་བྱེད་དོ། །ཡན་ལག་ཀྱང་མ་རུངས་བར་བྱེད་ནུས་སོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ལི་ཁྲི་བླངས་ལ་ཐོད་
D746.095.0122b07.01