完整藏文原文 · 德格版页 当前仅加载第 95 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རིག་སྔགས་འཆང་གིས་རིག་སྔགས་ཀྱི་རིགས་འགྲུབ་པ་དང་། ཆོ་ག་རྒྱས་པ་འགྲུབ་པར་ཤེས་པར་བྱ་སྟེ། དེ་ནས་ལས་བརྩམ་པར་བྱའོ། །ཡིད་ལ་བསམས་ཏེ་ཕུར་བུ་གསུམ་པས་བཤད་པའི་ཆོ་ག་རྒྱས་པ་དང་། ལག་ན་རྡོ་རྗེས་བཤད་པ་བསྒྲུབ་པར་བྱའོ། །
D746.095.0062b01.01རྣ་བར་བཤིབས་ཏེ་བཟླས་བརྗོད་བྱས་ན་དངོས་གྲུབ་ཀྱི་མཆོག་སྟོན་པར་འགྱུར་ཏེ། ནུབ་ཀར་ལག་ན་རྡོ་རྗེ་ལ་མཆོད་པ་བྱས་ལ་ལག་ན་རྡོ་རྗེའི་རྣ་བ་གཡས་པར་རིག་སྔགས་ལན་སྟོང་རྩ་བརྒྱད་བཟླས་བརྗོད་བྱས་ནས་ཅི་སྟེ་རྨི་ལམ་དུ་བྲམ་ཟེ་མཐོང་ན་ལས་འགྲུབ་པར་
D746.095.0062b02.01འགྱུར་རོ། །འདྲེག་མཁན་མཐོང་ན་ནི་འགྲུབ་པར་མི་འགྱུར་ཏེ། དེ་ལ་བལྟ་ཞིང་ལས་བསྒྲུབ་པར་བྱའོ། །རི་མོའི་གཟུགས་གང་གིས་མཐོང་བ་དེས་ནི་རྡོ་རྗེའི་རིགས་མཐོང་བ་ཡིན་ནོ། །རྡོ་རྗེའི་རིགས་མཐོང་ན་ལས་འབྱང་བར་འགྱུར་རོ། །ལས་བྱང་ན་དངོས་གྲུབ་ཀྱི་མཆོག་
D746.095.0062b03.01ཐོབ་པར་འགྱུར་ཏེ། རས་མཉམས་པ་ལ་རི་མོ་མཁན་གསོ་སྦྱོང་དང་ལྡན་པ་ཚོན་རྩི་སྦྱིན་མེད་པས་སངས་རྒྱས་ཀྱི་སྐུ་གཟུགས་གསེར་གྱི་ཁ་དོག་ཅན་ཆོས་སྟོན་པའི་ཚུལ་དུ་འདྲིར་གཞུག་གོ། །དེ་བཞིན་གཤེགས་པའི་གཡས་ལོགས་སུ་ལྷ་མོ་གསེར་གྱི་ཁ་དོག་
D746.095.0062b04.01ཅན་ཆོས་ཉན་པར་བྲིའོ། །དེའི་འོག་ལོགས་སུ་ལག་ན་རྡོ་རྗེ་མདོག་སྔོ་བསངས་ལ་རྒྱན་ཐམས་ཅད་ཀྱིས་བརྒྱན་པ་ཆོས་ཉན་པར་བྲི། དེ་བཞིན་གཤེགས་པའི་གཡོན་ལོགས་སུ་དབང་ཕྱུག་ཆེན་པོ་འདམ་བུ་མདའ་རྒྱུའི་མདོག་ཅན་ཐོར་ཚུགས་དང་ཅོད་པན་ཐོགས་པར་བྲི།
D746.095.0062b05.01དེའི་གཡོན་ལོགས་སུ་ཕུར་བུ་གསུམ་པའི་མ། མ་ཏང་གི་ཆ་ལུགས་ཅན་ཆོས་ཉན་པའི་ཚུལ་དེའི་འོག་ལོགས་སུ་དབང་ཕྱུག་ཆེན་པོ་འདམ་བུ་མདའ་རྒྱུའི་ཁ་དོག་ཅན། །ཐོར་ཚུགས་འཆང་བའི་མགོ་ལ་ཟླ་བའི་མཚན་མ་ཡོད་ལ་མིག་གསུམ་དང་ལྡན་པར་བྲིའོ། །
D746.095.0062b06.01དེའི་དྲུང་དུ་མ་ཏང་གི་རྒྱལ་པོ་ཕུར་བུ་གསུམ་པ་མདོག་སྔོ་བསངས་རྒྱན་ཐམས་ཅད་ཀྱིས་བརྒྱན་པ་མ་ཏང་གི་ཆ་ལུགས་སུ་བྲིའོ། །དེའི་ལོགས་སུ་འཇིག་རྟེན་སྐྱོང་བ་བཞི་ཁ་དོག་ཐ་དད་པ་དང་། རྒྱན་སྣ་ཚོགས་ཀྱིས་བརྒྱན་པ་ཆོས་ཉན་པའི་ཚུལ་དུ་བྲི། ལག་ན་རྡོ་རྗེའི་
D746.095.0062b07.01